1 Myghternedh 11:4 - An Bibel Kernewek 20234 (Kernewek Kemmyn)

⁴ Rag pan o Solomon koth y wragedh a dreylyas dhe-ves y golonn war-lergh duwow erell; ha nyns o y golonn perfydh gans an Arloedh y Dhuw, par dell o kolonn y das Davydh.

1 Myghternedh 11:4 ပူးပေါင်းရင်းမြစ်များ

1 Myghternedh 11:2

a genedhlow may leveris an Arloedh anedha dhe'n Ysraelysi, ‘Nyns ewgh yn priosoleth gansa, na nyns ons yn priosoleth genowgh; rag yn sertan i a dreyl dhe-ves agas kolonn dhe holya aga duwow’. Mes Solomon a lenas orth an re ma yn kerensa.

1 Myghternedh 11:33

Hemm yw drefenn ev dhe'm eskasa ha gordhya Ashtoreth duwes an Sidonysi, Kemosh duw Moab, ha Milkom duw an Ammonysi, ha ny gerdhas yn ow fordhow, ow kul an pyth yw ewn yn ow golok ha gwitha ow ordenansow ha'm breusow, dell wrug y das Davydh.

1 Myghternedh 11:38

Mar koslowydh orth pup-tra a worhemmynnav dhis, kerdhes yn ow fordhow, ha gul an pyth yw ewn yn ow golok ow kwitha ow ordenansow hag ow gorhemmynnow, dell wrug ow gwas Davydh, my a vydh genes, ha ty a dhrehav chi sur, par dell dhrehevis rag Davydh, ha my a re Ysrael dhis.

1 Myghternedh 11:42

An termyn may reynyas Solomon yn Yerusalem war Ysrael oll o dew-ugens blydhen.

1 Myghternedh 11:6

Ytho Solomon a wrug drog yn golok an Arloedh, ha ny holyas yn tien an Arloedh, par dell wrussa y das Davydh.

1 Myghternedh 11:9

Ena an Arloedh o serrys orth Solomon drefenn y golonn dhe dreylya dhe-ves a'n Arloedh, Duw Ysrael, re omdhiskwedhsa dhodho diwweyth,

1 Myghternedh 14:21

Rehoboam mab Solomon a reynyas yn Yuda. Rehoboam o unn bloedh ha dew-ugens pan dhallathas reynya, hag ev a reynyas seytek blydhen yn Yerusalem, an sita a dhewisis an Arloedh yn-mes a oll loethow Ysrael, dhe worra y hanow ena. Hanow y vamm o Naama an Ammonyades.

1 Myghternedh 15:14

Mes ny veu an tylleryow ughel kemmerys dhe-ves. Byttegyns kolonn Asa o perfydh gans an Arloedh oll y dhydhyow.

1 Myghternedh 15:3

Ev a gerdhas yn oll an peghosow re wrussa y das kyns; nyns o y golonn perfydh gans an Arloedh y Dhuw, par dell o kolonn y das Davydh.

1 Myghternedh 3:3

Solomon a garas an Arloedh, ow kerdhes yn ordenansow Davydh y das: saw y hwre ev ladha ha leski sakrifisow y'n tylleryow ughel.

1 Myghternedh 6:1

Y'n peswar kans ha peswar-ugensves blydhen wosa fleghes Ysrael dhe dhos yn-mes a Ejyp, y'n peswora blydhen a reyn Solomon war Ysrael, yn mis Ziv, an eyl mis, ev a dhallathas drehevel chi an Arloedh.

1 Myghternedh 8:61

Ytho re bo agas kolonn perfydh gans an Arloedh agan Duw, ow kerdhes yn y ordenansow hag ow kwitha y worhemmynnow, avel y'n jydh ma.’

1 Myghternedh 9:10

Dhe benn ugens blydhen, may trehevis Solomon an dhew ji ynna, chi an Arloedh ha chi an myghtern,

1 Myghternedh 9:4

Ha ty, mar kerdhydh a-ragov, par dell gerdhi dha das Davydh, gans kolonn lan hag ewnhynseth, ow kul herwydh pup-tra a worhemmynnis dhis, hag ow kwitha ow ordenansow ha'm breusow,

2 Myghternedh 20:3

‘Porth kov lemmyn, A Arloedh, my a'th pys, a fatell gerdhis a-dherag dhis yn gwiryonedh hag a leun golonn, hag a wrug an pyth yw da y'th wel.’ Hag ev a oelas yn hwerow.

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

1 Kroniklys 29:19

Gront dhe Solomon ow mab kolonn berfydh dhe witha dha worhemmynnow, dha dhustuniow ha'th ordenansow, dhe wul pup-tra, ha dhe dhrehevel an palys, a wrugavy y dharbari.’

2 Kroniklys 17:3

Yth esa an Arloedh gans Yehoshafat drefenn ev dhe gerdhes yn fordhow y das kyns; ny hwilas an Baalim,

2 Kroniklys 25:2

Ev a wrug an pyth o ewn yn golok an Arloedh, mes a-der a leun golonn.

2 Kroniklys 34:2

Ev a wrug an pyth o ewn yn golok an Arloedh, hag a gerdhas yn fordhow Davydh y das; ny dreylyas dhe denewen naneyl dhe'n dyghow na dhe'n kledh.

Eksodus 20:3

Ny vydh dhis duwow erell a-ragov.

Dewteronomi 17:17

Na vedhes dhodho y honan benynes pals, ma na dreyl y golonn a-denewen; na kavoes dhodho y honan meur a arghans hag owr.

Dewteronomi 7:4

rag ev a dreyl dha vab a-dhiworthiv, dhe servya duwow erell, ha sorr an Arloedh a dhew er agas pynn ha'th tistrui toeth da.