1 Myghternedh 13:33 - An Bibel Kernewek 20234 (Kernewek Kemmyn)

³³ Wosa hemma ny dreylyas Yeroboam a'y dhrog fordh, mes arta ev a wrug oferysi rag an tylleryow ughel a-dhiworth oll renkasow an bobel. Piwpynag a vynna bos oferyas ev a sakras dhe'n tylleryow ughel.

1 Myghternedh 13:33 ပူးပေါင်းရင်းမြစ်များ

1 Myghternedh 15:26

Ev a wrug an pyth o drog yn golok an Arloedh, ow kerdhes yn fordh y das hag y'n pegh a wrug ev dhe Ysrael y wul.

2 Myghternedh 10:29

Byttegyns ny dreylyas Yehu dhiworth peghosow Yeroboam mab Nebat a wrug dhe Ysrael pegha – an leughi owrek esa yn Bethel hag yn Dan.

2 Kroniklys 11:15

ha re apoyntsa y oferysi y honan rag an tylleryow ughel, ha rag an jevanow-gaver, ha rag an leughi re wrussa ev.

2 Kroniklys 13:9

A ny bellhasowgh oferysi an Arloedh, mebyon Aron, ha'n Levysi, ha gul oferysi ragowgh agas honan avel poblow a diryow erell? Piw pynag a dheffo dhe omsakra gans tarow yowynk po seyth hordh a yll dos ha bos oferyas a neppyth nag yw duw.

2 Kroniklys 17:4

mes ev a hwilas Duw y das hag a gerdhas yn y worhemmynnow, a-der fordhow Ysrael.

2 Kroniklys 28:22

Yn prys y ahwer ev eth ha bos hwath moy dislel dhe'n Arloedh – an keth myghtern Ahaz ma.

Salmow 78:34

Pan y's ladhas, i a'n hwilas; hag i a dreylyas ha hwilas Duw dihwans.

Eksodus 28:41

Ha ty a wra aga gorra war Aron dha vroder, ha war y vebyon ganso, ha'ga untya ha'ga ordena ha'ga sakra, ma'm serfyons avel oferysi.

Lavarow Koth 27:22

Mar prewydh den foll yn morter war-barth gans greun barlys gans hordh brewi, nyns a y follneth dhiworto.

Yeremia 18:4

Mes an lester esa orth y wul a bri o difasys yn leuv an priweythor, ytho ev a'n gwrug arta, lester arall, dell hevelis da dhe'n priweythor.

Yeremia 5:3

A Arloedh, a nyns yw dha lagas war an gwirder? ty re's gweskis mes ny wodhevons payn; ty re's diswrug, mes i re naghas degemmeres dyskybleth: i re wrug aga fasow kalessa ages karrek; i re naghas dehweles.

Amos 6:11

Rag otta, an Arloedh a worhemmynn, hag ev a wysk an chi bras yn magoryow, ha'n chi byghan a vydh terrys dhe demmyn.

Amos 7:10

Ena Amasia, oferyas Bethel, a dhannvonas dhe Yeroboam myghtern Ysrael, ow leverel: ‘Amos re vrasas er agas pynn yn kres chi Ysrael; ny yll an tir godhav y eryow oll.

Niverow 1:51

Pan wra an tabernakel mos yn-rag, an Levysi a wra y dhisevel; ha pan dheu an tylda dhe vos settys yn-bann, an Levysi a wra y sevel. Ha mar teffo estren yn ogas, ev a vydh gorrys dhe'n mernans.

Niverow 17:5

Ha gwelenn an gour a dhewisav a wra egina; yndellma my a wra dhe hedhi a-dhiwarnav krodhvolyow mebyon Ysrael may krodhvolons warnas.

Niverow 3:10

Ha ty a wra charjya Aron ha'y vebyon dhe witha aga dever oferyasek; mes mar teffo neb estren yn ogas, ev a vydh gorrys dhe'n mernans.

2 Timothi 3:13

Mes tus dhrog ha faytours a wra mos yn-rag gweth ha gweth ow toella, hag ow pos toellys.

Breusysi 17:12

Yndella Mika a sakras an Levyas, ha'n gour yowynk eth ha bos y oferyas, hag yth esa trigys yn chi Mika.

Breusysi 17:5

An keth gour ma Mika a'n jevo y sentri y honan, hag ev a wrug efod ha terafim hag a sakras onan a'y vebyon, neb eth ha bos y oferyas.