1 Kroniklys 29:9 - An Bibel Kernewek 20234 (Kernewek Kemmyn)

⁹ An dus a lowenhas, rag an rohow dhe vos res dhe'n Arloedh a'ga bodh hag a leun golonn. Myghtern Davydh ynwedh o pur lowen.

1 Kroniklys 29:9 ပူးပေါင်းရင်းမြစ်များ

1 Myghternedh 8:61

Ytho re bo agas kolonn perfydh gans an Arloedh agan Duw, ow kerdhes yn y ordenansow hag ow kwitha y worhemmynnow, avel y'n jydh ma.’

2 Myghternedh 12:5

kemmeres an oferysi an re ma dhiworth an alhwedhor, hag ewnhe an chi plepynag may fo edhomm a ewnheans diskudhys.’

1 Kroniklys 29:10

Davydh a vennigas an Arloedh a-dherag an kuntelles oll. Ha Davydh a leveris, ‘Benniges os, A Arloedh, Duw Ysrael agan tas, bys vykken ha bynnari.

1 Kroniklys 29:17

My a woer, ow Duw, ty dhe brevi an golonn, ha dhe lowenhe yn ewnhynseth. Yn gwiryonsys ow holonn y res vy a'm bodh oll an taklow ma. Ha lemmyn my re welas dha bobel usi omma ow ri dhis a'ga bodh yn lowen.

2 Kroniklys 17:16

ha nessa dhodho Amasia mab Zikri, bolonjedhek yn servis an Arloedh, gans dew kans mil gasor galloesek.

2 Kroniklys 24:10

Oll an ledyoryon hag oll an bobel a lowenhas hag a dhros aga tholl hag a's gorras y'n kofer bys pan o leun.

2 Kroniklys 31:8

Pan dheuth Hezekia ha'n soedhogyon hag a welas an kalsow, i a vennigas an Arloedh ha'y bobel Ysrael.

Ezra 1:6

Hag oll aga hentrevogyon a's gweresas gans lestri a arghans, gans owr, gans gwara, ha gans chatel, ha gans rohow a bris, war-barth gans oll an offrynnow bolonjedhek.

Salmow 110:3

Yma genes mestrynses yn dydh dha nerth, yn splannderyow sansoleth. Dhiworth brys an bora y fydh genes gluth dha yowynkneth.

Eksodus 35:29

An wer ha'n benynes oll, mebyon Ysrael, ha'ga holonn movyes dhe dhri neppyth rag an ober re worhemmynnsa an Arloedh dre leuv Moyses dhe vos gwrys, a'n dros avel aga offrynn bolonjedhek dhe'n Arloedh.

Luk 15:6

ha wosa dos tre ev a elow y gowetha ha'y gentrevogyon war-barth ha leverel dhedha, “Bedhewgh lowen genev, rag my re gavas ow davas o kellys.”

Yowann 15:11

My re gewsis an taklow ma dhywgh may fo ow lowena ynnowgh, ha may fo agas lowena kollenwys.

2 Korinthianys 8:12

Rag mars usi an frethter ena seulabrys, kemmeradow yw herwydh pygans den, a-der herwydh an pyth nag eus ganso.

2 Korinthianys 8:3

dell dhustuniav, herwydh aga fygans ha dres aga fygans, a'ga bodh aga honan

Filippianys 4:1

Ytho, ow breder garadow, ha my hirethek war agas lergh, ow lowena ha'm kurun, sevewgh fast yndella y'n Arloedh, a garadowyon.

Filippianys 4:10

Mes my a lowenhas yn feur y'n Arloedh, rag hwi dhe wul dh'agas preder a-dro dhymm dasvleujyowa – hwi a wre prederi yn hwir, mes nyns esa spas dhywgh.

Breusysi 5:9

Ow holonn a dhe gaslewydhyon Ysrael hag a ombrofyas a'ga bodh yn mysk an bobel. Bennigewgh an Arloedh.