1 Myghternedh 12:28 - An Bibel Kernewek 20234 (Kernewek Kemmyn)

²⁸ Ytho an myghtern a gemmeras kusul, ha gul dew leugh a owr. Ev a leveris dhe'n bobel, ‘Hwi res eth dhe Yerusalem hir lowr. Ottomma agas duwow, A Ysrael, re'gas dros yn-mes a Ejyp.’

1 Myghternedh 12:28 ပူးပေါင်းရင်းမြစ်များ

1 Myghternedh 14:9

mes ty re wrug drog a-ugh oll dha ragresegydhyon; ty re wrug duwow erell ragos, ha delowyow teudh, orth ow frovokya dhe sorr, orth ow thewlel a-dryv dha geyn.

1 Myghternedh 15:26

Ev a wrug an pyth o drog yn golok an Arloedh, ow kerdhes yn fordh y das hag y'n pegh a wrug ev dhe Ysrael y wul.

1 Myghternedh 16:19

drefenn an peghosow a wrug ev, ow kul drog yn golok an Arloedh, ow kerdhes yn fordh Yeroboam, ha rag an pegh re wrug, ow kul dhe Ysrael pegha.

2 Myghternedh 10:29

Byttegyns ny dreylyas Yehu dhiworth peghosow Yeroboam mab Nebat a wrug dhe Ysrael pegha – an leughi owrek esa yn Bethel hag yn Dan.

2 Myghternedh 17:16

I a asas oll gorhemmynnow an Arloedh aga Duw, ha gul ragdha aga honan imajys teudhys a dhew leugh, ha gul Ashera, ha gordhya oll lu an nevow, ha servya Baal.

2 Myghternedh 17:8

ha kerdhes yn ordenansow an kenedhlow a wrussa an Arloedh aga fesya yn-mes a-rag an Ysraelysi, ha kerdhes y'n taklow gwrys gans myghternedh Ysrael.

2 Kroniklys 11:14

An Levysi re assa aga feurvaow ha'ga ferghennogeth ha re dhothya dhe Yuda ha dhe Yerusalem, drefenn Yeroboam ha'y vebyon re's lettsa a servya avel oferysi an Arloedh,

2 Kroniklys 11:15

ha re apoyntsa y oferysi y honan rag an tylleryow ughel, ha rag an jevanow-gaver, ha rag an leughi re wrussa ev.

2 Kroniklys 13:8

‘Lemmyn hwi a dyb y hyllowgh sevel orth gwlaskor an Arloedh yn leuv mebyon Davydh, drefenn agas bos gyllys ha bos routh vras ha bos genowgh hwi an leughi a owr a wrug Yeroboam dhe vos duwow ragowgh.

2 Kroniklys 15:3

Termyn hir y feu Ysrael heb an gwir Dhuw, ha heb oferyas dhe dhyski, ha heb lagha,

2 Kroniklys 17:4

mes ev a hwilas Duw y das hag a gerdhas yn y worhemmynnow, a-der fordhow Ysrael.

2 Kroniklys 21:6

Ev a gerdhas yn fordh myghternedh Ysrael, par dell wrussa chi Ahab; rag myrgh Ahab o y wreg. Ev a wrug an pyth o drog yn golok an Arloedh.

2 Kroniklys 33:7

Ev a worras an imaj gravys re wrussa yn chi Duw, anodho may leveris Duw dhe Davydh ha dh'y vab Solomon, ‘Y'n chi ma, hag yn Yerusalem re dhewisis yn-mes a oll kordhow Ysrael, y hworrav ow hanow bys vykken.

Eksodus 1:10

Dewgh, gwren yn fur gansa ma na liesplekhahons, hag y hyll hwarvos, bresel mar teffo, i ynwedh dhe junya gans an re a'gan kas, hag omladh er agan pynn, ha diank a'n tir.’

Eksodus 20:4

Na wra dhis imaj gravys, na furv vytholl a dravyth eus y'n nev a-vann, nag y'n nor a-woeles, nag y'n dowr yn-dann an nor;

Eksodus 32:25

Ha pan welas Moyses bos an bobel gyllys anfronnys (rag Aron re's gasas dhe vos direwl, dh'aga meth yn mysk aga eskerens),

Eksodus 32:4

Hag ev a dhegemmeras an owr a'ga diwla, ha'y weytha gans toul gravya, ha gwruthyl leugh teudh, hag i a leveris, ‘An re ma yw dha dhuwow, A Ysrael, a'th tros yn-mes a bow Ejyp.’

Eksodus 32:8

i re dreylyas a-denewen yn uskis a'n fordh a worhemmynnis dhedha; i re wrug dhedha leugh teudh, ha'y wordhya ha sakrifia dhodho, ha leverel, “An re ma yw dha dhuwow, A Ysrael, a'th tros yn-mes a bow Ejyp.” ’

Lavarow Koth 14:12

Yma fordh a hevel ewn dhe wour, mes hy diwedh yw fordhow ankow.

Ysay 30:1

Go-i an vebyon dhiwostydh, yn-medh an Arloedh, a dewl towl nag yw ahanav vy, a wra keffrysyans nag yw herwydh ow spyrys vy; may keworrons pegh dhe begh;

Ysay 30:10

neb a lever dhe'n welesydhyon, ‘Na welewgh’, ha dhe'n brofoesi, ‘Na brofoesewgh dhyn an gwir, kewsewgh orthyn taklow fekyl, profoesewgh husow;

Ezekiel 16:26

Ty a wrug fornikasyon gans mebyon Ejyp, dha gentrevogyon bras aga hig, ha ty a lieshas dha fornikasyon, dhe'm provokya dhe sorr.

Ezekiel 23:8

Ny asas hy fornikasyon a-dhia hy thermyn yn Ejyp, rag yn hy yowynkneth yth esa gwer ow krowedh gensi; i a waska hy diwvronn wyrgh ha diveri aga lust warnedhi.

Daniel 3:1

Nebukadnessar an myghtern a wrug delow owrek, tri-ugens kevelin yn ughelder, ha hwegh kevelin yn les; ev a'n drehevis yn plen Dura, yn rannvro Babylon;

Hosea 10:10

My a wra aga hessydhya pan vynnav, ha kenedhlow a vydh kuntellys er aga fynn, pan vydhons kessydhys may hwrellons aga helmi rag aga hammweyth dewblek.

Hosea 10:8

Tylleryow ughel Aven, pegh Ysrael, a vydh distruys. Spern hag askall a dyv dres aga alteryow. Ena yn-medhons dhe'n menydhyow, ‘Gorherewgh ni’, ha dhe'n brennow, ‘Koedhewgh warnan ni.’

Amos 5:5

mes na hwilewgh Bethel, ha na gewgh dhe Gilgal na treusi dhe Beer-sheba; rag mos a wra Gilgal yn divroedh ha Bethel ny vydh 'vas dhe dravyth.

Amos 8:14

An re a de re'n peghes a Samaria, ha leverel, ‘Dell vew dha dhuw, A Dan!’ ha ‘Dell vew fordh Beer-sheba’, a goedh, ha ny sevons arta.

2 Peder 2:19

I a ambos rydhses dhedha, kyn fons i aga honan kethwesyon diswrians, rag den mars yw fethys gans nebonan, dhodho ev kethwas gyllys yw.

1 Samuel 27:1

Davydh a brederis yn y golonn, ‘Lemmyn, my a verow unn jydh dre leuv Sowl; nyns eus travyth gwell ragov marnas diank hware dhe bow an Filistysi; ena Sowl a hedh dhe'm hwilas pella a-ji dhe oryon Ysrael, ha my a dhienk mes a'y leuv.’