1 Myghternedh 11:15 - An Bibel Kernewek 20234 (Kernewek Kemmyn)

¹⁵ Rag pan esa Davydh yn Edom, ha Yoab an kaslewydh eth dhe ynkleudhyas an re varow, ev a ladhas pub gorreydh yn Edom.

1 Myghternedh 11:15 ပူးပေါင်းရင်းမြစ်များ

Jenesis 25:23

Hag yn-medh an Arloedh dhedhi, ‘Yma diw genedhel y'th torr ha diw bobel a vydh rynnys a'th kolodhyon; unn bobel a vydh kreffa es an bobel arall, ha'n kottha a wra servya an yowynka.’

Jenesis 27:40

Dre dha gledha ty a vew, ha ty a serv dha vroder; mes pan wrylli sesya rydhses, ty a derr y yew dhiworth dha gonna.’

2 Samuel 8:13

Davydh a waynyas ger-da pan dhehwelis, wosa ladha hwetek mil Edomyas yn nans an Hoelan.

2 Samuel 8:14

Ev a settyas savleow-gwithysi yn Edom; der oll Edom ev a settyas savleow-gwithysi, hag oll Edom eth ha bos gwesyon dhe Davydh. Ha'n Arloedh a ros trygh dhe Davydh plepynag yth e.

1 Myghternedh 11:14

Ena an Arloedh a dhrehevis eskar erbynn Solomon, Hadad an Edomyas, a deylu ryel Edom.

1 Myghternedh 11:16

Yoab hag oll Ysrael a besyas ena hwegh mis bys pan ladhsa pub gorreydh yn Edom.

Salmow 108:10

Piw a'm dre a-berth y'n dinas krev? Piw a'm hembronk bys yn Edom?

Salmow 60:1

A Dhuw, ty re'gan skonyas, ha'gan terri; ty re sorras; treyl arta dhyn ni.

Niverow 31:17

Lemmyn ytho, ledhewgh pub gorreydh yn mysk an re vyghan, ha ledhewgh pub benyn re aswonnis gour dre goska ganso.

Niverow 31:7

I a werryas erbynn Midyan, dell worhemmynnis an Arloedh dhe Moyses, hag i a ladhas pub gorreydh.

Dewteronomi 20:13

An Arloedh dha Dhuw a's re y'th leuv, ha ty a wysk pub gorreydh ynni gans min an kledha,