1 Kroniklys 4:10 - An Bibel Kernewek 20234 (Kernewek Kemmyn)

¹⁰ Yabes a elwis war Dhuw Ysrael, ow leverel, ‘Unnweyth a kwrelles ow benniga ha moghhe ow oryon, hag a pe dha leuv genev ha'm gwitha dhiworth drog, may fen heb payn.’ Ha Duw a wrontyas an pyth a wovynnas.

1 Kroniklys 4:10 ပူးပေါင်းရင်းမြစ်များ

Jenesis 12:2

Ha my a vynn dha wul kenedhel vras, ha my a'th vennik ha gul dha hanow meur y vri, ha ty a vydh bennath:

Jenesis 12:8

Ena ev eth alena bys yn menydh a'n est dhe Bethel ha settya y dylda yn-bann yntra Bethel y'n howlsedhes hag Ay y'n est, ha drehevel ena alter dhe'n Arloedh ha gelwel war hanow an Arloedh.

Jenesis 28:20

Ha Yakob a ambosas ambos, ow leverel, ‘Mar pydh Duw genev ha'm gwitha y'n fordh ma mayth esov ow mos, ha ri dhymm bara dhe dhybri ha dillas dhe wiska,

Jenesis 28:21

may tehwelav yn kres dhe ji ow thas, ena an Arloedh a vydh ow Duw;

Jenesis 32:26

Hag yn-medh ev, ‘Dannvon vy yn-kerdh, rag an jydh re dardhas.’ Hag yn-medh ev, ‘Ny vynnav dha dhannvon yn-kerdh marnas ty a wra ow benniga.’

Jenesis 32:27

Hag yn-medh ev, ‘Pyth yw dha hanow?’ hag yn-medh ev, ‘Yakob.’

Jenesis 32:28

Hag yn-medh ev, ‘Ny vydh dha hanow gelwys Yakob namoy mes Ysrael, rag ty re strivyas gans Duw ha gans mab-den ha fetha.’

Jenesis 33:20

Hag ev a dhrehevis ena alter, ha'y elwel El-elohe-ysrael.

Jenesis 48:16

an el neb a'm delivras dhiworth pub droktra, re vennikko an vebyon; ha re bo gelwys warnedha ow hanow vy ha hanow ow thasow Abraham hag Ysak; ha re gressyons dhe vos bras aga niver yn kres an norvys.’

1 Kroniklys 16:8

Grassewgh dhe'n Arloedh, gelwewgh war y hanow, derivewgh y wriansow yn mysk an poblow.

1 Kroniklys 4:11

Kelub, broder Shuha, a dhineythis Mehir neb o tas Eshton.

1 Kroniklys 4:9

Yabes o moy enoradow es dell o y vreder; ha'y vamm a'n henwis Yabes, ow leverel, ‘Drefenn my dh'y dhineythi yn payn.’

Job 12:4

Skornys ov gans ow howetha; kyn helwis war Dhuw hag ev a worthybis, den skornys ov, ewn ha divlam.

Salmow 119:173

Bedhes dha leuv orth ow gweres, rag dha arghadowyow a dhewisis.

Salmow 121:7

An Arloedh a'th with rag pub dregynn; ev yw neb a with dha enev.

Salmow 145:19

Ev a gollenow bodh an re a berth own anodho, hag ev a glew aga kri, hag ev a's selow.

Salmow 21:4

Ev a wovynnas bewnans orthis, ha ty a'n ros dhodho, dydhyow hir bys vykken ha bynnari.

Salmow 51:12

Daskorr dhymm lowena dha selwyans ha menten vy gans dha Spyrys hel.

Salmow 51:8

Gwra dhymm klewes lowena ha heudhder, may lowenhaho an eskern a vrewsys.

Salmow 55:16

Mes my a elow war Dhuw, ha'n Arloedh a'm selow.

Salmow 65:2

Ty neb a woslow orth pysadow, dhiso jy y teu pub kig.

Salmow 72:17

Re dhurryo y hanow bys vykken; re bo y hanow fastys hedre vo an howl. Ena tus a omvennik dredho; an kenedhlow oll a'n gelow gwynnvys.

Salmow 99:6

Moyses hag Aron yn mysk y oferysi, ha Samuel yn mysk an re a elow war y hanow. I a elwis war an Arloedh hag ev a worthybis dhedha.

Lavarow Koth 10:22

Bennath an Arloedh a wra den rych, ha ny geworr tristans gans henna.

Lavarow Koth 30:8

Gorr pell dhiworthiv falsuri ha gow, na ro dhymmo vy naneyl boghosogneth na rychys; mag vy gans an boes anodho ma'm beus edhomm,

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 41:17

Pan hwila an voghosogyon ha'n edhommogyon dowr, ha nyns eus banna, ha krin yw aga thaves gans syghes, my an Arloedh a worthyp dhedha, my, Duw Ysrael, ny's gasav.

Yeremia 33:3

Galow dhymm ha my a worthyp dhis, ha derivas dhis traow meur hag andrehedhadow na aswonnsys.

Matthew 26:75

Ha Peder a borthas kov a eryow Yesu, kewsys dhodho, ‘Kyns es an kulyek dhe gana ty a'm denagh teyrgweyth.’ Hag ev eth dhe-ves hag a oelas yn hwerow.

Matthew 6:13

Ha na wra agan dri yn temptasyon, mes delirv ni dhiworth drog.

Luk 19:42

ow leverel, ‘Mar kodhves, ty ynwedh, y'n jydh ma an taklow a led dhe gres! – mes lemmyn kudhys yns a'th tewlagas.

Yowann 10:28

Ha my a re dhedha bewnans heb diwedh, ha ny wrons i mos dhe goll bynitha, ha denvyth ny wra aga hemmeres yn-mes a'm dorn.

Yowann 21:17

Y'n tressa treveth yn-medh ev dhodho, ‘Simon mab Yowann, es'ta jy orth ow hara vy?’ Peder a gemmeras duwon, rag ev dhe leverel dhodho y'n tressa treveth, ‘Es'ta jy orth ow hara vy?’ Yn-medh ev dhodho, ‘Arloedh, ty a woer pup-tra, ty a woer my dhe'th kara.’ Yn-medh ev dhodho, ‘Mag ow deves.

Oberow 3:26

Ragowgh hwi yn kynsa, Duw a dhrehevis y was, ha'y dhannvon rag agas benniga orth agas treylya dhe-ves, yn kettep penn, dhiworth agas drogoberow.’

Romanyon 12:9

Gwres kerensa bos gwiryon; kesewgh an drog, glenewgh orth an da;

Romanyon 16:19

Rag agas gostytter yw aswonnys gans tus oll, bys may lowenhav warnowgh; my a vynn orthowgh bos fur dhe'n da ha gwiryon dhe'n drog.

1 Korinthianys 1:2

Dhe eglos Duw usi yn Korinth, dhe'n re sanshes yn Krist Yesu, gelwys may fens i syns, gans oll an re na, yn pub tyller, a gri war hanow agan Arloedh Yesu Krist, Arloedh keffrys dhedha i ha dhyn ni:

Efesianys 1:3

Benniges re bo Duw ha Tas agan Arloedh Yesu Krist, neb re'gan bennigas gans pub bennath spyrysel y'n tylleryow nevek yn Krist,

Efesianys 3:20

Lemmyn, dhe neb a yll gul dres pup-tra yn pals dres eghenn moy es dell bysyn na brederyn, war-lergh an galloes a ober ynnon ni,

Efesianys 4:30

Ha na wrewgh grevya Spyrys Sans Duw, yn neb hwi a veu selys rag dydh daspren.

2 Timothi 4:18

An Arloedh a wra ow delivra dhiworth pub drogober hag ow sawya rag y wlaskor nevek. Dhodho ev re bo gordhyans trank heb worfenn. Amen.

Diskwedhyans 3:19

Myns a garav, a geredhav ha keski. Bydh diwysyk, ytho, ha kemmer edrek.

1 Samuel 1:17

Ena Eli a worthybis ha leverel, ‘Ke yn kres; ha re wrontyo Duw Ysrael dhis dha bysadow a wovynnsys orto.’

1 Samuel 1:20

Y'n termyn gwiw, Hanna a omdhuk ha dineythi mab, ha hi a'n henwis Samuel, rag hi a leveris, ‘My re'n govynnas orth an Arloedh.’

1 Samuel 1:26

Hag yn-medh hi, ‘Ow arloedh, kepar dell vewydh, ow arloedh, yth ov vy an venyn esa sevys rybos omma, ow pysi war an Arloedh.

1 Samuel 1:27

Rag an maw ma y pysis; ha'n Arloedh re wrontyas dhymm ow fysadow a wovynnis orto.