1 Myghternedh 15:18 - An Bibel Kernewek 20234 (Kernewek Kemmyn)

¹⁸ Ena Asa a gemmeras oll an arghans ha'n owr hag o gesys yn tresorvaow chi an Arloedh ha tresorvaow chi an myghtern, ha'ga ri yn leuv y wesyon. Myghtern Asa a's dannvonas dhe vyghtern Ben-hadad mab Tabrimmon mab Hezyon, myghtern Aram, esa trigys yn Damaskus, ow leverel,

1 Myghternedh 15:18 ပူးပေါင်းရင်းမြစ်များ

Jenesis 14:15

Hag yn nos ev a rannas y lu er aga fynn, ev ha'y wesyon, ha'ga fetha, ha'ga chasya bys yn Hoba usi a'n barth kledh dhe Damaskus.

Jenesis 15:2

Hag yn-medh Abram, ‘Arloedh Duw, pandr'a vynn'ta ri dhymm, rag yth ov prest heb flogh, ha her ow chi a vydh Eliezer a Damaskus?’

1 Myghternedh 14:26

ev a gemmeras dhe-ves tresoryow chi an Arloedh ha chi an myghtern; ev a gemmeras pup-tra. Ev a gemmeras dhe-ves ynwedh oll an skoesow a owr re wrussa Solomon.

1 Myghternedh 15:15

Ev a dhug a-berth yn chi an Arloedh rohow sakrys y das ha'y rohow sakrys y honan, arghans, owr, ha lestri.

2 Myghternedh 12:17

Ena Hazael myghtern Aram eth yn-bann ha batalyas orth Gath ha'y hemmeres. Mes pan settyas y fas rag mos yn-bann erbynn Yerusalem,

2 Myghternedh 12:18

Yoash myghtern Yuda a gemmeras oll an rohow sans re sakras y ragresygyon Yehoshafat, Yoram hag Ahazia, myghternedh Yuda, hag oll an owr a veu kevys yn tresoryow chi an Arloedh hag yn chi an myghtern, ha'ga dannvon dhe Hazael myghtern Aram, hag ev a gildennas dhiworth Yerusalem.

2 Myghternedh 12:19

Gweythresow erell Yoash, ha pup-tra a wrug, a nyns yns i skrifys yn lyver kovadhow myghternedh Yuda?

2 Kroniklys 15:18

Ev a dhros yn chi Duw rohow sakrys y das ha'y rohow sakrys y honan – arghans, owr ha daffar.

Yeremia 49:27

Ha my a enow tan orth fos Damaskus, hag a gowllesk lysyow Ben-hadad.

Amos 1:4

Ytho my a dhannvon tan war ji Hazael, dhe dhevorya palesyow Ben-hadad;