1 Kroniklys 9:1 - An Bibel Kernewek 20234 (Kernewek Kemmyn)

¹ Ytho oll Ysrael a veu kovskrifys herwydh aga aghskrifow yn lyver myghternedh Ysrael. Yuda a veu degys yn divroedh yn Babylon drefenn aga dislelder.

1 Kroniklys 9:1 ပူးပေါင်းရင်းမြစ်များ

1 Myghternedh 14:19

Gwriansow erell Yeroboam, fatell werryas ha fatell reynyas, yw skrifys yn lyver kovadhow myghternedh Ysrael.

2 Myghternedh 24:14

Ev a dhug oll Yerusalem yn divroedh, oll an spadhesigyon, oll an vreselyoryon, deg mil dhivres, oll an greftoryon ha'n wovyon: denvyth ny veu gesys, marnas boghosekka pobel an tir.

2 Myghternedh 24:15

Ev a dhug Yehoyakin dhe-ves yn divroedh dhe Babylon; hag ev a gemmeras yn divroedh ynwedh dhiworth Yerusalem dhe Babylon mamm an myghtern, gwragedh an myghtern, y spadhesigyon, ha gwelhevin an tir.

2 Myghternedh 24:16

Myghtern Babylon a dhros yn divroedh dhe Babylon oll an soudoryon, seyth mil, an oberoryon ha'n wovyon, unn mil, i oll krev ha gwiw rag bresel.

1 Kroniklys 8:40

Mebyon Ulam o kasoryon alloesek, sethoryon, hag i a's tevo lies mab ha lies mab-wynn, kans ha hanter-kans. Oll an re ma o Benyaminysi.

2 Kroniklys 33:11

Yndella an Arloedh a dhros er aga fynn kaslewydhyon lu myghtern Assyria, hag i a synsis Manasse avel prisner, ha gorra higenn yn y droen ha'y gelmi gans sprallow a vrons ha'y dhri dhe Babylon.

Ezra 2:1

Ytho an re ma o mebyon an rannvro esa ow tos yn-bann mes a'n gethneth, a-dhiworth an dus re bia kemmerys yn-mes, a wrussa Nebukadnessar myghtern Babylon aga divroa dhe Babylon; hag i a dheuth arta dhe Yerusalem ha dhe Yuda, pub huni dh'y dre y honan.

Ezra 2:59

An re ma eth yn-bann a-dhiworth Tel-melagh, Tel-harsha, Kerub, Addan hag Immer: mes ny allsons diskwedhes chi aga thas, na'ga has, mar pens a Ysrael:

Nehemia 11:1

Yth esa trigys hembrenkysi an bobel yn Yerusalem ha remenant an bobel a dewlis prenn dhe dhewis unn deylu mes a bub deg dhe driga yn Yerusalem, an sita sans, ha'n naw arall yn trevow erell.

Nehemia 7:5

Ow Duw a worras y'm kolonn dhe guntell war-barth an ugheloryon ha'n soedhogyon ha'n bobel, may fens reknys herwydh aghskrif. Ha my a gavas kovlyver aghskrif a'n re neb a dheuth yn-bann kynsa, ha my a gavas skrifys ynno:

Nehemia 7:64

An re ma a hwilas aga hovskrifenn yn mysk an re a omrolyas y'n aghskrifow, mes ny veu kevys, ytho i a veu eskes a'n oferyaseth avel avlan.

Ysay 3:2

an kasor ha'n gour a vresel, an breusyas ha'n profoes, ha'n koelyek ha'n henavek,

Yeremia 13:19

Sitys an Negeb a vydh deges, heb denvyth dh'aga igeri: Yuda a vydh degys dhe-ves yn divroedh, degys vydh yn tien yn divroedh.

Yeremia 39:9

Ena Nebuzaradan kapten an withysi a dhug yn divroedh dhe Babylon remenant an bobel o gesys y'n sita, ha'n re a gilfias dhodho, ha remenant an bobel re beu gesys.

Daniel 1:2

Ha'n Arloedh a worras yn y dhorn Yehoyakim myghtern Yuda, ha re a'n lestri dhiworth chi Duw; hag ev a's kyrghas dhe bow Shinar, dhe ji y dhuw, hag a worras an lestri yn tresorva y dhuw.