1 Kroniklys 29:20 - An Bibel Kernewek 20234 (Kernewek Kemmyn)

²⁰ Ena Davydh a leveris dhe oll an kuntelles, ‘Bennigewgh an Arloedh agas Duw.’ Hag oll an kuntelles a wormolas an Arloedh, Duw aga thasow, hag omblegya, ow plegya dhe'n dor a-rag Arloedh ha'n myghtern.

1 Kroniklys 29:20 ပူးပေါင်းရင်းမြစ်များ

Jenesis 24:26

Ha'n gour a omblegyas ha gordhya an Arloedh,

Jenesis 24:48

Ena my a omblegyas ha gordhya an Arloedh ha benniga an Arloedh, Duw ow arloedh Abraham, neb a'm hembronkas war an fordh wir dhe gemmeres myrgh broder ow arloedh rag y vab.

1 Myghternedh 8:15

Ev a leveris, ‘Benniges re bo an Arloedh, Duw Ysrael, neb gans y leuv re gollenwis an pyth a ambosas a'y anow dhe'm tas Davydh, ow leverel,

1 Kroniklys 16:36

Benniges re bo an Arloedh, Duw Ysrael, trank heb worfenn.’ Hag oll an bobel a leveris, ‘Amen’ ha gormel an Arloedh.

2 Kroniklys 20:21

Wosa omgusulya gans an bobel, ev a apoyntyas kanoryon dhe gana dhe'n Arloedh ha'y wormel rag splannder y sansoleth, hag i ow mos yn-mes a-rag an lu, ow kana, ‘Rewgh grasow dhe'n Arloedh, rag y dregeredh a dhur bys vykken.’

Nehemia 8:6

Hag Ezra a vennigas an Arloedh, an Duw meur. Hag oll an bobel a worthybis, ‘Amen, Amen’, ow trehevel aga diwleuv: hag i a blegyas aga fenn, ha gordhya an Arloedh gans aga fas dhe'n dor.

Nehemia 9:5

Yn eur na an Levysi, Yeshua ha Kadmiel, Bani, Hashabneya, Sherebia, Hodia, Shebania ha Pethahia, a leveris, ‘Sevewgh yn-bann ha bennigewgh an Arloedh agas Duw bys vykken ha bynnari; ha benniges re bo dha hanow gloryus, yw ughelhes dres pub bennath ha gormola.

Salmow 134:2

Drehevewgh agas diwleuv y'n sentri, ha bennigewgh an Arloedh.

Salmow 95:6

Deun, gordhyen hag omblegya, gwren ni mos war benn-dewlin a-rag an Arloedh agan Gwrier.

Eksodus 14:31

Hag Ysrael a welas an ober meur a wrug an Arloedh erbynn an Ejyptianys, ha'n bobel a borthas own a'n Arloedh; hag i a grysis y'n Arloedh hag yn y was Moyses.

Eksodus 4:31

Ha'n bobel a grysis; ha pan glewsons an Arloedh dhe wul vri a vebyon Ysrael ha gweles aga galar, i a omblegyas ha gordhya.

Lavarow Koth 24:21

Ow mab, porth own a'n Arloedh ha'n myghtern, ha na omvysk gans an eyl na'y gila.

Ezekiel 46:10

Pan dhons a-ji, an pennsevik a dheu yn aga mysk, ha pan omdennons, ev ynwedh a omdenn.

Yoshua 22:33

Pes da o an Ysraelysi; ha'n Ysraelysi a vennigas Duw ha ny gowssons namoy a vos yn-bann er aga fynn gans lu, rag distrui an tir le mayth esa an Rewbenysi ha'n Gadysi trigys.

1 Peder 2:17

Gwrewgh enora pub den oll, kara an brederedh, Duw, enora an emperour.

1 Samuel 12:18

Ytho Samuel a elwis dhe'n Arloedh, ha'n Arloedh a dhannvonas taran ha glaw an jydh na; hag oll an bobel a borthas own bras a'n Arloedh hag a Samuel.