1 Myghternedh 12:21 - An Bibel Kernewek 20234 (Kernewek Kemmyn)

²¹ Pan dheuth Rehoboam dhe Yerusalem, ev a guntellas oll chi Yuda ha loeth Benyamin, kans ha peswar-ugens mil a wer dhewisys rag omladh erbynn chi Ysrael, dhe asver an vyghterneth dhe Rehoboam mab Solomon.

1 Myghternedh 12:21 ပူးပေါင်းရင်းမြစ်များ

1 Myghternedh 11:32

Ev a'n jevydh unn loeth, a-barth ow gwas Davydh hag a-barth Yerusalem, an sita re dhewisis yn-mes a'n loethow oll a Ysrael.

1 Myghternedh 14:30

Yth esa bresel yntra Rehoboam ha Yeroboam oll aga dydhyow.

1 Kroniklys 21:5

Yoab a ros sommenn niveryans an bobel dhe Davydh. Yth esa yn oll Ysrael milvil gledhevor ha kans mil, hag yn Yuda peswar kans, deg ha tri-ugens a vilyow a gledhevoryon.

2 Kroniklys 14:11

Asa a grias dhe'n Arloedh y Dhuw, ‘A Arloedh, nyns eus dihevelepter ragos yntra gweres an re grev ha'n re wann. Gweres ni, A Arloedh agan Duw, rag ni a drest ynnos, hag yn dha hanow ni re dheuva erbynn an routh ma. A Duw, na dryghes den marwel er dha bynn.’

2 Kroniklys 14:8

Asa a'n jevo lu a dri hans mil a Yuda, ervys gans skoesow ha guwow, ha dew kans, peswar-ugens a vilyow a gasoryon a Benyamin, ervys gans skoesow ha guwow. Oll a'n re ma o kasoryon grev.