1 Myghternedh 15:20 - An Bibel Kernewek 20234 (Kernewek Kemmyn)

²⁰ Ben-hadad a woslowas orth myghtern Asa, ha dannvon kaslewydhyon y luyow erbynn sitys Ysrael. Ev a fethas Iyon, Dan, Abel-beth-maaka, hag oll Kinneroth, gans tiredh oll Naftali.

1 Myghternedh 15:20 ပူးပေါင်းရင်းမြစ်များ

Jenesis 14:14

Ha pan glewas Abram bos y vroder kemmerys prisner, ev a guntellas y dus dyskys yn arvow, genys yn y ji ev, trihans hag etek aga niver ha'ga helghya bys yn Dan.

1 Myghternedh 12:29

Ev a settyas an eyl yn Bethel, ha'y gila ev a worras yn Dan.

1 Myghternedh 20:1

Ben-hadad myghtern Aram a guntellas war-barth oll y lu; yth esa dewdhek warn ugens myghtern ganso, keffrys ha mergh ha charettow. Ev eth yn-bann erbynn Samaria ha gorra esedhva warnedhi ha'y gweskel.

1 Myghternedh 20:34

Ben-hadad a leveris dhodho, ‘My a dhaswra an trevow a gemmeras ow thas a-dhiworth dha das; ha ty a yll fondya marghasow ragos dha honan yn Damaskus, par dell wrug ow thas yn Samaria.’ Myghtern Ysrael a worthybis, ‘My a'th tannvon dhe-ves gans an kevambos ma.’ Ytho ev a wrug kevambos ganso ha'y asa dhe vos.

2 Myghternedh 15:29

Yn dydhyow Pekagh myghtern Ysrael, y teuth Tiglath-pileser, myghtern Assyria, ha kemmeres Iyon, Abel-beth-maaka, Yanoagh, Kedesh, Hasor, Gilead, ha Galile, oll pow Naftali, ha'ga hemmeres yn keth dhe Assyria.

Yoshua 11:2

ha dhe'n vyghternedh an gledhbarth y'n vro venydhyek hag y'n Araba a'n dyghow dhe Kinnereth, hag y'n Shefela, hag yn Nafoth-dor a'n howlsedhes,

Yoshua 12:3

ha'n Araba bys yn mor Kinnereth troha'n howldrevel, ha bys yn mor an Araba, Mor an Hoelan, troha'n howldrevel, an fordh dhe Beth-yeshimoth, ha dhiworth Teman, yn-dann ledrow Pisga.

Yoshua 19:39

Hemm yw eretons loeth mebyon Naftali war-lergh aga theyluyow, an sitys gans aga godrevow.

Breusysi 18:29

I a henwis an sita Dan war-lergh aga thas Dan, onan a vebyon Ysrael; mes hanow an sita a vedha Laish kyns.