1 Myghternedh 16:26 - An Bibel Kernewek 20234 (Kernewek Kemmyn)

²⁶ Rag ev a gerdhas yn fordh Yeroboam mab Nebat, hag y'n peghosow may hwrug dhe Ysrael aga gul, ow provokya an Arloedh, Duw Ysrael, dhe sorr gans aga idolyow koeg.

1 Myghternedh 16:26 ပူးပေါင်းရင်းမြစ်များ

1 Myghternedh 16:13

drefenn oll peghosow Baasha ha peghosow y vab Ela a wrussons, ha may hwrug dhe Ysrael aga gul, ow provokya an Arloedh, Duw Ysrael dhe sorr gans aga idolyow koeg.

1 Myghternedh 16:19

drefenn an peghosow a wrug ev, ow kul drog yn golok an Arloedh, ow kerdhes yn fordh Yeroboam, ha rag an pegh re wrug, ow kul dhe Ysrael pegha.

1 Myghternedh 16:2

‘A-ban y'th trehevis yn-mes a'n doust ha gul dhis bos rewler war ow fobel Ysrael, ha ty dhe gerdhes yn fordh Yeroboam, ha gul dhe'm pobel Ysrael pegha, orth ow frovokya dhe sorr gans aga feghow,

1 Myghternedh 16:27

An hwarvosow a wrug Omri, ha'n nerth a dhiskwedhas, a nyns yns i skrifys yn lyver kovadhow myghternedh Ysrael?

1 Myghternedh 16:7

Ger an Arloedh a dheuth ynwedh dre leuv an profoes Yehu mab Hanani erbynn Baasha ha'y ji, ha drefenn oll an drog a wrug yn golok an Arloedh, orth y brovokya dhe sorr gans ober y dhiwleuv, ow pos haval dhe ji Yeroboam, hag ynwedh drefenn ev dh'y dhistrui.

Salmow 31:6

My re gasas an re a wra vri a euveredh gwag; mes my a drest y'n Arloedh.

Yeremia 10:3

Rag ordenansow an bobel yw euver: gwydhenn a'n goeswik yw treghys, gweyth leuv an ser, gans an voel.

Yeremia 10:8

Mes i yw ha gokki ha foll; dyskans idolys a brenn yw euveredh.

Yeremia 14:22

Eus yn mysk idolyow an kenedhlow nebonan a yll gwruthyl glaw? Po a yll an nevow aga honan ri kowasow? A nyns yw ty, A Arloedh agan Duw? Ytho yma agan govenek ynnos, rag ty re wrug oll an traow ma.

Yeremia 16:19

A Arloedh, ow nerth, hag ow skons, ha'm skovva yn dydh an galar, an kenedhlow a wra dos dhis a-dhiworth pennow an nor, ha leverel: Yn sur agan tasow re eritas gowyow, euveredh ha traow heb les.

Yeremia 18:15

Mes ow fobel re'm ankovas, i a lesk offrynnow dhe dhuwow koeg neb a wrug dhedha trebuchya yn aga fordhow, y'n hynsyow koth, dhe gerdhes yn hynsyow nag yns drehevys yn-bann,

Yeremia 8:19

Otta, lev kri myrgh ow fobel dre hys ha les an tir: ‘A nyns usi an Arloedh yn Sion? A nyns usi hy myghtern ynni?’ ‘Prag y hwrussons ow frovokya dhe sorr gans aga imajys gravys ha'ga idolys estren koeg?’

Mika 6:16

Ordenansow Omri yw gwithys, hag oberow oll chi Ahab, ha hwi a gerdh herwydh aga husul. Rakhenna my a'th wra avel euth, ha'y thrigoryon a vydh hwibana, ha hwi a berth mewl ow fobel!

Oberow 14:15

‘A wer, prag y hwrewgh hwi an taklow ma? Ni ynwedh yw gwer, a'n keth gnas avelowgh, ha ni a bregoth rag agas treylya dhiworth an taklow koeg ma dhe Dhuw bew, neb a wrug an nev ha'n nor ha'n mor ha pup-tra eus ynna.

Dewteronomi 32:21

I a'm gwrug avius dre neppyth nag yw duw, i a'm sorras gans aga idolys koeg; rakhenna my a's gwra avius dre bobel dhistyr, my a wra aga serri dre genedhel gokki.