1 Myghternedh 11:7 - An Bibel Kernewek 20234 (Kernewek Kemmyn)

⁷ Ena Solomon a dhrehevis tyller ughel rag Kemosh pyth kasadow an Ammonysi, war an menydh a'n duryen dhe Yerusalem.

1 Myghternedh 11:7 ပူးပေါင်းရင်းမြစ်များ

Jenesis 33:2

Hag ev a worras an maghtethyon ha'ga fleghes kynsa, ha Lea ha'y fleghes war aga lergh ha Raghel ha Yosep yn tiwettha.

2 Samuel 15:30

Mes Davydh eth yn-bann dre leder menydh Oliv, hag ev a oelas hag ev ow mos yn-bann, gans y benn kudhys, hag ev eth dieskis; hag oll an bobel esa ganso a gudhas aga fenn ynwedh, hag i a oelas hag i ow mos yn-bann.

1 Myghternedh 11:5

Rag Solomon a holya Ashtoreth duwes an Sidonysi ha Milkom pyth kasadow an Ammonysi.

1 Myghternedh 11:6

Ytho Solomon a wrug drog yn golok an Arloedh, ha ny holyas yn tien an Arloedh, par dell wrussa y das Davydh.

1 Myghternedh 11:8

Ev a wrug an keth rag oll y wragedh estren, esens owth offrynna ynkys ha sakrifia dh'aga duwow.

1 Myghternedh 15:12

Ev a worras dhe-ves an horys-tempel worow yn-mes a'n tir, ha dilea oll an idolys re wrussa y dasow.

2 Myghternedh 23:10

Ev a dhefolas Tofeth usi yn nans Ben-hinnom, ma na wrella denvyth dhe vab po dhe vyrgh tremena dre dan avel offrynn dhe Molek.

2 Kroniklys 21:11

Dres henna ev a wrug tylleryow ughel yn bro venydhyek Yuda, hag a ledyas trigoryon Yerusalem yn gordhyans idolys, hag a ledyas Yuda yn sowdhan.

Salmow 78:58

Rag i a'n sorras gans aga thylleryow ughel, hag a wrug dh'y avi sevel der aga imajys gravys.

Ysay 44:19

Ny breder nagonan yn y golonn, na nyns eus godhvos na konvedhes dhe leverel, ‘Hanter anodho re loskas y'n tan, ynwedh my a bebis bara war y regydh, my a rostyas kig ha dybri. A wrav vy tra gasadow a'y remenant? A wrav vy koedha dhe'n dor a-rag stokk a brenn?’

Yeremia 32:31

Rag an sita ma re beu acheson a'm sorr hag ow honnar a-dhia'n jydh may feu drehevys bys y'n jydh ma, ma's dileav a-dhiworth ow golok;

Yeremia 32:35

Hag i a dhrehevis an tylleryow ughel a Baal yn nans mab Hinnom, dhe wul dh'aga mebyon ha'ga myrghes tremena der an tan dhe Molek, kyn na worhemmynnis dhedha, na ny dheuth y'm brys may hwrellens an dra gasadow ma, ow kul dhe Yuda pegha.

Yeremia 48:13

Ha Moab a'n jevydh meth a Kemosh, dell borthas chi Ysrael meth a Bethel, may trestsons ynno.

Yeremia 48:46

Go-jy, Moab! Pobel Kemosh res eth dhe goll, rag agas mebyon yw kemmerys yn keth, ha'th vyrghes yn kethneth.

Ezekiel 18:12

neb a arwask an boghosek ha'n edhommek, neb a byll, neb na dhaskorr gaja, neb a dhrehav y dhewlagas dhe idolys, ha gul tra gasadow,

Daniel 11:31

Luyow dannvenys ganso a wra defola an tempel ha'n ger, defendya dhe-ves an offrynn pub-dydhyek hag yn y le gorra pyth kasadow an difeythter.

Daniel 12:11

A-dhia'n prys may fydh kemmerys dhe-ves an offrynn pub-dydhyek, bys yn devedhyans pyth kasadow an difeythter, y fydh dewdhek kans deg dydh ha peswar-ugens.

Levitikus 26:30

Ha my a dhiswra agas tylleryow ughel, ha terri dhe'n dor agas alteryow ynkys, ha tewlel agas korfow war gorfow agas idolys, ha'm spyrys a wra agas aborrya.

Mika 1:5

Yth yw hemma oll drefenn treuspassow Yakob ha drefenn peghadow chi Ysrael. Pyth yw treuspass Yakob? A nyns ywa Samaria? Ha pyth yw tylleryow ughel Yuda? A nyns yns i Yerusalem?

Zekaria 14:4

Ha'y dreys a wra sevel, y'n jydh na, war an menydh Oliv, usi a-rag Yerusalem dhe'n howldrevel, ha'n menydh Oliv a vydh folsys yn dew hanter a'n howldrevel dhe'n howlsedhes, nans fest bras; ha hanter an menydh a vydh removyes dhe'n kledh, ha hanter dhe'n dyghow.

Niverow 21:29

Go-jy, A Moab! Ty yw diswrys, a bobel Kemosh! Ev re wrug y vebyon yn fowesigyon, ha'y vyrghes yn kethesow, dhe vyghtern an Amorysi, Sihon.

Niverow 33:52

ena hwi a wra fesya oll trigoryon an tir a-dheragowgh, ha distrui aga meyn gravys, ha distrui oll aga imajys teudh, ha disevel oll aga thylleryow ughel;

Matthew 26:30

Ha wosa i dhe gana hymna yth ethons dhe'n menydh Oliv.

Oberow 1:12

Ena i a dhehwelis dhe Yerusalem dhiworth an menydh henwys Oliv, usi ogas dhe Yerusalem, pellder kerdh an sabot.

Oberow 1:9

Ha pan lavarsa hemma, hag i ow mires, ev a veu kemmerys yn-bann ha kommolenn a'n degemmeras mes a'ga golok.

Oberow 7:43

Hwi a gemmeras yn-bann tylda Molok ha sterenn agas duw Refan, an imajys hag a formsowgh rag aga gordhya; ha my a wra agas divroa dhe'n tu arall dhe Babylon.”

Dewteronomi 13:14

ena ty a hwither, ha hwilas, ha govynn yn ta; hag otta mars yw gwir ha sur an dra gasadow ma bos gwrys yn agas mysk,

Dewteronomi 27:15

‘Mollothek yw an gour neb a wra imaj gravys po imaj teudh, tra gasadow dhe'n Arloedh, ober diwleuv krefter, ha neb a'n sett yn-bann yn-dann gel.’ Ena oll an bobel a worthyp ow leverel, ‘Amen.’

Breusysi 11:24

A ny dhelledh dhis kavoes an pyth a re dha dhuw Kemosh dhis dh'y gavoes? Hag a ny dhelledh dhyn kavoes oll an pyth a re an Arloedh agan Duw dhyn ni?