1 Myghternedh 1:13 - An Bibel Kernewek 20234 (Kernewek Kemmyn)

¹³ Ke ha mos a-ji dhe'n myghtern Davydh ha lavar dhodho, “Ow arloedh an myghtern, a ny desys dhe'th vaghteth ow leverel: Solomon dha vab a reyn war ow lergh, hag ev a wra esedha war ow thron? Prag y reyn Adoniya ytho?”

1 Myghternedh 1:13 ပူးပေါင်းရင်းမြစ်များ

1 Myghternedh 1:11

Ena Nathan a leveris dhe Bathsheba mamm Solomon, ‘A ny glewsys Adoniya mab Haggith dhe reynya, ha ny woer henna Davydh agan arloedh?

1 Myghternedh 1:14

Ena my a dheu a-ji ynwedh war dha lergh, ha ty hwath ow kewsel gans an myghtern, hag afydhya dha eryow.’

1 Myghternedh 1:17

Ha hi a leveris dhodho, ‘Ow arloedh, ty a dos dhe'th vaghteth re'n Arloedh dha Dhuw, ow leverel: Dha vab Solomon a reyn war ow lergh, hag ev a wra esedha war ow thron.

1 Myghternedh 1:24

Nathan a leveris, ‘Ow arloedh an myghtern, a wruss'ta leverel, “Adoniya a reyn war ow lergh, hag ev a wra esedha war ow thron”?

1 Myghternedh 1:30

kepar dell des re'n Arloedh, Duw Ysrael, ow leverel, “Solomon dha vab a reyn war ow lergh, hag ev a esedh war ow thron y'm le”, yndella my a wra an jydh ma.’

1 Myghternedh 1:35

Hag ena ewgh yn-bann war y lergh, may teffo ev hag esedha war ow thron; rag ev a vydh myghtern y'm le: ha my re'n ordenas avel rewler dres Ysrael ha dres Yuda.’

1 Myghternedh 1:48

Hag ynwedh an myghtern a leveris, “Benniges yw an Arloedh, Duw Ysrael, neb re ros nebonan dhe esedha war ow thron hedhyw, ha'm dewlagas ynwedh dh'y weles.” ’

1 Myghternedh 2:12

Ena Solomon a esedhas war dron Davydh y das; ha'y vyghterneth o fastys yn fyrv.

1 Kroniklys 28:5

A oll ow mebyon (rag Arloedh re ros dhymm lies mab) ev re dhewisas Solomon ow mab dhe esedha war dron myghterneth an Arloedh war Ysrael.

1 Kroniklys 29:23

Y'n eur na Solomon a esedhas war dron an Arloedh avel myghtern yn le Davydh y das; hag ev a sewenis, hag oll Ysrael a'n obayas.

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Yeremia 33:21

ena ow hevambos gans ow gwas Davydh a vydh terrys, ma na'n jevydh mab dhe reynya war y dron, hag ow hevambos gans an Levysi, an oferysi ow menystoryon.

Dewteronomi 17:18

Pan vydh esedhys war dron y ruvaneth, ev a skrif ragdho y honan dasskrif a'n lagha ma war lyver, dhiworth an lyver usi dhe'n oferysi leviek.