1 Myghternedh 13:5 - An Bibel Kernewek 20234 (Kernewek Kemmyn)

⁵ An alter ynwedh a veu skwardys, ha'n lusu a veu diverys yn-mes a'n alter, herwydh an tokyn re rosa gour Duw gans ger an Arloedh.

1 Myghternedh 13:5 ပူးပေါင်းရင်းမြစ်များ

1 Myghternedh 13:3

Ev a ros tokyn an keth jydh, ow leverel, ‘Homm yw an tokyn a gewsis an Arloedh: “An alter a vydh skwardys, ha'n lusu usi warnedhi a vydh diverys yn-mes.” ’

1 Myghternedh 13:4

Pan glewas an myghtern an pyth a grias gour Duw erbynn an alter yn Bethel, ev a ystynnas y leuv a-dhiworth an alter, ow leverel, ‘Dalghennewgh ynno!’ Mes an leuv a ystynnas er y bynn a wedhras ma na ylli hy thenna war-dhelergh.

1 Myghternedh 13:6

An myghtern a leveris dhe wour Duw, ‘Pys lemmyn favour an Arloedh dha Dhuw, ha pys ragov, may fydh daskorrys ow leuv dhymm.’ Ytho gour Duw a bysis war an Arloedh; ha leuv an myghtern a veu daskorrys dhodho hag a dheuth ha bos par dell o kyns.

1 Myghternedh 17:16

Ny veu gwakhes an seth a vleus, na ny fyllis an podik a oyl, herwydh ger an Arloedh a gewsis der Elias.

1 Myghternedh 22:28

Mikaya a leveris, ‘Mar tehwelydh yn kres, ny gewsis an Arloedh dredhov.’ Hag ev a leveris, ‘Klewewgh, hwi boblow oll!’

1 Myghternedh 22:35

An vatel a ynkressyas an jydh na, ha'n myghtern a veu kelmys serth yn y jarett a-dal Aram bys y'n gorthugher pan verwis; goes an goli a resas yn goeles an charett.

Amos 3:14

rag y'n jydh may kessydhyav Ysrael drefenn y gammweythresow, my a gessydh alteryow Bethel, ha treghys vydh kern an alter ha koedha a wrons dhe'n leur.

Mark 16:20

Hag yth ethons yn-mes ha pregoth yn pub le, ha'n Arloedh ow kesoberi gansa hag ow fastya an ger der an toknys a wre holya. Amen.

Dewteronomi 18:22

Pan gews an profoes yn hanow an Arloedh, ha ny hwyrvydh an ger, na ny dheu dhe geweras, henn yw ger na wrug an Arloedh y gewsel. An profoes a'n gewsis gans bolder. Na borth own anodho.