1 Kroniklys 29:30 - An Bibel Kernewek 20234 (Kernewek Kemmyn)

³⁰ gans oll y reyn ha'y alloes ha'n termynyow a dremenas warnodho ha war Ysrael ha war oll gwlaskordhow an bys.

1 Kroniklys 29:30 ပူးပေါင်းရင်းမြစ်များ

2 Myghternedh 10:34

Gweythresow erell Yehu, ha pup-tra a wrug, hag oll y nerth, a nyns yns i skrifys yn lyver kovadhow myghternedh Ysrael?

2 Myghternedh 14:28

Gweythresow erell Yeroboam, ha pup-tra a wrug, ha'y nerth in breselyow, ha fatell dhaskavas Damaskus ha Hamath rag Ysrael, a nyns yns i skrifys yn lyver kovadhow myghternedh Ysrael?

1 Kroniklys 29:29

Lemmyn gweythresow Davydh an myghtern, a dhalleth y reyn bys y'n diwedh, skrifys yns yn kovadhow Samuel an gwelesydh, hag yn kovadhow Nathan an profoes, hag yn kovadhow Gad an gwelesydh,

2 Kroniklys 1:1

Solomon mab Davydh a grevhas y dhalghenn yn y wlaskor; y feu an Arloedh y Dhuw ganso hag ev a'n gwrug meur dres eghenn.

Daniel 2:21

Ev a dreyl an prysyow ha'n sesonyow; ev a remov myghternedh ha sevel myghternedh; ev a ro furneth dhe'n re fur, ha godhvos dhe'n re a woer konvedhes.

Daniel 4:23

Ha'n pyth re welas an myghtern, goelyador, sans hogen, ow tiyskynna a nev ha leverel, “Hakk an wydhenn dhe'n leur, ha'y distrui; mes gas kyf hy gwreydhyow y'n dor, kelmys gans kyngel a horn ha brons, yn gwels yr an gwel: gans gluth an nev re bo ev glybys, ha re bo y rann gans bestes gwyls erna dremenno warnodho seyth seson” –

Daniel 4:25

may fi fesys pell dhiworth tus, ha'th annedh a vydh gans bestes gwyls, gwrys dhe dhybri gwels avel oghen, ha glybys gans gluth an nevow. Warnas y tremen seyth seson, bys pan gonvedhydh bos an Ughella rewler yn gwlaskor mab-den, hag y's re dhe neb a vynno.