1 Myghternedh 13:2 - An Bibel Kernewek 20234 (Kernewek Kemmyn)

² Ev a grias erbynn an alter dre er an Arloedh, ha leverel. ‘A alter, alter, yndellma y lever an Arloedh: “Mab a vydh genys dhe ji Davydh, Yosia y hanow; hag ev a sakrifi warnas oferysi an tylleryow ughel a lesk offrynnow warnas, hag eskern denel a vydh leskys warnas.” ’

1 Myghternedh 13:2 ပူးပေါင်းရင်းမြစ်များ

1 Myghternedh 13:32

Rag an lavar a grias dre er an Arloedh erbynn an alter yn Bethel hag erbynn oll chiow an tylleryow ughel usi yn sitys Samaria, yn sur a dheu ha hwarvos.’

2 Kroniklys 34:1

Yosia o eth bloedh pan dhallathas reynya, hag ev a reynyas unnek blydhen warn ugens yn Yerusalem.

2 Kroniklys 34:3

Rag yn ethves blydhen y reyn, hag ev hwath maw, ev a dhallathas hwilas Duw Davydh y das, hag y'n dewdhegves blydhen, ev a dhallathas kartha dhiworth Yuda ha Yerusalem an tylleryow ughel, an Asherim, ha'n imajys gravys ha teudhys.

Ysay 1:2

Klew a nev, ha goslow a norvys; rag an Arloedh re gewsis: My a vagas mebyon ha'ga meythrin, mes i a rebellyas er ow fynn.

Ysay 42:9

Otta, an taklow dargenys kyns, hwarvedhys yns, ha taklow nowydh a dherivav lemmyn; kyns i dhe egina anedha y terivav orthowgh.

Ysay 46:10

ow tarleverel an diwedh a-dhia'n dalleth, hag a-dhia dermynyow koth taklow na veu hwarvedhys hwath, ow leverel, ‘Ow forpos a sev, ha my a wra oll ow bodh’,

Ysay 58:1

Garm yn ughel, na fronn. Drehav dha lev avel hirgorn, ha deriv dhe'm pobel aga hammweyth, ha dhe ji Yakob aga feghosow.

Yeremia 1:2

may teuth dhodho ger an Arloedh yn dydhyow Yosia mab Amon myghtern Yuda, yn trydhegves blydhen y reyn.

Yeremia 22:29

A dor, dor, dor, klew ger an Arloedh.

Ezekiel 36:1

Ha ty, A vab den, profoes dhe venydhyow Ysrael, ha lever: Klewewgh ger an Arloedh.

Ezekiel 36:4

rakhenna, menydhyow Ysrael, klewewgh ger an Arloedh Duw: Yndellma y lever an Arloedh Duw dhe'n menydhyow, dhe'n brennow, dhe'n goverow, dhe'n nansow, dhe'n magoryow ynyal, ha dhe'n sitys diannedh, a dheuth ha bos rag preydh ha rag ges dhe remenant an kenedhlow usi oll a-dro;

Ezekiel 38:4

My a'th treyl a-dro ha gorra higow y'th tiwen, ha'th tri yn-mes gans oll dha lu, mergh ha marghogyon, i oll gwiskys yn arvwisk leun, kowethas bras, i oll gans boklers ha skoesow, i oll ow synsi kledhedhyow.

Luk 19:40

Ev a worthybis, ow leverel, ‘My a lever dhywgh, mar tewons an re ma, an meyn a wra leva!’

Dewteronomi 32:1

Goslow nev, ha my a gews; klew, norvys, geryow ow ganow.