1 Myghternedh 14:4 - An Bibel Kernewek 20234 (Kernewek Kemmyn)

⁴ Gwreg Yeroboam a wrug yndellma; hi eth yn-rag dhe Shilo, ha dos dhe ji Ahiya. Ny ylli Ahiya gweles, drefenn bos y dhewlagas gwann dre gothni.

1 Myghternedh 14:4 ပူးပေါင်းရင်းမြစ်များ

Jenesis 27:1

Ysak gyllys koth, ha re wann y dhewlagas dhe weles, ev a elwis Esaw y vab kottha ha leverel dhodho, ‘Ow mab’; hag ev a leveris, ‘Ottavy.’

Jenesis 48:10

Ha tewl o dewlagas Ysrael dre gothni ha ny ylli gweles. Ytho ev a's dros nes dhodho hag ev a ammas dhedha ha'ga byrla.

1 Myghternedh 11:29

A-dro dhe'n termyn na, pan esa Yeroboam ow mos yn-mes a Yerusalem, an profoes Ahiya a Shilo a'n kavas war an fordh. Ahiya re omwisksa yn mantell nowydh. Yth esa aga dew aga honan yn pow igor.

1 Myghternedh 14:2

Yeroboam a leveris dh'y wreg, ‘Ke, omdoellwisk, ma na vydh godhvedhys dha vos gwreg Yeroboam, ha mos dhe Shilo; rag yma an profoes Ahiya ena, a leveris dhymm y koetthiv bos myghtern war an bobel ma.

Salmow 90:10

Dydhyow agan blydhynyow yw deg blydhen ha tri-ugens; po dre reson krevder peswar-ugens blydhen, byttegyns nyns yw aga nerth marnas poenvos hag ahwer; rag hware y hedh, ha gyllys on ni dhe goll.

Ekklesiastes 12:3

y'n jydh may kren gwithysi an chi, ha gwarrgromm yw an wer grev, ha'n valoryon a hedh drefenn i dhe dhos ha bos boghes, ha'n re a vir yn-mes der an fenestri yw tewlhes,

Dewteronomi 34:7

Ha Moyses o hwegh ugens bloedh pan verwis; ny veu y lagas gwannhes, ha ny veu y nerth lehes.

Yoshua 18:1

Oll kuntelles mebyon Ysrael a omguntellas yn Shilo, ha settya ena tylda an kuntelles. Ha'n tir a veu fethys a-ragdha.

1 Samuel 3:2

Y'n termyn na, yth esa Eli, may tallathsa y dhewlagas fyllel ma na ylli gweles, ow krowedha yn y le;

1 Samuel 4:15

Lemmyn Eli o etek bloedh ha peswar-ugens ha'y dhewlagas a fallsa, ma na ylli gweles.