1 Myghternedh 13:21 - An Bibel Kernewek 20234 (Kernewek Kemmyn)

²¹ Ev a grias erbynn wour Duw a dheuth a Yuda, ‘Yndellma y lever an Arloedh: drefenn ty dhe rebellya erbynn ger an Arloedh, ha ny withsys an gorhemmynn a worhemmynnis an Arloedh dha Dhuw dhis,

1 Myghternedh 13:21 ပူးပေါင်းရင်းမြစ်များ

Jenesis 3:7

Ena aga lagasow aga dew a veu igerys hag i a wodhva aga bos noeth, hag i a wrias delyow figys war-barth dhe wul apronyow ragdha aga honan.

2 Samuel 24:13

Ytho Gad a dheuth dhe Davydh, ha leverel dhodho, ‘A wra seyth blydhen a dhivoetter dos dhis y'th tir? Po a vynn'ta fia tri mis a-rag dha eskerens, hag i orth dha helghya? Po a vydh tri dydh a bla y'th tir? Lemmyn preder hag ervir py gorthyp y rov dhodho ev neb a'm dannvonas.’

2 Samuel 6:7

Sorr Duw a dhewis erbynn Uzza; ha Duw a'n gweskis dhe'n dor ena drefenn y volder; hag ev a verwis ena ryb argh Duw.

1 Myghternedh 13:17

rag y feu leverys dhymm dre er an Arloedh: Ny dhybrydh boes na eva dowr ena, na dehweles der an fordh may teuthys.’

1 Myghternedh 13:20

Dell esens a'ga esedh orth an voes, ger an Arloedh a dheuth dhe'n profoes re'n dros tre.

1 Myghternedh 13:22

mes dehweles ha dybri boes hag eva dowr y'n tyller may leveris dhis, “Na dheber boes vyth na eva dowr vyth”, ny dheu dha gorf dhe vedh dha dasow.’

1 Myghternedh 20:36

Ena ev a leveris dhodho, ‘Drefenn nag es gostydh dhe lev an Arloedh, kettell vydhydh diberthys ahanav, lew a'th ladh.’ Ha pan dhibarthas anodho, lew a'n kavas ha'y ladha.

Ester 6:13

Ha Haman a dherivas orth Zeresh y wreg hag oll y gowetha pup-tra re hwarvia dhodho. Yn-medh y dus skentel ha Zeresh y wreg dhodho, ‘Mordekay, may tallathas dha derroes a-ragdho, yw a has an Yedhewon; ny wre'ta prevaylya er y bynn, mes koedha a wredh a-ragdho yn surredi.’

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Levitikus 10:3

Ena yn-medh Moyses dhe Aron, ‘Hemm yw an pyth a gewsis an Arloedh anodho, ow leverel, “My a vydh sanshes der an re a dheu nes dhymm, ha my a vydh glorifiys dherag oll an bobel.” ’ Hag Aron a dewis.

Niverow 20:12

Ha'n Arloedh a leveris dhe Moyses ha dhe Aron, ‘Drefenn na dres'sowgh ynnov, dhe'm sanshe yn lagasow mebyon Ysrael, rakhenna ny vydhowgh ow tri an gemmynieth ma y'n tir re res dhedha.’

Niverow 20:24

‘Aron a vydh kuntellys dh'y bobel; rag ny wra entra an tir re res dhe vebyon Ysrael, drefenn hwi dhe rebellya erbynn ow gorhemmynn orth dowrow Meriba.

Diskwedhyans 3:19

Myns a garav, a geredhav ha keski. Bydh diwysyk, ytho, ha kemmer edrek.

1 Samuel 15:19

Ytho prag na obaysys lev an Arloedh? Prag y koedhsys war an preydh, ha gul drog yn golok an Arloedh?’

1 Samuel 4:18

Pan gampoellas argh Duw, Eli a goedhas war-dhelergh a-dhiworth y gador ryb tenewen an yet; ha'y gonna a veu terrys hag ev a verwis, rag an gour o koth, ha poes. Ev re vreussa Ysrael dew-ugens blydhen.