1 Myghternedh 14:10 - An Bibel Kernewek 20234 (Kernewek Kemmyn)

¹⁰ Rakhemma my a dhre drog war ji Yeroboam. My a dregh dhiworth Yeroboam neb a bis erbynn fos, ha keth ha rydh yn Ysrael, ha kowlleski chi Yeroboam, par dell leskir kawgh, bys pan vydh gyllys.

1 Myghternedh 14:10 ပူးပေါင်းရင်းမြစ်များ

1 Myghternedh 13:34

An dra ma a dheuth ha bos pegh dhe ji Yeroboam, dh'y dhilea ha'y dhistrui a-dhiworth enep an nor.

1 Myghternedh 16:11

Pan dhallathas reynya, kettell esedhsa war an tron, ev a ladhas oll chi Baasha; ny asas dhodho nagonan a bis erbynn fos, naneyl a'y deylu nag a'y gowetha.

1 Myghternedh 16:3

ytho my a gemmer dhe-ves henedh Baasha ha'y ji, ha my a wra dhe'th chi bos haval dhe ji Yeroboam mab Nebat.

1 Myghternedh 21:21

my a dhre terroes warnas; my a'th tistru, ha treghi a-dhiworth Ahab pub gorreydh, keth po rydh, yn Ysrael;

2 Myghternedh 14:26

Rag an Arloedh a welas bos ahwer Ysrael pur hwerow; nyns esa denvyth gesys, keth po rydh, na denvyth dhe weres Ysrael.

2 Myghternedh 21:13

My a ystynn dres Yerusalem an gordenn-vusura usys rag Samaria, ha'n plemmik usys rag chi Ahab; my a rut Yerusalem glan kepar dell rutir skudell glan, orth hy rutya glan ha'y threylya penn a-woeles.

2 Myghternedh 9:37

korf Yezebel a vydh kepar ha kawgh war enep an gwel yn tiredh Yezreel, ma na yllir leverel, Yezebel yw homma.” ’

Job 20:7

ev a dhe goll bys vykken kepar ha'y gawgh y honan; an dus re'n gwelas a lever, “Ple'ma ev?”

Salmow 83:10

neb a verwis yn Endor, ha dos ha bos avel teyl rag an dor.

Ysay 14:19

mes ty, ty yw tewlys yn-mes, a-ves dhe'th vedh, avel barrenn gasadow, kudhys gans an re ledhys, an re gwenys gans an kledha, neb a dhiyskynn dhe veyn an pytt avel korf trettys yn-dann dreys.

Ysay 14:23

My a's gwra yn perghennogeth rag sort, ha pollow dowr, ha'y skuba dhe-ves gans an skubell a gollva, yn-medh Arloedh an luyow.

Ysay 5:25

Rakhenna sorr an Arloedh a dhew erbynn y bobel, hag ev a ystynn y leuv er hy fynn ha'y gweskel. An menydhyow a gren, ha'ga horfow yw avel atal yn kres an stretys. Yn despit dhe oll hemma, ny dreyl y sorr dhe-ves, ha'y leuv yw hwath ystynnys.

Yeremia 32:18

Ty a dhiskwedh tregeredh dhe vilyow, hag attyli anewnder an tasow yn askra aga fleghes war aga lergh, an Duw meur ha galloesek, Arloedh an luyow yw y hanow,

Yeremia 8:2

hag i a's les a-rag an howl ha'n loer, hag oll lu an nevow, re wrussons aga hara ha'ga servya, ha kerdhes war aga lergh, ha'ga hwilas ha'ga gordhya; ny vydhons kuntellys, nag ynkleudhys; i a vydh avel teyl war enep an nor.

Ezekiel 26:4

I a dhistru fosow Tyr, ha terri hy thouryow dhe'n dor, ha skuba dhe-ves hy doust dhiworti, ha'y gul karrek lomm.

Amos 3:6

Eus korn hwythys yn sita, heb bos an bobel ownek? A vydh anfeusi yn sita, marnas an Arloedh a'n gwrug?

Sefania 1:17

Ha my a dhre anken dhe'n dus may kerdhons kepar ha dellyon, rag i dhe begha erbynn an Arloedh: ha skoellys vydh aga goes kepar ha doust, ha'ga hig kepar ha kawgh.

Malaki 2:3

Awotta my a wra keredhi an has a'gas govis; my a wra lesa kawgh war agas fasow, kawgh agas dy'goelyow, ha hwi a vydh kemmerys dhe-ves ganso.

Dewteronomi 32:36

Rag an Arloedh a vreus y bobel, ha kemmeres pita a'y servysi, pan wel aga nerth dhe vos gyllys, ha nag eus nagonan gesys, keth na rydh.

1 Samuel 2:30

Rakhenna an Arloedh, Duw Ysrael a dhiskler: “My a leveris yn hwir dha ji ha chi dha das dhe gerdhes a-dheragov bys vykken”; mes lemmyn an Arloedh a dhiskler: “Pell bedhes dhiworthiv; rag an re neb a'm enor my a enor, ha'n re neb a'm dispres a vydh dyghtys gans bismer.

1 Samuel 25:22

Re wrello Duw yndella ha moy ynwedh dhe eskerens Davydh mar kasav a oll a bew ev bys yn golow myttin kemmys hag unn gour neb a bis erbynn fos.’

1 Samuel 25:34

Rag yn hwir dell vew an Arloedh, neb re'm lettyas rag gul drog dhis, mar ny fistenses ha dos dhe'm metya, yn sur ny via gesys dhe Nabal bys yn golow myttin kemmys hag unn gour neb a bis erbynn fos.’