1 Myghternedh 13:18 - An Bibel Kernewek 20234 (Kernewek Kemmyn)

¹⁸ Ena ev a leveris dhodho, ‘My yw profoes ynwedh kepar dell os, hag el a gewsis dhymm dre er an Arloedh: Doro ev genes dhe'th chi may teppro boes hag eva dowr.’ Mes yth esa ow kowleverel.

1 Myghternedh 13:18 ပူးပေါင်းရင်းမြစ်များ

Jenesis 27:24

Yn-medh ev, ‘Osta yn hwir ow mab Esaw?’ hag yn-medh ev, ‘Ov.’

Jenesis 3:13

Hag yn-medh an Arloedh Duw dhe'n venyn. ‘Pyth yw henna re wruss'ta?’ Hag yn-medh an venyn, ‘An sarf a'm toellas, ha my a dhybris.’

1 Myghternedh 13:19

Ena gour Duw a dhehwelis ganso, ha dybri boes hag eva dowr yn y ji.

1 Myghternedh 20:35

Orth gorhemmynn an Arloedh unn esel a gowetha an brofoesi a leveris dh'y gila, ‘Gwask vy!’ Mes an gour a naghas y weskel.

1 Myghternedh 22:22

“Fatell?” an Arloedh a wovynnas orto. Ev a worthybis, “Yth av yn-mes, ha my a vydh spyrys gowek yn ganow oll y brofoesi.” Ena an Arloedh a leveris, “Ty a'n dyn, ha ty a sewen; ke yn-rag ha'y wul.”

Lavarow Koth 12:19

Gweusyow gwiryon a dhur bys vykken, mes taves gowek a bes unn pols byghan.

Lavarow Koth 12:22

Gweusyow gowek yw tra gasadow dhe'n Arloedh, mes an re a omdheg yn lel yw y dhelit.

Lavarow Koth 19:5

Nyns a fals dhustunier heb kessydhyans, ha ny dhienk gowleveryas.

Ysay 36:10

Ha lemmyn, a yskynnis vy erbynn an tir ma dh'y dhistrui heb an Arloedh? An Arloedh a leveris dhymm, Yskynn erbynn an tir ma, ha'y dhistrui.’

Ysay 9:15

An henavek ha'n den ughel, ev yw an penn, ha'n profoes ow tyski gow, ev yw an lost.

Yeremia 23:14

Hag yn profoesi Yerusalem: my re welas tra skruthus: avoutri a wrons, ha kerdhes yn gowyow; i a grevha diwla an dhrogoberoryon, ma na dreyl nagonan a-dhiworth y dhrogedh; yth yns i oll avel Sodom dhymm, ha'y annedhysi avel Gomorra.

Yeremia 23:17

I a lever dhe'n re a dhispres ger an Arloedh, ‘Hwi a'gas bydh kres’, ha dhe bubonan a siw gorthter y golonn, ‘Ny dheu terroes warnowgh.’

Yeremia 23:32

Otta, yth esov erbynn an re a brofoes fals hunrosow, yn-medh an Arloedh, hag a wra aga derivas, ha gul dhe'm pobel mos yn stray der aga gowyow ha'ga bostya; mes ny's dannvenis, na gorhemmynna dhedha; ytho ny vydhons dhe les rag an bobel ma, yn-medh an Arloedh.

Yeremia 29:31

Dannvon dhe oll an dhivresow, ow leverel, Yndellma y lever an Arloedh a-dro dhe Shemaia an Nehelamyas: Drefenn Shemaia dhe brofoesa dhywgh, kyn na'n dannvenis, ha gul dhywgh fydhya yn gow,

Yeremia 29:32

ytho yndellma y lever an Arloedh: My a gessydh Shemaia an Nehelamyas ha'y dhiyskynnysi; ny'n jevydh denvyth trigys yn mysk an bobel ma; na ny welvydh an da a wrav dhe'm pobel, yn-medh an Arloedh, drefenn ev dhe gewsel rebellyans erbynn an Arloedh.

Yeremia 5:12

I re naghas an Arloedh, ha leverel, ‘Ny wra ev travyth; na ny wra drogedh dos warnan; ny welyn ni naneyl kledha na divoetter.’

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Ezekiel 13:22

Rag hwi re baynyas kolonn an den gwiryon dre wowyow, pan na'n paynis vy, ha nertha diwla tebelwas ma na dreyllyo dhiworth y dhrog fordh dhe sawya y vewnans;

Ezekiel 13:8

Rakhenna yndellma y lever an Arloedh Duw: Drefenn hwi dhe gewsel euveredh ha gweles gwelesigethow gowek, ottavy er agas pynn, yn-medh an Arloedh Duw.

Niverow 22:35

Hag el an Arloedh a leveris dhe Balaam, ‘Ke gans an wer; mes na gows marnas an ger a worhemmynnav dhis, henna y kewsydh.’ Ytho Balaam eth yn-rag gans pennsevigyon Balak.

Matthew 24:24

Rag fals Kristow ha fals profoesi a sev ow kul toknys bras ha marthusyon, rag toella, mara kyllir, an re dhewisys.

Matthew 7:15

‘Bedhewgh war a fals profoesi, neb a dheu dhywgh yn gwisk deves, mes war-ji yth yns i bleydhi ow ravna.

Romanyon 16:18

Rag tus a'n par na, ny servyons agan Arloedh Krist mes aga thorr aga honan, ha dre gows teg ha dre gows ow flattra, y toellons kolonn an re wiryon.

2 Korinthianys 11:3

Mes yma own dhymm, par dell doellas an sarf Eva der y felder, yma own dhymm bos agas brysyow dynys yn neb fordh dhiworth an sempledh ha'n lenduri usi yn Krist.

Galatianys 1:8

mes mar pydh pregewthys dhywgh genen ni po gans el dhiworth nev neb aweyl kontrari dhe'n pyth a bregewthsyn ni, re bo milliges.

1 Timothi 4:1

An Spyrys a lever yn tiblans re dhe asa an fydh yn termynyow diwettha ha gul vri a fals spyrysyon ha dyskasow dywolow;

1 Timothi 4:2

yn falsuri gowleverysi, leskys aga howses gans horn.

2 Peder 2:1

Mes yth esa fals profoesi yn mysk an bobel kepar dell vydh fals dhyskadoryon yn agas mysk ynwedh, a vynn dri tebelgryjyansow fell, ow nagha hwath an Mester a wrug aga frena, hag ow tri diswrians uskis warnedha i.

1 Yowann 4:1

Hwi garadowyon, na grysewgh dhe bub spyrys, mes prevewgh an spyrysyon, mars esons i a Dhuw: rag gallas fals profoesi bals yn-mes dhe'n bys.

Diskwedhyans 19:20

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.

Breusysi 13:3

Hag el an Arloedh a omdhiskwedhas dhe'n venyn hag a leveris dhedhi, ‘Kynth os gownagh, ha ny dhuges fleghes, ty a wra omdhoen ha dineythi mab.