1 Myghternedh 15:3 - An Bibel Kernewek 20234 (Kernewek Kemmyn)

³ Ev a gerdhas yn oll an peghosow re wrussa y das kyns; nyns o y golonn perfydh gans an Arloedh y Dhuw, par dell o kolonn y das Davydh.

1 Myghternedh 15:3 ပူးပေါင်းရင်းမြစ်များ

1 Myghternedh 11:33

Hemm yw drefenn ev dhe'm eskasa ha gordhya Ashtoreth duwes an Sidonysi, Kemosh duw Moab, ha Milkom duw an Ammonysi, ha ny gerdhas yn ow fordhow, ow kul an pyth yw ewn yn ow golok ha gwitha ow ordenansow ha'm breusow, dell wrug y das Davydh.

1 Myghternedh 11:4

Rag pan o Solomon koth y wragedh a dreylyas dhe-ves y golonn war-lergh duwow erell; ha nyns o y golonn perfydh gans an Arloedh y Dhuw, par dell o kolonn y das Davydh.

1 Myghternedh 15:14

Mes ny veu an tylleryow ughel kemmerys dhe-ves. Byttegyns kolonn Asa o perfydh gans an Arloedh oll y dhydhyow.

1 Myghternedh 3:14

Mar kerdhydh y'm fordhow, ow kwitha ow ordenansow hag ow gorhemmynnow, dell gerdhi dha das Davydh, ena my a ystynn dha dhydhyow.’

1 Myghternedh 3:3

Solomon a garas an Arloedh, ow kerdhes yn ordenansow Davydh y das: saw y hwre ev ladha ha leski sakrifisow y'n tylleryow ughel.

2 Myghternedh 20:3

‘Porth kov lemmyn, A Arloedh, my a'th pys, a fatell gerdhis a-dherag dhis yn gwiryonedh hag a leun golonn, hag a wrug an pyth yw da y'th wel.’ Hag ev a oelas yn hwerow.

2 Kroniklys 25:2

Ev a wrug an pyth o ewn yn golok an Arloedh, mes a-der a leun golonn.

Salmow 119:80

Bedhes ow holonn perfydh y'th ordenansow, ma na berthiv meth.

Dewteronomi 17:20

rag na vo y golonn ughelhes a-ugh y vreder, ha rag na dreyllyo a-denewen dhiworth an gorhemmynn dyghow na kledh, ha rag may hirhaho y dhydhyow war y ruvaneth, ev ha'y vebyon, yn mysk Ysrael.

1 Samuel 25:28

My a'th pys, gav treuspass dha vaghteth; rag an Arloedh a wra yn sur rag ow arloedh chi sur, drefenn ow arloedh dhe vatalyas batelyow an Arloedh; ha ny vydh drog kevys ynnos oll dha dhydhyow.