1 Myghternedh 11:34 - An Bibel Kernewek 20234 (Kernewek Kemmyn)

³⁴ Byttegyns ny gemmerav an wlaskor oll a'y leuv mes my a'n sett avel pennsevik oll dydhyow y vewnans, a-barth ow gwas Davydh, neb a dhewisis, neb a withas ow gorhemmynnow ha'm ordenansow;

1 Myghternedh 11:34 ပူးပေါင်းရင်းမြစ်များ

2 Samuel 7:14

My a vydh tas dhodho, hag ev a vydh mab dhymm. Pan wra kammhynseth, my a'n gessydh gans gwelenn gwer, ha gans strokosow mab-den.

1 Myghternedh 11:31

ha leverel dhe Yeroboam: Kemmer dhis deg darn; rag yndellma y lever an Arloedh, Duw Ysrael, ‘Otta, my a skward gwlaskor Ysrael a-dhiworth gavel Solomon, ha ri dhis deg loeth.

1 Myghternedh 11:33

Hemm yw drefenn ev dhe'm eskasa ha gordhya Ashtoreth duwes an Sidonysi, Kemosh duw Moab, ha Milkom duw an Ammonysi, ha ny gerdhas yn ow fordhow, ow kul an pyth yw ewn yn ow golok ha gwitha ow ordenansow ha'm breusow, dell wrug y das Davydh.

1 Myghternedh 11:35

mes my a gemmer an wlaskor ma a-dhiworth y vab ha'y ri dhis, an deg loeth.

1 Myghternedh 3:14

Mar kerdhydh y'm fordhow, ow kwitha ow ordenansow hag ow gorhemmynnow, dell gerdhi dha das Davydh, ena my a ystynn dha dhydhyow.’

Job 11:6

ha diskwedhes dhis an kevrinyow a furneth! Rag liesplek yw y dhoethter! Godhvydh ytho Duw dhe jalenjya ahanas le ages dell dhervynn dha gammweyth.

Salmow 103:10

Ny wrug ev dhyn war-lergh agan peghosow, nag attyli dhyn war-lergh agan kammweythresow;

Salmow 89:19

Yn termyn passys y kewssys orth dha syns yn gwelesigeth, ha leverel: ‘My re worras gweres war onan galloesek; my re dhrehevis onan dewisys yn-mes a'n bobel.

Ysay 55:3

Plegyewgh agas skovarn ha dewgh dhymm; goslowewgh rag may fewo agas enev. My a wra genowgh kevambos bys vykken, ow thregeredhow lel ambosys dhe Davydh.

Habakkuk 3:2

A Arloedh, my re glewas derivas ahanas, my re borthas own, A Arloedh, a'th ober; yn mysk an blydhynyow gas ev dhe dhasvewa, yn mysk an blydhynyow gas ev dhe vos godhvedhys; yn sorr porth kov a druedh.