1 Myghternedh 10:25 - An Bibel Kernewek 20234 (Kernewek Kemmyn)

²⁵ Pubonan a dhri ro, lestri arghans hag owr, dillas, ethennow hweg, spisyow, mergh ha mulyon, blydhen wosa blydhen.

1 Myghternedh 10:25 ပူးပေါင်းရင်းမြစ်များ

Matthew 2:11

Ha devedhys y'n chi i a welas an flogh gans Maria y vamm, hag i a goedhas dhe'n dor ha'y wordhya; hag owth igeri aga thresoryow, i a brofyas rohow dhodho, owr ha frankynkys ha myrr.

Ezekiel 27:14

Dhiworth chi Togarma i a geschanjyas mergh, mergh charettow, ha mulyon rag dha wara.

Ysay 66:20

I a dhre oll agas breder dhiworth oll an kenedhlow avel offrynn dhe'n Arloedh, war vergh, hag yn charettow, hag yn gravathow, ha war vulyon, ha war gowrvergh, dhe'm menydh sans, Yerusalem, yn-medh an Arloedh, kepar dell dhre mebyon Ysrael offrynn yn lester glan dhe ji an Arloedh.

Ysay 36:16

Na woslowewgh orth Hezekia; rag yndellma y lever myghtern Assyria: “Omrewgh ha dewgh yn-mes dhymm. Ena pubonan a dheber a'y winbrenn y honan ha'y figbrenn y honan ha pubonan a yv a'y buth y honan,

Salmow 72:15

Re vewo, ha dhodho re bo res owr dhiworth Sheba; re byssons ragdho heb hedhi, ha'y venniga oll an jydh.

Salmow 72:10

Re dhrollo myghternedh Tarshish ha'n ynysow trubyt; ha myghternedh Sheba ha Seba dri rohow.

Job 42:11

Oll y vreder hag oll y hwerydh a dheuth dhodho ha pubonan re'n aswonnsa kyns ha dybri ganso yn y ji. I a'n konfortyas ha keskodhevel ganso a-dro dhe oll an trobel re dhrosa an Arloedh dhodho, ha pubonan a ros dhodho bath a vona ha bysow a owr.

Ester 8:14

An kannasow, marghogyon war vergh skav, askorr ryel, a ehwias yn-mes toeth da, ynniys gans gorhemmynn an myghtern. An arghadow a veu dyllys yn Shushan an bennsita.

Ester 8:10

Ha skrifa a wrug ev yn hanow an myghtern Ahasuerus, ha'y selya gans bysow an myghtern, ha dannvon lytherow a wrug dre leuv kannasow war geyn margh, marghogyon owth ehwias war vergh skav, dineythys gans an kasegi ryel.

Ezra 2:66

Aga mergh o seyth kans, hwetek warn ugens; aga mulyon, dew kans, pymp ha dew-ugens;

2 Kroniklys 26:8

An Ammonysi a ros trubyt dhe Uzzia, ha'y vri a lesas bys or Ejyp, rag gyllys fest krev ova.

2 Kroniklys 9:24

Pubonan a dhros ro, lestri a arghans hag owr, mantelli, melysethow, spisys, mergh, ha mulyon, blydhen wosa blydhen.

2 Myghternedh 17:4

Mes myghtern Assyria a gavas trayturi yn Yoshua; rag ev re dhannvonsa kannasow dhe So myghtern Ejyp, ha ny via ow ri trubyt dhe vyghtern Assyria, dell wrussa blydhen wosa blydhen;

1 Myghternedh 18:5

Ahab a leveris dhe Obadia, ‘Ke der an tir, bys yn pub fenten a dhowr hag pub nans: martesen ni a gyv gwels rag gwitha an vergh ha'n mulyon yn few, ma na gellyn oll an enyvales.’

1 Myghternedh 10:10

Ena hi a ros dhe'n myghtern hwegh-ugens talent a owr, myns meur a spisyow, ha gemmweyth drudh; bythkweth arta ny dheuth an spisyow yn kemmys palster ages an pyth a ros myghternes Sheba dhe vyghtern Solomon.

1 Myghternedh 1:33

An myghtern a leveris dhedha, ‘Kemmerewgh genowgh gwesyon agas arloedh, ha settyewgh Solomon ow mab dhe varghogeth war ow mul, ha'y dhri yn-nans dhe Gihon.

2 Samuel 8:10

Toi a dhannvonas y vab Yoram dhe Davydh, dh'y salusi ha'y venniga, drefenn ev dhe omladh erbynn Hadadezer ha'y fetha; rag Hadadezer re werrsa gans Toi. Yoram a dhros ganso lestri a arghans, ha lestri a owr, ha lestri a vrons;

2 Samuel 8:2

Ev a fethas Moab ynwedh, hag ev a's gwrug dhe wrowedha war an leur ha'ga musura der an gordenn-vusura; ev a vusuras diw gordenn dhe worra dhe'n mernans, hag unn kordenn leun dhe witha yn few. Hag yndellma Moab eth ha bos gostydh dhe Davydh, ow tri trubyt dhodho.

1 Samuel 10:27

Mes mebyon Belial a leveris, ‘Fatell yll an den ma agan sawya?’ Hag i a'n dispresyas, ha ni dhrosons dhodho ro. Mes tewel a wrug.

Breusysi 3:15

Mes pan grias mebyon Ysrael dhe'n Arloedh, an ARLOEDH a dhrehevis ragdha delivrer, Ehud mab Gera, Benyaminyas, gour kledhek. Mebyon Ysrael a dhannvonas trubyt dhodho der Eglon myghtern Moab.

Jenesis 36:24

An re ma yw mebyon Sibeon: Aya hag Ana; ev yw Ana a gavas an fentynyow toemm y'n difeythtir hag ev ow peuri asenes Sibeon y das.

Salmow 68:29

A-barth dha dempel yn Yerusalem myghternedh a dhre rohow dhiso jy.

1 Myghternedh 5:1

Hiram myghtern Tyr a dhannvonas y wesyon dhe Solomon, pan glewas i dh'y untya myghtern yn le y das; rag Hiram o pup-prys koweth dhe Davydh.