1 Myghternedh 14:15 - An Bibel Kernewek 20234 (Kernewek Kemmyn)

¹⁵ ‘An Arloedh a wysk Ysrael, par dell yw broennenn kryghyllys y'n dowr; ev a dhiwreydh Ysrael yn-mes a'n tir da ma a ros dh'aga thasow, ha'ga skattra dres an Ewfrates, drefenn i dhe wul aga Asherim, ow provokya an Arloedh dhe sorr.

1 Myghternedh 14:15 ပူးပေါင်းရင်းမြစ်များ

1 Myghternedh 14:9

mes ty re wrug drog a-ugh oll dha ragresegydhyon; ty re wrug duwow erell ragos, ha delowyow teudh, orth ow frovokya dhe sorr, orth ow thewlel a-dryv dha geyn.

2 Myghternedh 15:29

Yn dydhyow Pekagh myghtern Ysrael, y teuth Tiglath-pileser, myghtern Assyria, ha kemmeres Iyon, Abel-beth-maaka, Yanoagh, Kedesh, Hasor, Gilead, ha Galile, oll pow Naftali, ha'ga hemmeres yn keth dhe Assyria.

2 Myghternedh 17:11

hag ena i a loskas offrynnow yn pub tyller ughel, kepar dell wre an kenedhlow a wrug an Arloedh aga fesya a-ragdha. I a wre drogoberow a brovokyas an Arloedh dhe sorr;

2 Myghternedh 17:16

I a asas oll gorhemmynnow an Arloedh aga Duw, ha gul ragdha aga honan imajys teudhys a dhew leugh, ha gul Ashera, ha gordhya oll lu an nevow, ha servya Baal.

2 Myghternedh 17:17

I a wre dh'aga mebyon ha myrghes tremena dre dan; i a dhevnydhya dewinieth ha pystri; hag i a omros aga honan dhe wul drog yn golok an Arloedh, orth y brovokya dhe sorr.

2 Myghternedh 17:23

bys pan worras an Arloedh Ysrael mes a'y wel, dell lavarsa ev der oll y wesyon an brofoesi. Yndella y feu Ysrael degys dhe-ves yn divroedh, yn-mes a'ga thiredh aga honan dhe Assyria, bys y'n jydh ma.

2 Kroniklys 7:20

ena my a'th tiwreydh dhiworth an tir a res vy dhis; ha'n chi ma a sakris rag ow hanow my a dewl yn-mes a'm golok, ha my a'n wra henlavar ha ges yn mysk oll an poblow.

Salmow 52:5

Duw ynwedh a'th tistru bynitha; ev a'th kemmer dhe-ves, ha'th tenna yn-mes a'th tylda, ha kemmeres dha wreydhenn mes a dir an re vew. Sela.

Lavarow Koth 2:22

mes an debeles a vydh terrys dhiworth an vro, ha'n falswesyon a vydh terrys dhe-ves anedhi.

Yeremia 24:10

Ha my a dhannvon an kledha, divoetter, ha'n pla yntredhon, bys pan vydhons distruys yn tien a'n tir a res dhedha ha dh'aga thasow.

Yeremia 28:8

An brofoesi hag a dheuth kyns my ha kyns ty a'n termyn koth a brofoesas erbynn lies pow, hag erbynn gwlaskordhow meur, a vresel, divoetter, a drogedh hag a bla.

Levitikus 26:43

An tir ynwedh a vydh gesys gansa, ha lowenhe yn y sabotys hag ev hwath difeythtir hebdha; hag i a wra amendys rag aga hammweyth, rag i dhe dhespisya ow breusow ha'ga spyrys dhe aborrya ow ordenansow.

Amos 2:9

Byttegyns my a dhistruis an Amoryas a-dheragdha may feu y ughelder kepar hag ughelder an kederwydh, hag ev maga krev avel derow; distrui a wrug vy y frut a-vann ha'y wreydh a-woeles.

Amos 5:27

Ytho my agas deg yn divroedh dres Damaskus, yn-medh an Arloedh, Duw an luyow y hanow.

Sefania 2:4

Rag Gaza a vydh forsakys hag Ashkelon difeythtir: tus Ashdod a vydh chasyes dhe-ves dhe hanter-dydh, hag Ekron a vydh diwreydhys.

Matthew 11:7

Ha pan ens i yn-kerdh, Yesu a dhallathas kewsel orth an routhow a-dro dhe Yowann, ‘Pandra ethewgh yn-mes dhe'n gwylvos dh'y weles? Korsenn kryghyllys gans an gwyns?

Matthew 15:13

Ev a worthybis ow leverel, ‘Pub losowenn na wrug ow Thas a nev hy flansa a vydh diwreydhys.

Luk 7:24

Wosa kannasow Yowann dhe omdenna, ev a dhallathas kewsel a-dro dhe Yowann dhe'n routhow, ‘Pandra ethewgh dhe-ves dhe'n gwylvos dh'y weles? Korsenn kryghyllys gans an gwyns?

Oberow 7:43

Hwi a gemmeras yn-bann tylda Molok ha sterenn agas duw Refan, an imajys hag a formsowgh rag aga gordhya; ha my a wra agas divroa dhe'n tu arall dhe Babylon.”

Dewteronomi 28:36

An Arloedh a'th tro, ty ha'n myghtern re settsys warnas dha honan, dhe genedhel na aswonnsys, naneyl ty na'th tasow, hag ena ty a serv duwow erell a brenn hag a ven.

1 Samuel 12:25

Mes mar pesyowgh gul drogoberow, hwi ha'gas myghtern ynwedh a vydh skubys dhe-ves.’