1 Myghternedh 1:29 - An Bibel Kernewek 20234 (Kernewek Kemmyn)

²⁹ Ha'n myghtern a dos, ha leverel, ‘Dell vew an Arloedh, neb re dhasprenas ow enev a bub ahwer,

1 Myghternedh 1:29 ပူးပေါင်းရင်းမြစ်များ

Jenesis 48:16

an el neb a'm delivras dhiworth pub droktra, re vennikko an vebyon; ha re bo gelwys warnedha ow hanow vy ha hanow ow thasow Abraham hag Ysak; ha re gressyons dhe vos bras aga niver yn kres an norvys.’

2 Samuel 12:5

Ena sorr Davydh a dhewis yn toemm erbynn an gour. Ev a leveris dhe Nathan, ‘Dell vew an Arloedh, an gour neb re wrug hemma a dhervynn an mernans;

2 Samuel 4:9

Davydh a worthybis dhe Rekab ha'y vroder Baana, mebyon Rimmon an Beerothyas, ha leverel dhedha, ‘Par dell vew an Arloedh, neb re dhelivras ow bewnans dhiworth pub ahwer,

1 Myghternedh 1:28

Myghtern Davydh a worthybis, ‘Gelwewgh Bathsheba dhymm.’ Ha hi a dheuth yn lok a'n myghtern, hag a sevis a-rag an myghtern.

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

1 Myghternedh 18:10

Dell vew an Arloedh dha Dhuw, nyns eus kenedhel na gwlaskor ma na dhannvonas ow arloedh dhe'th hwilas; ha pan leverens, “Nyns, usi ev omma,” ev a wrug dhe'n genedhel po a'n wlaskor na gul ti, na'th kavsens.

1 Myghternedh 2:24

Lemmyn ytho, dell vew an Arloedh, neb a'm fastyas ha'm settya war dron ow thas, ha neb a wrug chi ragov dell ambosas, Adoniya a vydh gorrys dhe'n mernans hedhyw.’

2 Myghternedh 4:30

Mes mamm an flogh a leveris, ‘Dell vew an Arloedh, ha dell vew dha enev, ny wrav dha asa.’ Ytho ev a sevis ha'y siwya.

2 Myghternedh 5:16

Mes ev a leveris, ‘Dell vew an Arloedh, a savav a-ragdho, ny dhegemmerav travyth.’ Ev a ynnias warnodho y gemmeres, mes ev a's naghas.

2 Myghternedh 5:20

Gehazi, gwas Elisha, gour Duw, a leveris dh'y honan, ‘Ow mester re sparyas Naaman an Aramyas ma, drefenn na dhegemmeras dhiworth y dhiwla an pyth a brofyas ev. Dell vew an Arloedh, my a wra poenya war y lergh ha kemmeres neppyth a-dhiworto.’

Salmow 136:24

ha'gan delivra dhiworth agan eskerens, rag y dregeredh a dhur bys vykken;

Salmow 138:7

Kyn kerdhav yn kres anken, ty a with ow bewnans; ty a ystynn dha leuv erbynn sorr ow eskerens, ha'th leuv dhyghow a'm saw.

Salmow 72:14

Ev a bren aga enev dhiworth arwask ha garowder, ha drudh vydh aga goes yn y wolok ev.

Breusysi 8:19

Hag ev a worthybis, ‘Ow breder yth ens, mebyon ow mamm; dell vew an Arloedh, mara's gwitthewgh yn few, ny'gas ladhsen.’

1 Samuel 14:39

Rag dell vew an Arloedh neb a selow Ysrael, kyn fo yn Yonathan ow mab, ev a verow!’ Mes nyns esa denvyth yn mysk oll an bobel a'n gorthybis.

1 Samuel 14:45

Ena an bobel a leveris dhe Sowl, ‘A verow Yonathan, neb re wrug an delivrans meur ma yn Ysrael? Bynner re bo! Dell vew an Arloedh, ny wra blewenn vyth a'y benn koedha dhe'n leur; rag ev re oberis gans Duw hedhyw.’ Yndella an bobel a sawyas Yonathan, ha ny verwis.

1 Samuel 19:6

Ha Sowl a woslowas orth lev Yonathan; ha Sowl a dos, ‘Dell vew an Arloedh, ny vydh ev gorrys dhe'n mernans.’

1 Samuel 20:21

Ena my a dhannvon an maw, ow leverel, “Ke, hwila an sethow.” Mar lavarav dhe'n maw, “Ottomma an sethow war an tenewen ma ahanas, kuntell i”, ena deus, rag dell vew an Arloedh, y fydh saw ragos ha nyns eus danjer vyth.