1 Myghternedh 11:24 - An Bibel Kernewek 20234 (Kernewek Kemmyn)

²⁴ Ev a guntellas gwer dhodho ha dos ha bos kapten bagas preydhoryon, wosa an ladhva gans Davydh; i eth dhe Damaskus ha triga ena ha gul dhodho bos myghtern yn Damaskus.

1 Myghternedh 11:24 ပူးပေါင်းရင်းမြစ်များ

Jenesis 14:15

Hag yn nos ev a rannas y lu er aga fynn, ev ha'y wesyon, ha'ga fetha, ha'ga chasya bys yn Hoba usi a'n barth kledh dhe Damaskus.

2 Samuel 10:18

Mes an Aramysi a fias a-dherag Ysrael; hag a'n Aramysi Davydh a ladhas an wer a seyth kans charett, ha dewgens mil varghek, ha gweskel Shobak kaslewydh aga lu, hag ev a verwis ena.

2 Samuel 10:6

Pan welas an Ammonysi i dhe vos kasadow dherag Davydh, an Ammonysi a dhannvonas hag arveth Aramysi Beth-rehob hag Aramysi Soba, ugens mil droesek, ha dhiworth myghtern Maaka mil wour, ha dhiworth governour Tob, dewdhek mil wour.

2 Samuel 10:8

Mebyon Ammon a dheuth yn-mes, hag i a settyas aga honan yn aray rag batel orth entrans an yet; mes y feu Aramysi Soba ha Rehob, ha gwer Tob ha Maaka, arayys y'n gwel.

2 Samuel 8:3

Davydh ynwedh a weskis Hadadezer mab Rehob, myghtern Soba, pan esa ow mos dhe dhaskavoes y vaystri ryb an avon Ewfrates.

1 Myghternedh 11:25

Ev o eskar Ysrael dydhyow oll Solomon, ow kul dregynn kepar dell wrug Hadad; ev a dhispresyas Ysrael hag a reynyas war Edom.

1 Myghternedh 15:18

Ena Asa a gemmeras oll an arghans ha'n owr hag o gesys yn tresorvaow chi an Arloedh ha tresorvaow chi an myghtern, ha'ga ri yn leuv y wesyon. Myghtern Asa a's dannvonas dhe vyghtern Ben-hadad mab Tabrimmon mab Hezyon, myghtern Aram, esa trigys yn Damaskus, ow leverel,

1 Myghternedh 19:15

Ena an Arloedh a leveris dhodho, ‘Ke, dehwel war dha fordh dhe wylvos Damaskus, ke a-ji dhe'n sita; hag untya Hazael avel myghtern war Aram,

1 Myghternedh 20:34

Ben-hadad a leveris dhodho, ‘My a dhaswra an trevow a gemmeras ow thas a-dhiworth dha das; ha ty a yll fondya marghasow ragos dha honan yn Damaskus, par dell wrug ow thas yn Samaria.’ Myghtern Ysrael a worthybis, ‘My a'th tannvon dhe-ves gans an kevambos ma.’ Ytho ev a wrug kevambos ganso ha'y asa dhe vos.

2 Myghternedh 14:28

Gweythresow erell Yeroboam, ha pup-tra a wrug, ha'y nerth in breselyow, ha fatell dhaskavas Damaskus ha Hamath rag Ysrael, a nyns yns i skrifys yn lyver kovadhow myghternedh Ysrael?

2 Myghternedh 8:7

Elisha a dheuth dhe Damaskus; ha klav o Ben-hadad, myghtern Aram. Leverys veu dhe'n myghtern, ‘Gour Duw re dheuth omma’,

Oberow 9:2

ha pysi dhiworto lytherow dhe'n synagys yn Damaskus may trolla yn kelmys dhe Yerusalem myns a dus an Fordh a gaffa, ha gwer ha benynes.