1 Myghternedh 13:8 - An Bibel Kernewek 20234 (Kernewek Kemmyn)

⁸ Mes gour Duw a leveris dhe'n myghtern, ‘Mar redh dhymm hanter dha wlaskor, nyns av a-ji genes; na ny dhebrav boes po eva dowr y'n tyller ma.

1 Myghternedh 13:8 ပူးပေါင်းရင်းမြစ်များ

1 Myghternedh 13:9

Rag yndellma y feu gorhemmynnys dhymm gans ger an Arloedh: Ny dhybrydh boes, na eva dowr, na dehweles der an fordh may teuthys.’

2 Myghternedh 5:16

Mes ev a leveris, ‘Dell vew an Arloedh, a savav a-ragdho, ny dhegemmerav travyth.’ Ev a ynnias warnodho y gemmeres, mes ev a's naghas.

Salmow 141:4

Na bleg ow holonn dhe dravyth dhrog, dhe wul drogoberow gans gwer a wra sherewneth; na as vy dhe dastya aga boesow sawrek.

Eksodus 5:3

Ena y lavarsons, ‘Duw an Ebrowyon re vetyas genen; gas ni dhe vones, ni a'th pys, vyaj a dri dydh y'n gwylvos hag offrynna dhe'n Arloedh agan Duw ma na goettho warnan gans pla po gans an kledha.’

Eksodus 5:6

An keth jydh, Faro a worhemmynnis dhe'n vestrysi kethneth ha'ga gorweloryon,

Eksodus 7:2

Ty a gews oll a worhemmynnav dhis, hag Aron dha vroder a lever dhe Faro may hasso mebyon Ysrael dhe vones yn-mes a'y dir.

Niverow 22:18

Mes Balaam a worthybis ha leverel dhe servysi Balak, ‘Kyn rollo Balak dhymm y ji leun a arghans hag owr, ny allsen mos dres gorhemmynn an Arloedh ow Duw, dhe wul le po moy.

Niverow 22:8

Hag ev a leveris dhodho, ‘Trigewgh omma an nos ma, ha my a dhre dhywgh ger, dell gews an Arloedh dhymm’; ytho pennsevigyon Moab a wortas gans Balaam.

Niverow 24:13

“Mar rolla Balak dhymm y ji leun a arghans hag owr, ny allsen mos dres ger an Arloedh, dhe wul da po drog a'm bodh vy; an pyth a gews an Arloedh, henna my a gews?”

Mark 6:11

Ha py tyller pynag na vynno agas degemmeres, na'gas klewes, pan yllowgh alena, shakyewgh dhe-ves an doust a-dhann agas treys yn dustuni er aga fynn.’

Mark 6:23

Hag ev a'n tos dhedhi, ‘Pypynag oll a wovynni orthiv my a'n gront dhis, bys yn hanter ow gwlaskor.’