1 Myghternedh 1:25 - An Bibel Kernewek 20234 (Kernewek Kemmyn)

²⁵ Rag ev yw gyllys yn-nans hedhyw, ha re ladhas oghen ha bualyon peskys ha deves pals, ha re elwis oll mebyon an myghtern, ha kaptenyon an lu, hag Abiathar an oferyas; hag, otta, i a dheber hag eva a-ragdho, ha leverel, “Re vewo myghtern Adoniya.”

1 Myghternedh 1:25 ပူးပေါင်းရင်းမြစ်များ

2 Samuel 16:16

Ena pan dheuth Hushay an Arkyas, koweth Davydh, dhe Absalom, Hushay a leveris dhodho. ‘Re vewo an myghtern, re vewo an myghtern!’

1 Myghternedh 1:19

Hag ev re ladhas oghen ha bualyon peskys ha deves pals, ha re elwis oll mebyon an myghtern, hag Abiathar an oferyas, ha Yoab kapten an lu: mes ny elwis Solomon dha was.

1 Myghternedh 1:24

Nathan a leveris, ‘Ow arloedh an myghtern, a wruss'ta leverel, “Adoniya a reyn war ow lergh, hag ev a wra esedha war ow thron”?

1 Myghternedh 1:34

Ha gesewgh Sadok an oferyas ha Nathan an profoes dh'y untya ena avel myghtern dres Ysrael. Ena hwythewgh an hirgorn, ha leverel, “Re vewo myghtern Solomon!”

1 Myghternedh 1:39

Sadok an oferyas a gemmeras korn an oyl yn-mes a'n tylda hag a untyas Solomon. Ena i a hwythas an hirgorn; hag oll an bobel a leveris, ‘Re vewo myghtern Solomon!’

1 Myghternedh 1:9

Adoniya a sakrifias deves hag oghen ha bualyon peskys ryb men Zoheleth, usi ryb En-rogel, hag ev a elwis oll y vreder, mebyon an myghtern, hag oll soedhogyon ryel Yuda.

1 Myghternedh 2:15

Yn-medh ev, ‘Ty a woer y feu an wlaskor dhymm, hag oll Ysrael a settyas aga fas warnav dhe reynya. Mes an wlaskor re beu treylys a-dro, ha res eth dhe'm broder, rag y feu dhodho dhiworth an Arloedh.

2 Myghternedh 11:12

Ena Yehoyada a dhros mab an myghtern yn-rag, ha gorra an gurun warnodho, ha ri dhodho an dustuni. I a'n gwrug myghtern, ha'y untya; hag i a dakyas diwla, ha leverel, ‘Re vewo an myghtern!’

2 Myghternedh 11:14

Hi a viras, hag otta an myghtern ow sevel ryb an goloven, herwydh usadow. An bennsevigyon ha'n hirgernysi esa ryb an myghtern, hag yth esa oll pobel an pow ow lowenhe, ha seni hirgern. Athalia a skwardyas hy dillas ha kria, ‘Trayturi! Trayturi!’

2 Myghternedh 9:13

Ena i a fistenas ha pubonan a synsis y dhillasenn ha'y lesa yn-danno war an grisyow lomm, ha seni hirgern, ow leverel, ‘Yehu yw myghtern’.

1 Kroniklys 29:13

Ha lemmyn, agan Duw, ni a woer gras dhis ha ni a wormel dha hanow gloryus.

1 Kroniklys 29:21

Ternos i a sakrifias sakrifisow dhe'n Arloedh hag offrynna offrynnow leskys dhe'n Arloedh, mil lodhen, mil hordh, ha mil oen, gans aga offrynnow diwes ha sakrifisow yn kals rag oll Ysrael.

2 Kroniklys 23:11

Ena i a ledyas mab an myghtern yn-mes, hag a worras an gurun warnodho, hag i a ros dhodho an dustuni, ha'y wul myghtern. Yehoyada ha'y vebyon a'n untyas hag i a armas, ‘Re vewo an myghtern!’

Matthew 21:9

Ha'n routhow esa ow mos a-ragdho, ha'n re a'n siwya a armas ow leverel, ‘Hosanna dhe Vab Davydh, Benniges yw neb a dheu yn hanow an Arloedh, Hosanna y'n ughelder!’

Matthew 22:4

Arta ev a dhannvonas kethwesyon erell, ow leverel, “Derivewgh dhe'n dus a veu gelwys, Awotta, my re bareusis ow hevewi, ledhys yw ow oghen ha'm lodhnow peskys; pup-tra oll yw parys; dewgh dhe'n demmedhyans.”

Luk 19:38

ow leverel, ‘Benniges yw an Myghtern a dheu yn hanow an Arloedh. Kres yn nev ha gordhyans y'n ughelder.’

1 Samuel 10:24

Yn-medh Samuel dhe oll an bobel, ‘A'n gwelowgh, neb a wrug an Arloedh y dhewis? Rag nyns eus y bar yn mysk oll an bobel.’ Ha'n bobel oll a grias, ‘Re vewo an myghtern!’