1 Myghternedh 14:21 - An Bibel Kernewek 20234 (Kernewek Kemmyn)

²¹ Rehoboam mab Solomon a reynyas yn Yuda. Rehoboam o unn bloedh ha dew-ugens pan dhallathas reynya, hag ev a reynyas seytek blydhen yn Yerusalem, an sita a dhewisis an Arloedh yn-mes a oll loethow Ysrael, dhe worra y hanow ena. Hanow y vamm o Naama an Ammonyades.

1 Myghternedh 14:21 ပူးပေါင်းရင်းမြစ်များ

1 Myghternedh 11:1

Myghtern Solomon a gara lies benyn estren, keffrys ha myrgh Faro: Moabyadesow, Ammonyadesow, Edomyadesow, Sidonyadesow ha Hittyadesow,

1 Myghternedh 11:32

Ev a'n jevydh unn loeth, a-barth ow gwas Davydh hag a-barth Yerusalem, an sita re dhewisis yn-mes a'n loethow oll a Ysrael.

1 Myghternedh 11:36

Mes dh'y vab my a re unn loeth, ma'n jevydh prest ow gwas Davydh lugarn a-ragov yn Yerusalem, an sita may tewisis vy gorra ow hanow ynni.

1 Myghternedh 11:43

Solomon a verwis hag a veu ynkleudhys yn sita y das Davydh; ha'y vab Rehoboam a reynyas yn y le.

1 Myghternedh 12:17

Mes Rehoboam a reynyas war an Ysraelysi esa trigys yn trevow Yuda.

1 Myghternedh 14:20

An termyn may reynyas Yeroboam o diw vlydhen warn ugens; ena ev a goskas gans y dasow, ha'y vab Nadab a dheuth war y lergh.

1 Myghternedh 14:31

Rehoboam a goskas gans y dasow hag a veu ynkleudhys gans y dasow yn sita Davydh. Hanow y vamm o Naama an Ammonyades. Y vab Abiyam a dheuth war y lergh.

1 Myghternedh 22:42

Yehoshafat o pymthek bloedh warn ugens pan dhallathas reynya, hag ev a reynyas pymp blydhen warn ugens yn Yerusalem. Hanow y vamm o Azuba myrgh Shilhi.

1 Myghternedh 8:16

“A-dhia'n jydh may tres vy ow fobel Ysrael yn-mes a Ejyp, ny dhewisis sita vyth yn-mes a loethow Ysrael rag drehevel ow chi ynni, may fe ow hanow ena; mes my a dhewisas Davydh dhe vos a-ugh ow fobel Ysrael.”

1 Myghternedh 8:29

may fydh igor dha lagasow war-tu ha'n chi ma nos ha dydh.

1 Myghternedh 8:44

‘Mars a dha bobel dhe werrya erbynn aga eskerens, dre fordh bynag y's dannvonydh, hag i a bys dhe'n Arloedh war-tu ha'n sita re dhewissys ha'n chi re dhrehevis vy rag dha hanow,

2 Kroniklys 12:1

Pan veu fastys myghterneth Rehoboam hag ev o gyllys krev, ev a forsakyas lagha an Arloedh, ev hag oll Ysrael ganso.

2 Kroniklys 12:13

Myghtern Rehoboam a fastyas y honan yn krev yn Yerusalem hag a besyas avel myghtern. Rehoboam o unn bloedh ha dew-ugens pan dhallathas reynya; ev a reynyas seytek blydhen yn Yerusalem, an sita re dhewissa an Arloedh yn-mes a oll loethow Ysrael rag gorra y hanow ena. Hanow y vamm o Naama an Ammonyades.

2 Kroniklys 13:7

ha bagas a goeg vilens a omguntellas a-dro dhodho hag a dhefias Rehoboam mab Solomon, pan o Rehoboam yowynk ha heb prevyans, ha ny veu krev lowr dhe sevel orta.

Eksodus 20:24

Alter a dhor ty a wra dhymm ha sakrifia warnedhi dha offrynnow leskys hag offrynnow kres, dha dheves ha'th oghen; yn pub le may hwrylliv ow hanow dhe vos kovhes, my a wra dos dhis ha'th venniga.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Dewteronomi 12:21

Mar pydh an tyller a wrug an Arloedh dha Dhuw y dhewis dhe settya y hanow ena re bell dhiworthis, ty a sakrifi bestes a'th chatel hag a'th flokk a ros an Arloedh dhis kepar dell worhemmynnis dhis, ha ty a dheber a-berth y'th yetys war-lergh oll desir dha enev.

Dewteronomi 12:5

Mes hwi a hwila an tyller a wra an Arloedh agas Duw y dhewis dhiworth oll agas loethow, dhe worra y hanow ena rag y drigva; ha ty a dheu di.

Dewteronomi 23:3

Naneyl Ammonyas na Moabyas ny enter a-ji dhe guntelles an Arloedh; hwath bys y'n degves henedh ny enter aga diyskynnysi a-ji dhe guntelles an Arloedh bys vykken,