1 Myghternedh 11:12 - An Bibel Kernewek 20234 (Kernewek Kemmyn)

¹² Byttegyns a wovis dha das Davydh ny'n gwrav yn dha dhydhyow; my a'n terr a leuv dha vab.

1 Myghternedh 11:12 ပူးပေါင်းရင်းမြစ်များ

Jenesis 12:2

Ha my a vynn dha wul kenedhel vras, ha my a'th vennik ha gul dha hanow meur y vri, ha ty a vydh bennath:

Jenesis 19:29

Ha pan dhistruis Duw sitys an plen, Duw a borthas kov a Abraham ha dannvon Lot yn-mes a gres an domhwelyans pan dhomhwelas an sitys mayth esa Lot trigys a-bervedh ynna.

1 Myghternedh 11:11

Ytho an Arloedh a leveris dhe Solomon, ‘A-ban via henna dha vrys ha ny withsys ow hevambos na'm ordenansow a worhemmynnis dhis, my a derr an wlaskor a-dhiworthis ha'y ri dhe'th was.

1 Myghternedh 11:13

Saw ny dorrav an wlaskor oll; my a re unn loeth dhe'th vab a-barth ow gwas Davydh hag a-barth Yerusalem, re dhewisis.’

1 Myghternedh 11:31

ha leverel dhe Yeroboam: Kemmer dhis deg darn; rag yndellma y lever an Arloedh, Duw Ysrael, ‘Otta, my a skward gwlaskor Ysrael a-dhiworth gavel Solomon, ha ri dhis deg loeth.

1 Myghternedh 11:32

Ev a'n jevydh unn loeth, a-barth ow gwas Davydh hag a-barth Yerusalem, an sita re dhewisis yn-mes a'n loethow oll a Ysrael.

1 Myghternedh 11:34

Byttegyns ny gemmerav an wlaskor oll a'y leuv mes my a'n sett avel pennsevik oll dydhyow y vewnans, a-barth ow gwas Davydh, neb a dhewisis, neb a withas ow gorhemmynnow ha'm ordenansow;

1 Myghternedh 11:35

mes my a gemmer an wlaskor ma a-dhiworth y vab ha'y ri dhis, an deg loeth.

1 Myghternedh 21:29

‘A welsys fatell uvelhas Ahab y honan a-ragov? Drefenn ev dhe uvelhe y honan a-ragov, ny dhrov terroes yn y dhydhyow; mes yn dydhyow y vab my a dhre terroes war y ji.’

2 Myghternedh 19:34

My a vydh skoes dhe'n sita ma dh'y sawya a-barth dhymmo vy hag a-barth Davydh ow gwas.’

2 Myghternedh 20:17

Otta, yma dydhyow ow tos pan vydh pub tra usi y'th chi, ha pub tra re withas dha dasow bys y'n jydh ma, degys dhe Babylon; travyth ny vydh gesys, a lever an Arloedh.

2 Myghternedh 20:19

Ena Hezekia a leveris dhe Ysay, ‘Da yw ger an Arloedh re gewssys.’ Rag yth esa ow prederi, ‘Prag na? Dhe'n lyha y fydh kres ha sawder y'm dydhyow.’

2 Myghternedh 8:19

Byttegyns ny vynnas an Arloedh distrui Yuda a-barth Davydh y was, drefenn ev dhe ambosa dhodho ri lugarn dhodho ha dh'y dhiyskynnysi bys vykken.

Eksodus 20:5

Na ombleg a-ragdha na'ga servya; rag my an Arloedh dha Dhuw yw Duw avius, ow kessydhya kammweyth an tasow war an fleghes bys an tressa ha peswora henedh a'n re a'm kas,