1 Myghternedh 13:4 - An Bibel Kernewek 20234 (Kernewek Kemmyn)

⁴ Pan glewas an myghtern an pyth a grias gour Duw erbynn an alter yn Bethel, ev a ystynnas y leuv a-dhiworth an alter, ow leverel, ‘Dalghennewgh ynno!’ Mes an leuv a ystynnas er y bynn a wedhras ma na ylli hy thenna war-dhelergh.

1 Myghternedh 13:4 ပူးပေါင်းရင်းမြစ်များ

Jenesis 19:11

Hag i a weskis an wer esa orth daras an chi gans dellni, byghan ha bras, ma na allsons kavoes an daras.

1 Myghternedh 12:29

Ev a settyas an eyl yn Bethel, ha'y gila ev a worras yn Dan.

1 Myghternedh 13:3

Ev a ros tokyn an keth jydh, ow leverel, ‘Homm yw an tokyn a gewsis an Arloedh: “An alter a vydh skwardys, ha'n lusu usi warnedhi a vydh diverys yn-mes.” ’

1 Myghternedh 13:5

An alter ynwedh a veu skwardys, ha'n lusu a veu diverys yn-mes a'n alter, herwydh an tokyn re rosa gour Duw gans ger an Arloedh.

1 Myghternedh 22:27

ha leverel, “Yndellma y lever an myghtern: Gorr an gwas ma y'n prison, ha'y voesa orth ewnrannow lehes a vara hag a dhowr bys pan dhov yn kres.” ’

2 Kroniklys 16:10

Ena Asa a sorras orth an gwelesydh, hag a'n gorras y'n stokkys, yn prison, drefenn ev dhe berthi konnar orto rag hemma. Hag Asa a debeldhyghtyas re a'n bobel y'n keth termyn na.

Salmow 105:15

‘Na dochyewgh an re untys genev, ha na bystigewgh ow frofoesi.’

Matthew 25:40

Hag y hwra an Myghtern gorthybi ow leverel dhedha, “Yn hwir y lavarav dhywgh, par dell y'n gwrussowgh dhe onan a'n lyha a'm breder ma, dhymmo vy y'n gwrussowgh.”

Matthew 26:57

An re a dhalghennas Yesu a'n dug dhe Kayfas an arghoferyas yn tyller may feu kuntellys war-barth an skribys ha'n henavogyon.

Luk 6:10

Hag ow mires a-dro orta i oll, ev a leveris dhodho, ‘Ystynn dha leuv.’ Ev a'n gwrug, ha'y leuv a veu restorys.

Yowann 13:20

Yn hwir, yn hwir y lavarav dhywgh, neb a dhegemmer piwpynag a dhannvenniv a wra ow degemmeres vy, ha neb a'm degemmer vy a dhegemmer neb a'm dannvonas.’

Yowann 18:6

Kettell leveris Yesu dhedha, ‘My yw’, i eth war-dhelergh ha koedha dhe'n dor.

Diskwedhyans 11:5

Ha mar mynn nebonan aga fystiga, tan a dheu yn-mes a'ga ganow ha diswul aga eskerens, ha den mar mynn aga fystiga, res yw dhodho bos ledhys yndellma.