1 Myghternedh 14:9 - An Bibel Kernewek 20234 (Kernewek Kemmyn)

⁹ mes ty re wrug drog a-ugh oll dha ragresegydhyon; ty re wrug duwow erell ragos, ha delowyow teudh, orth ow frovokya dhe sorr, orth ow thewlel a-dryv dha geyn.

1 Myghternedh 14:9 ပူးပေါင်းရင်းမြစ်များ

1 Myghternedh 12:28

Ytho an myghtern a gemmeras kusul, ha gul dew leugh a owr. Ev a leveris dhe'n bobel, ‘Hwi res eth dhe Yerusalem hir lowr. Ottomma agas duwow, A Ysrael, re'gas dros yn-mes a Ejyp.’

1 Myghternedh 14:16

Ev a eskas Ysrael drefenn peghosow Yeroboam, a beghas ha gul Ysrael dhe begha.’

1 Myghternedh 14:22

Yuda a wrug an pyth o drog yn golok an Arloedh; i a'n brovokyas dhe avi gans an peghosow a wrussons, moy ages pup-tra re wrussa aga thasow.

1 Myghternedh 15:29

Pan dheuth ha bos myghtern, ev a ladhas oll teylu Yeroboam; ny asas dhe ji Yeroboam nagonan owth anella, bys pan y'n distrusa, herwydh ger an Arloedh a gewsis der y was Ahiya an Shilonyas.

1 Myghternedh 15:30

Hemma a hwarva drefenn an peghosow a wrug Yeroboam hag a wrug dhe Ysrael aga gul, ha drefenn an sorr may frosas an Arloedh, Duw Ysrael, dhodho.

1 Myghternedh 15:34

Ev a wrug an pyth o drog yn golok an Arloedh, ow kerdhes yn fordh Yeroboam hag y'n pegh a wrug dhe Ysrael y wul.

1 Myghternedh 16:25

Omri a wrug an pyth o drog yn golok an Arloedh; ev a wrug moy drog ages oll y ragresegydhyon.

1 Myghternedh 16:30

Ahab mab Omri a wrug drog yn golok an Arloedh moy ages oll y ragresegydhyon.

1 Myghternedh 16:31

Ha par dell ve tra skav ragdho kerdhes yn peghosow Yeroboam mab Nebat, ev a gemmeras avel y wreg Yezebel myrgh Ethbaal myghtern an Sidonysi, hag ev eth ha servya Baal, ha'y wordhya.

1 Myghternedh 16:33

Ahab a wrug Ashera ynwedh. Ahab a wrug moy dhe brovokya an Arloedh, Duw Ysrael, ages oll myghternedh Ysrael esa kyns.

2 Myghternedh 21:3

Ev a dastrehevis an tylleryow ughel a dhistruis y das Hezekia; ev a dhrehevis alteryow dhe Baal, ev a wrug Ashera, dell wrussa Ahab myghtern Ysrael, gordhya oll lu nev, ha'ga servya.

2 Myghternedh 23:26

Hwath ny dreylyas an Arloedh dhiworth fellder y sorr bras, a dhewis erbynn Yuda, drefenn oll an taklow re wrussa Manasse dhe brovokya y sorr.

2 Myghternedh 3:3

Byttegyns ev a lenas orth peghosow Yeroboam mab Nebat, a wrug dhe Ysrael pegha, ha ny dreylyas dhiworta.

2 Kroniklys 11:15

ha re apoyntsa y oferysi y honan rag an tylleryow ughel, ha rag an jevanow-gaver, ha rag an leughi re wrussa ev.

2 Kroniklys 33:6

Ev a wre dh'y vebyon tremena dre dan yn nans mab Hinnom, hag a wre dewinieth ha pystri ha hus, hag a hwila kusul dhiworth nygromons. Ev a wrug droktraow pals yn golok an Arloedh, orth y brovokya dhe sorr.

Nehemia 9:25

I a gemmeras sitys kerys ha tir feyth hag i a eritas chiow leun a bup-tra da, puthow pelys, gwinlannow, hag olewbrennyer, ha gwydh froeth pals. Ytho i a dhybris, hag a veu lenwys, hag a dheuth ha bos tew hag i a lowenhas y'th tader bras.

Nehemia 9:26

‘Byttegyns diwostydh ens, hag i a rebellyas er dha bynn ha tewlel dha lagha a-dryv aga heyn ha ladha dha brofoesi, a wrussons aga gwarnya, dh'aga threylya dhis arta; hag i a wrug blasfemiow bras.

Salmow 106:29

Yndella i a'n sorras der aga gwriansow, ha'n pla a dardhas yn aga mysk.

Salmow 50:17

Rag ty a gas dyskybleth, ha tewlel ow lavarow war dha lergh.

Salmow 78:40

Ass wrussons i sevel lieskweyth er y bynn y'n difeyth ha grevya dhodho y'n gwylvos!

Salmow 78:56

Mes i a brovas hag a sorras Duw Ughella, ha ny synsons y dhustuniow;

Salmow 78:58

Rag i a'n sorras gans aga thylleryow ughel, hag a wrug dh'y avi sevel der aga imajys gravys.

Eksodus 34:17

Ny wredh ragos duwow deudh.

Yeremia 32:18

Ty a dhiskwedh tregeredh dhe vilyow, hag attyli anewnder an tasow yn askra aga fleghes war aga lergh, an Duw meur ha galloesek, Arloedh an luyow yw y hanow,

Yeremia 7:18

An fleghes a guntell prenn, ha'n tasow a enow an tan, ha'n benynes a does an toes, dhe wul tesennow dhe vyghternes nev; hag i a dhinwa offrynnow diwes dhe dhuwow erell, ma'm provoksons dhe sorr.

Yeremia 7:26

mes ny woslowsons orthiv, na ny blegsons aga skovarn, mes i a galeshas aga hilbenn. I a wrug gweth ages aga thasow.

Ezekiel 23:35

Rakhenna yndellma y lever an Arloedh Duw: Rag ty dhe'm ankevi ha'm tewlel a-dryv dha geyn, porth siwyansow dha avlander ha'th fornikasyon.

Ezekiel 8:17

Ena yn-medh ev dhymm, ‘A welsys, mab den? Yw ev tra drufel rag chi Yuda, i dhe wul an taklow vil re wrussons omma? Rag i re lenwis an tir a freudh, ha'm serri hwath moy. Ottensi ow korra skorrenn dh'aga throen.

Ezekiel 8:3

Ev a ystynnas furv leuv ha'm kemmeres er kudynn a wols ow fenn. An spyrys a'm drehevis ynter an nor ha'n nev, ha'm dri dhe Yerusalem yn gwelesigethow Duw, dhe dharas an yet a-bervedh, a vir troha'n gledhbarth, ple'th esa imaj an avi, a brovok dhe avi.

Levitikus 19:4

Na dreylyewgh dhe idolys, na gul imajys teudh. An Arloedh agas Duw ov vy.

1 Korinthianys 10:22

A wren ni gul dhe'n Arloedh perthi avi? On ni kreffa agesso ev?

Dewteronomi 32:21

I a'm gwrug avius dre neppyth nag yw duw, i a'm sorras gans aga idolys koeg; rakhenna my a's gwra avius dre bobel dhistyr, my a wra aga serri dre genedhel gokki.

Dewteronomi 9:24

Hwi re beu ow rebellya erbynn an Arloedh a-dhia'n kynsa dydh ma'gas aswonnis.

Breusysi 5:8

Pan o dewisys duwow nowydh, ena yth esa bresel y'n yetow. A veu dhe weles po skoes po guw yn mysk dew-ugens yn Ysrael?