1 Myghternedh 11:5 - An Bibel Kernewek 20234 (Kernewek Kemmyn)

⁵ Rag Solomon a holya Ashtoreth duwes an Sidonysi ha Milkom pyth kasadow an Ammonysi.

1 Myghternedh 11:5 ပူးပေါင်းရင်းမြစ်များ

1 Myghternedh 11:33

Hemm yw drefenn ev dhe'm eskasa ha gordhya Ashtoreth duwes an Sidonysi, Kemosh duw Moab, ha Milkom duw an Ammonysi, ha ny gerdhas yn ow fordhow, ow kul an pyth yw ewn yn ow golok ha gwitha ow ordenansow ha'm breusow, dell wrug y das Davydh.

1 Myghternedh 11:6

Ytho Solomon a wrug drog yn golok an Arloedh, ha ny holyas yn tien an Arloedh, par dell wrussa y das Davydh.

1 Myghternedh 11:7

Ena Solomon a dhrehevis tyller ughel rag Kemosh pyth kasadow an Ammonysi, war an menydh a'n duryen dhe Yerusalem.

2 Myghternedh 23:13

An myghtern a dhefolas an tylleryow ughel a'n est dhe Yerusalem, a'n soth dhe venydh an Distruyans, drehevys gans Solomon myghtern Ysrael rag Ashtoreth, mostedhes an Sidonysi, rag Kemosh, mostedhes Moab, ha rag Milkom, mostedhes an Ammonysi.

Ysay 44:19

Ny breder nagonan yn y golonn, na nyns eus godhvos na konvedhes dhe leverel, ‘Hanter anodho re loskas y'n tan, ynwedh my a bebis bara war y regydh, my a rostyas kig ha dybri. A wrav vy tra gasadow a'y remenant? A wrav vy koedha dhe'n dor a-rag stokk a brenn?’

Levitikus 18:21

Ha ny wredh gasa dha has dhe vos sakrifiys dhe Molek, na ny wredh disakra hanow dha Dhuw. An Arloedh ov vy.

Sefania 1:5

ha'n re a ombleg war an tohow dhe lu an nevow; ha'n re a ombleg war an tohow ha ti re'n Arloedh ha ti ynwedh re Milkom;

Breusysi 10:6

Mebyon Ysrael a wrug arta an pyth o drog yn golok an Arloedh, ow kordhya an Baalim ha'n Ashtaroth, duwow Aram, duwow Sidon, duwow Moab, duwow an Ammonysi, ha duwow an Filistysi. Yndella i a asas an Arloedh, ha ny'n gordhyens.

Breusysi 2:11

Ena mebyon Ysrael a wrug drogober yn golok an Arloedh hag a servyas an Baalim.

Breusysi 2:13

I a forsakyas an Arloedh, hag a servyas an Baalim ha'n Ashtaroth.

1 Samuel 12:10

Ena i a armas dhe'n Arloedh, ha leverel, “Ni re beghas, drefenn ni dhe forsakya an Arloedh, ha servya an Baalim ha'n Ashtaroth; mes lemmyn delirv ni yn-mes a dhorn agan eskerens, ha ni a'th serv.”