1 Myghternedh 1:48 - An Bibel Kernewek 20234 (Kernewek Kemmyn)

⁴⁸ Hag ynwedh an myghtern a leveris, “Benniges yw an Arloedh, Duw Ysrael, neb re ros nebonan dhe esedha war ow thron hedhyw, ha'm dewlagas ynwedh dh'y weles.” ’

1 Myghternedh 1:48 ပူးပေါင်းရင်းမြစ်များ

Jenesis 14:20

Ha benniges re bo Duw Ughella neb a dhaskorras dha eskerens a-berth yn dha dhorn.’ Hag ev a ros dhodho dega a bup-tra.

2 Samuel 24:3

Hag yn-medh Yoab dhe'n myghtern, ‘Re ynkressyo an Arloedh dha Dhuw an bobel kanskweyth, ha re'n gwello dhewlagas ow arloedh an myghtern. Mes prag y fynn ow arloedh an myghtern gul an dra ma?’

2 Samuel 7:12

Ha pan vydh dha dhydhyow kollenwys, ha ty a wrowedh gans dha dasow, my a dhrehav dha has war dha lergh, neb a dheu a'th korf, ha my a fast y vyghterneth.

1 Myghternedh 1:49

Ena own a's tevo oll gwestoryon Adoniya; i a sevis, ha pubonan eth war y fordh y honan.

1 Myghternedh 2:4

may kewerro an Arloedh y er a veu kewsys ganso y'm kever, ow leverel, “Mar kwra dha fleghes gwitha aga fordh, ow kerdhes a-ragov yn gwiryonedh gans oll aga holonn ha gans oll aga enev, ny fyll dhis gour war dron Ysrael.”

1 Myghternedh 3:6

Ha Solomon a leveris, ‘Ty re dhiskwedhas dhe'th was Davydh ow thas tregeredh veur, drefenn ev dhe gerdhes a-ragos yn gwiryonedh, yn lenduri hag ewnhynseth an golonn genes; ha ty re'n gwithas rag an kuvder meur ma, ha ri mab dhodho dhe esedha war y dron hedhyw.

1 Myghternedh 8:20

Lemmyn an Arloedh re geweras an ambos a wrug; rag my re sevis yn le ow thas Davydh; hag esedhys ov war dron Ysrael, dell ambosas an Arloedh, ha my re dhrehevis an chi rag hanow an Arloedh, Duw Ysrael.

1 Kroniklys 17:17

Tra vyghan o y'th wolok, A Dhuw; ty re gewsis ynwedh a ji dha was rag termyn hir dhe dhos. Ty a wra vri ahanav avel den a dhegre ughel, A Arloedh Duw!

1 Kroniklys 29:10

Davydh a vennigas an Arloedh a-dherag an kuntelles oll. Ha Davydh a leveris, ‘Benniges os, A Arloedh, Duw Ysrael agan tas, bys vykken ha bynnari.

1 Kroniklys 29:20

Ena Davydh a leveris dhe oll an kuntelles, ‘Bennigewgh an Arloedh agas Duw.’ Hag oll an kuntelles a wormolas an Arloedh, Duw aga thasow, hag omblegya, ow plegya dhe'n dor a-rag Arloedh ha'n myghtern.

Nehemia 9:5

Yn eur na an Levysi, Yeshua ha Kadmiel, Bani, Hashabneya, Sherebia, Hodia, Shebania ha Pethahia, a leveris, ‘Sevewgh yn-bann ha bennigewgh an Arloedh agas Duw bys vykken ha bynnari; ha benniges re bo dha hanow gloryus, yw ughelhes dres pub bennath ha gormola.

Salmow 145:2

Pub dydh y'th vennigav, ha gormel dha hanow bys vykken ha bynnari.

Salmow 34:1

My a vennik an Arloedh pup-prys; y wormola a vydh prest y'm ganow.

Salmow 41:13

Benniges re bo an Arloedh, Duw Ysrael, bys vykken ha bynnari. Amen, hag Amen.

Lavarow Koth 17:6

Fleghes wynn yw kurun an re goth, ha glori mebyon yw aga thasow.

Daniel 4:34

Orth diwedh an dydhyow, my, Nebukadnessar, a dhrehevis ow dewlagas dhe nev, ha'm skians a dheuth arta dhymm. My a vennigas an Ughella, ha gul gormel ha gologhas dhe'n neb a vew bys vykken. Rag y vestrynses yw mestrynses a bes vynitha, ha'y wlaskor a dhur a henedh dhe henedh;

Efesianys 1:3

Benniges re bo Duw ha Tas agan Arloedh Yesu Krist, neb re'gan bennigas gans pub bennath spyrysel y'n tylleryow nevek yn Krist,

1 Peder 1:3

Benniges re bo Duw ha Tas agan Arloedh Yesu Krist, neb a'gan dastineythis, war-lergh y dregeredh vras, dhe wovenek bew dre dhasserghyans Yesu Krist a'n re varow,

1 Samuel 25:32

Yn-medh Davydh dhe Abigayl, ‘Benniges re bo an Arloedh, Duw Ysrael, neb a'th tannvonas dhe'm metya y'n jydh hedhyw.