1 Myghternedh 1:30 - An Bibel Kernewek 20234 (Kernewek Kemmyn)

³⁰ kepar dell des re'n Arloedh, Duw Ysrael, ow leverel, “Solomon dha vab a reyn war ow lergh, hag ev a esedh war ow thron y'm le”, yndella my a wra an jydh ma.’

1 Myghternedh 1:30 ပူးပေါင်းရင်းမြစ်များ

1 Myghternedh 1:13

Ke ha mos a-ji dhe'n myghtern Davydh ha lavar dhodho, “Ow arloedh an myghtern, a ny desys dhe'th vaghteth ow leverel: Solomon dha vab a reyn war ow lergh, hag ev a wra esedha war ow thron? Prag y reyn Adoniya ytho?”

1 Myghternedh 1:17

Ha hi a leveris dhodho, ‘Ow arloedh, ty a dos dhe'th vaghteth re'n Arloedh dha Dhuw, ow leverel: Dha vab Solomon a reyn war ow lergh, hag ev a wra esedha war ow thron.

1 Myghternedh 2:12

Ena Solomon a esedhas war dron Davydh y das; ha'y vyghterneth o fastys yn fyrv.

1 Kroniklys 28:5

A oll ow mebyon (rag Arloedh re ros dhymm lies mab) ev re dhewisas Solomon ow mab dhe esedha war dron myghterneth an Arloedh war Ysrael.

1 Kroniklys 29:23

Y'n eur na Solomon a esedhas war dron an Arloedh avel myghtern yn le Davydh y das; hag ev a sewenis, hag oll Ysrael a'n obayas.

1 Kroniklys 29:28

Ev a verwis yn kothni dha, leun a dhydhyow, a rychys, hag a enor; ha Solomon, y vab a reynyas yn y le.

Ekklesiastes 8:4

Le mayth usi ger myghtern, y'n keth le yma galloes, ha piw a lever dhodho, ‘Pandr'a wredh?’