1 Myghternedh 1:34 - An Bibel Kernewek 20234 (Kernewek Kemmyn)

³⁴ Ha gesewgh Sadok an oferyas ha Nathan an profoes dh'y untya ena avel myghtern dres Ysrael. Ena hwythewgh an hirgorn, ha leverel, “Re vewo myghtern Solomon!”

1 Myghternedh 1:34 ပူးပေါင်းရင်းမြစ်များ

2 Samuel 15:10

Mes Absalom a dhannvonas aspioryon der oll loethow Ysrael, ha leverel, ‘Kettell glewowgh son an hirgorn, ena germewgh, “Absalom a reyn yn Hebron.” ’

2 Samuel 2:4

Ena gwer Yuda a dheuth, hag eno i a untyas Davydh myghtern war ji Yuda. Pan dherivsons orth Davydh, ‘An re a ynkleudhyas Sowl o gwer Yabesh-gilead’,

2 Samuel 5:3

Ytho oll henavogyon Ysrael a dheuth dhe'n myghtern yn Hebron; ha myghtern Davydh a wrug kevambos gansa yn Hebron dherag an Arloedh, hag i a untyas Davydh myghtern war Ysrael.

1 Myghternedh 1:25

Rag ev yw gyllys yn-nans hedhyw, ha re ladhas oghen ha bualyon peskys ha deves pals, ha re elwis oll mebyon an myghtern, ha kaptenyon an lu, hag Abiathar an oferyas; hag, otta, i a dheber hag eva a-ragdho, ha leverel, “Re vewo myghtern Adoniya.”

1 Myghternedh 1:35

Hag ena ewgh yn-bann war y lergh, may teffo ev hag esedha war ow thron; rag ev a vydh myghtern y'm le: ha my re'n ordenas avel rewler dres Ysrael ha dres Yuda.’

1 Myghternedh 1:39

Sadok an oferyas a gemmeras korn an oyl yn-mes a'n tylda hag a untyas Solomon. Ena i a hwythas an hirgorn; hag oll an bobel a leveris, ‘Re vewo myghtern Solomon!’

1 Myghternedh 19:16

hag ynwedh untya Yehu mab Nimshi avel myghtern war Ysrael, hag untya Elisha mab Shafat a Abel-mehola avel profoes yn dha le.

2 Myghternedh 11:12

Ena Yehoyada a dhros mab an myghtern yn-rag, ha gorra an gurun warnodho, ha ri dhodho an dustuni. I a'n gwrug myghtern, ha'y untya; hag i a dakyas diwla, ha leverel, ‘Re vewo an myghtern!’

2 Myghternedh 11:14

Hi a viras, hag otta an myghtern ow sevel ryb an goloven, herwydh usadow. An bennsevigyon ha'n hirgernysi esa ryb an myghtern, hag yth esa oll pobel an pow ow lowenhe, ha seni hirgern. Athalia a skwardyas hy dillas ha kria, ‘Trayturi! Trayturi!’

2 Myghternedh 9:13

Ena i a fistenas ha pubonan a synsis y dhillasenn ha'y lesa yn-danno war an grisyow lomm, ha seni hirgern, ow leverel, ‘Yehu yw myghtern’.

2 Myghternedh 9:3

Ena, kemmer an kostrel a oyl ha'y diveri war y benn, ha leverel, “Yndellma y lever an ARLOEDH: My re'th untyas myghtern war Ysrael.” Ena igor an daras ha fia, na worta.’

2 Myghternedh 9:6

Hag ev a sevis ha mos y'n chi; hag ev a dhiveris an oyl war y benn ha leverel dhodho, ‘Yndellma y lever an Arloedh, Duw Ysrael, “My re'th untyas myghtern war bobel an Arloedh, war Ysrael.”

2 Kroniklys 23:11

Ena i a ledyas mab an myghtern yn-mes, hag a worras an gurun warnodho, hag i a ros dhodho an dustuni, ha'y wul myghtern. Yehoyada ha'y vebyon a'n untyas hag i a armas, ‘Re vewo an myghtern!’

Salmow 45:7

Ty a garas ewnder ha kasa sherewneth. Rakhenna Duw, dha Dhuw jy, re'th untyas gans oyl lowender a-ugh dha gowetha.

Salmow 89:20

My re gavas Davydh ow gwas; gans ow oyl sans my re'n untyas.

Salmow 89:36

Y has a dhur bys vykken, ha'y se a vydh avel an howl a-dheragov.

Ysay 45:1

Yndellma y lever an Arloedh dh'y untys, dhe Kyrus, neb a synsis vy er y leuv dhyghow, rag fetha kenedhlow a-ragdho, ha dhe dhigelmi diwglun myghternedh, dhe igeri darasow a-ragdho, ha ny vydh yetys deges:

Oberow 10:38

fatell untyas Duw Yesu a Nazareth gans an Spyrys Sans ha nerth; neb eth a-dhedro ow kul dader hag ow yaghhe peub o arweskys gans an jowl, drefenn bos Duw ganso.

1 Samuel 10:1

Ena Samuel a gemmeras kostrel a olew, ha'y dhiveri war y benn, hag amma dhodho, ha leverel, ‘A ny wrug an Arloedh dha untya dhe vos rewler war y ertach?

1 Samuel 10:24

Yn-medh Samuel dhe oll an bobel, ‘A'n gwelowgh, neb a wrug an Arloedh y dhewis? Rag nyns eus y bar yn mysk oll an bobel.’ Ha'n bobel oll a grias, ‘Re vewo an myghtern!’

1 Samuel 16:3

Ha galw Yesse dhe'n sakrifis, ha my a dhiskwa dhis an pyth dhe wul; ha ty a wra untya ragov ev neb a dhiskwedhav dhis.’