1 Myghternedh 1:47 - An Bibel Kernewek 20234 (Kernewek Kemmyn)

⁴⁷ Kekeffrys gwesyon an myghtern a dheuth rag benniga agan arloedh myghtern Davydh, ow leverel, “Re wrello Duw hanow Solomon gwell ages dha hanow jy, ha'y dron brassa ages dha dron jy.” Ena an myghtern a omblegyas yn gordhyans war an gweli.

1 Myghternedh 1:47 ပူးပေါင်းရင်းမြစ်များ

Jenesis 47:31

Hag yn-medh ev, ‘Ti e dhymmo vy’; hag ev a'n tos. Ena Ysrael a omblegyas war benn an gweli.

2 Samuel 21:3

Davydh a leveris dhe'n Gibeonysi, ‘Pandr'a wrav ragowgh? Fatell wrav vy dehwelyans, may fennigowgh eretons an Arloedh?’

2 Samuel 8:10

Toi a dhannvonas y vab Yoram dhe Davydh, dh'y salusi ha'y venniga, drefenn ev dhe omladh erbynn Hadadezer ha'y fetha; rag Hadadezer re werrsa gans Toi. Yoram a dhros ganso lestri a arghans, ha lestri a owr, ha lestri a vrons;

1 Myghternedh 1:37

Kepar dell veu an Arloedh gans ow arloedh an myghtern, yndella re bo gans Solomon, ha gul y dron brassa ages tron ow arloedh myghtern Davydh.’

Ezra 6:10

mayth offrynnons sakrifisow plegadow dhe Dhuw an nev, ha pysi rag bewnans an myghtern, ha dh'y vebyon.

Eksodus 12:32

Kemmerewgh agas greow ha'gas oghen, dell leversowgh, ha kewgh dhe-ves; ha bennigewgh vy ynwedh!’

Luk 19:38

ow leverel, ‘Benniges yw an Myghtern a dheu yn hanow an Arloedh. Kres yn nev ha gordhyans y'n ughelder.’

Ebrowyon 11:21

Dre fydh Yakob, ow merwel, a vennigas pub huni a vebyon Yosep ‘owth omblegya yn gordhyans war benn y lorgh.’