1 Kroniklys 6:31 - An Bibel Kernewek 20234 (Kernewek Kemmyn)

³¹ An re ma yw an dus settys gans myghtern Davydh yn charj a'n menestrouthi yn chi an Arloedh, wosa an argh dhe bowes ena.

1 Kroniklys 6:31 ပူးပေါင်းရင်းမြစ်များ

2 Samuel 6:17

I a dhros argh an Arloedh a-ji, ha'y settya yn hy le, yn kres an tylda re dhrehavsa Davydh rygdhi; ha Davydh a offrynnas offrynnow leskys hag offrynnow kres dherag an Arloedh.

1 Myghternedh 8:4

I a dhros yn-bann argh an Arloedh, tylda an kuntelles, hag oll an lestri sans esa y'n tylda; an oferysi ha'n Levysi a's dros yn-bann.

1 Kroniklys 15:1

Ev a dhrehevis chiow ragdho y honan yn sita Davydh, hag ev a dharbaris tyller dhe argh Duw ha lesa tylda rygdhi.

1 Kroniklys 15:25

Ena Davydh ha henavogyon Ysrael, ha kaptenyon an milyow, eth dhe dhri yn-bann argh kevambos an Arloedh dhiworth chi Obed-edom gans lowena.

1 Kroniklys 15:27

Davydh a veu gwiskys yn goen a sendal, dell o ynwedh oll an Levysi neb a dhug an argh, ha'n ganoryon, ha'n pennkenyas Kenania a'n jevo charj a'n ganoryon. Davydh ynwedh a wiskas efod lien.

1 Kroniklys 6:30

Shimea y vab, Haggia y vab, hag Asaya y vab.

1 Kroniklys 6:32

I a venystras gans kan a-dherag tabernakel tylda an kuntelles, erna dhrehavsa Solomon chi Arloedh yn Yerusalem; hag i a wrug aga servis y'n vaner ragsettys.

1 Kroniklys 9:33

Yth esa an ganoryon, pennow teyluyow an Levysi, trigys yn chambouryow diberthys ragdha, rag res o i dhe vos parys dhe servya dydh ha nos.

Ezra 3:10

Ha pan fondyas an weythoryon sel tempel an Arloedh, an oferysi yn aga dillas a dheuth yn-rag gans hirgern, ha'n Levysi mebyon Asaf gans symbalys, rag gormel an Arloedh, ow siwya kevarwoedhyans Davydh myghtern Ysrael.

Salmow 132:14

‘Hemma a vydh ow fowesva bynitha; omma y trigav, rag my re yeunis war hy lergh.

Salmow 132:8

Sav, A Arloedh, a-berth y'th powesva, ty hag argh dha nerth.

Ezekiel 40:44

Tu a-ves dhe'n yet a-bervedh yth esa helyow rag an genysi y'n klos a-bervedh, onan ryb tenewen yet an gogledh, a vir troha'n soth, an arall ryb tenewen yet an est, a vir troha'n gogledh.