1 Myghternedh 1:33 - An Bibel Kernewek 20234 (Kernewek Kemmyn)

³³ An myghtern a leveris dhedha, ‘Kemmerewgh genowgh gwesyon agas arloedh, ha settyewgh Solomon ow mab dhe varghogeth war ow mul, ha'y dhri yn-nans dhe Gihon.

1 Myghternedh 1:33 ပူးပေါင်းရင်းမြစ်များ

Jenesis 41:43

Hag ev a wrug dhodho mos y'n nessa charett esa dhodho, hag i a armas a-dheragdho, ‘Plegyewgh an glin’; hag ev a'n gorras war oll pow Ejyp.

2 Samuel 13:29

Ha gwesyon Absalom a wrug dhe Amnon kepar dell arghsa Absalom dhedha. Ena oll mebyon an myghtern a sevis yn-bann, ha pub gour eth war geyn y asen ha fia.

1 Myghternedh 1:38

Ytho Sadok an oferyas, ha Nathan an profoes, ha Benaya mab Yehoyada, ha'n Kerethysi, ha'n Pelethysi, eth yn-nans, hag a settyas Solomon dhe varghogeth war vul myghtern Davydh, hag i a'n dros dhe Gihon.

1 Myghternedh 1:5

Adoniya mab Haggith a omdhrehevis, ow leverel, ‘My a vydh myghtern’: hag ev a bareusis ragdho charettow ha marghogyon, ha deg korfwithyas ha dew-ugens rag poenya a-ragdho.

1 Myghternedh 2:35

An myghtern a worras Benaya mab Yehoyada yn y le dres an lu, ha'n myghtern a worras Sadok an oferyas yn le Abiathar.

1 Kroniklys 29:22

I a dhybris hag eva a-rag an Arloedh y'n jydh na gans lowena vras. Ena i a wrug Solomon mab Davydh myghtern rag an nessa treveth hag i a'n untyas avel rewler rag an Arloedh ha Sadok avel oferyas.

2 Kroniklys 32:30

An keth Hezekia ma a dhegeas an ughella fenten a dhowrow Gihon ha'ga threylya yn-nans dhe du an howlsedhes dhe sita Davydh. Hezekia a sewenis yn oll y weythresow.

2 Kroniklys 33:14

Wosa henna ev a dhrehevis fos tu a-ves rag sita Davydh, a'n howlsedhes dhe nans Gihon, owth hedhes dhe'n entrans Yet an Puskes; ev a's gorras a-dro dhe Ofel, hag a's drehevis dhe ughelder bras. Ev a worras ynwedh kaslewydhyon an lu yn oll an sitys kerys yn Yuda.

Levitikus 19:19

Hwi a syns ow ordenansow. Ny wre'ta gasa dha vestes dhe gopla gans bestes a gen eghenn. Ny wre'ta hasa dha wel gans has a dhiw eghenn; ha ny dheu warnas dillas a bann gwiys a dhiw eghenn a neus.