1 Myghternedh 16:31 - An Bibel Kernewek 20234 (Kernewek Kemmyn)

³¹ Ha par dell ve tra skav ragdho kerdhes yn peghosow Yeroboam mab Nebat, ev a gemmeras avel y wreg Yezebel myrgh Ethbaal myghtern an Sidonysi, hag ev eth ha servya Baal, ha'y wordhya.

1 Myghternedh 16:31 ပူးပေါင်းရင်းမြစ်များ

Jenesis 30:15

Yn-medh hi dhedhi, ‘Yw tra vyghan ty dhe gemmeres ow gour, ha ty a vynn kemmeres ynwedh mandragorow ow mab?’ Yn-medh Raghel, ‘Yn attal rag mandragorow dha vab, ev a yll growedha genes haneth.’

Jenesis 6:2

mebyon Duw a welas myrghes mab-den ha'ga bos teg, hag i a gemmeras dhedha aga honan gwragedh a vyns anedha a dhewissons.

1 Myghternedh 18:18

Ev a worthybis, ‘Ny droblis Ysrael; mes ty ha chi dha das a'n gwrug, drefenn hwi dhe eskasa gorhemmynnow an Arloedh ha holya an Baalim.

1 Myghternedh 18:19

Lemmyn ytho dannvon ha kuntell oll Ysrael ragov dhe venydh Karmel, gans an peswar kans ha hanter-kans profoes a Baal ha'n peswar kans profoes a Ashera, a dheber orth moes Yezebel.’

1 Myghternedh 18:4

pan esa Yezebel ow ladha profoesi an Arloedh, Obadia a gemmersa kans profoes, aga hudha yn mogowyow, hanter kans yn pubonan, ha'ga sostena gans bara ha dowr.

2 Myghternedh 10:18

Ena Yehu a guntellas oll an bobel war-barth ha leverel dhedha, ‘Ahab a servyas Baal nebes; mes Yehu a wra y servya yn feur.

2 Myghternedh 17:16

I a asas oll gorhemmynnow an Arloedh aga Duw, ha gul ragdha aga honan imajys teudhys a dhew leugh, ha gul Ashera, ha gordhya oll lu an nevow, ha servya Baal.

2 Myghternedh 21:3

Ev a dastrehevis an tylleryow ughel a dhistruis y das Hezekia; ev a dhrehevis alteryow dhe Baal, ev a wrug Ashera, dell wrussa Ahab myghtern Ysrael, gordhya oll lu nev, ha'ga servya.

2 Myghternedh 3:2

Ev a wrug drog yn golok an Arloedh, mes nyns o kepar dell wre y das ha'y vamm. Ev a dhileas peulven Baal re wrussa y das.

2 Kroniklys 17:4

mes ev a hwilas Duw y das hag a gerdhas yn y worhemmynnow, a-der fordhow Ysrael.

2 Kroniklys 21:13

mes ty re gerdhas yn fordhow myghternedh Ysrael, ha ledya Yuda ha trigoryon Yerusalem dhe wordhyans idolys, par dell wrug chi Ahab; hag ynwedh drefenn ty dhe ladha dha vreder, eseli chi dha das, an re o gwell agesos ty dha honan;

Ysay 7:13

Ena yn-medh ev: ‘Goslowewgh, chi Davydh! A'n synsowgh tra vyghan hwi dhe skwitha tus, mes hwi a vynn ynwedh skwitha ow Duw?

Ezekiel 16:20

Ty a gemmeras dha vebyon ha'th vyrghes a dhineythsys dhymmo, ha'ga sakrifia dhedha dhe dhybri. A nyns o dha fornikasyon lowr?

Ezekiel 16:47

A ny gerdhsys yn aga fordhow ha'ga thaklow kasadow? A verr spys y feus moy legrys agessa i yn oll dha fordhow.

Ezekiel 34:18

A nyns yw lowr ragowgh, hwi dhe dhybri an beurva dha, mes hwi a drett yn-dann agas treys remenant agas peurva ynwedh? ha hwi dhe eva dowr kler, ha gul an remenant leysek gans agas treys?

Ezekiel 8:17

Ena yn-medh ev dhymm, ‘A welsys, mab den? Yw ev tra drufel rag chi Yuda, i dhe wul an taklow vil re wrussons omma? Rag i re lenwis an tir a freudh, ha'm serri hwath moy. Ottensi ow korra skorrenn dh'aga throen.

Hosea 2:15

My a re dhedhi hy gwinlannow alena, ha nans Akor avel daras govenek. Ena hi a worthyp kepar hag yn dydhyow hy yowynkneth, kepar hag y'n jydh may teuthons yn-bann yn-mes a bow Ejyp.

Niverow 16:9

Yw hi tra re vyghan ragowgh, Duw Ysrael dh'agas diberth dhiworth kuntelles Ysrael, dh'agas dri ogas dhodho y honan, dhe wul servis yn tabernakel an Arloedh, ha dhe sevel a-rag an kuntelles dhe venystra dhedha?

Dewteronomi 7:1

Pan wra an Arloedh dha Dhuw dha dhri bys y'n tir mayth esos ow tos ena dh'y erita, ha fesya lies kenedhel a-ragos, an Hittysi, an Girgashysi, an Amorysi, an Kananysi, an Perizzysi, an Hivysi, ha'n Yebusysi, seyth kenedhel brassa ha kreffa agesos,

Diskwedhyans 2:20

Byttegyns, yma genev hemma er dha bynn: ty dhe asa an venyn na Yezebel a elow hy honan profoeses dhe dhyski ha dynya ow gwesyon dhe wul fornikasyon ha dybri taklow offrynnys dhe idolys.

Breusysi 1:31

Ny wrug Asher chasya dhe-ves trigoryon Akko, na trigoryon Sidon, Ahlab, Akzib, Helba, Afik na Rehob;

Breusysi 10:12

An Sidonysi ynwedh ha'n Amalekysi, ha'n Maonysi a'gas arwaska; ha hwi a grias dhymmo ha my a'gas delivras dhiworth aga leuv.

Breusysi 10:6

Mebyon Ysrael a wrug arta an pyth o drog yn golok an Arloedh, ow kordhya an Baalim ha'n Ashtaroth, duwow Aram, duwow Sidon, duwow Moab, duwow an Ammonysi, ha duwow an Filistysi. Yndella i a asas an Arloedh, ha ny'n gordhyens.

Breusysi 18:7

An pymp gour eth yn-rag, ha pan dheuthons dhe Laish, i a welas an bobel esa ena ow pewa gans diagha herwydh gis tus Sidon, kosel ha digeudh, heb edhomm a dravyth war an norvys, ha dhedha rychys. Pell vons a dus Sidon, ha ny's teva kevrenn gans denvyth.

Breusysi 2:11

Ena mebyon Ysrael a wrug drogober yn golok an Arloedh hag a servyas an Baalim.

Breusysi 3:7

Mebyon Ysrael a wrug arta an pyth o drog yn golok an Arloedh, owth ankevi an Arloedh aga Duw, hag ow kordhya an Baalim ha'n Asheroth.