1 Kroniklys 29:17 - An Bibel Kernewek 20234 (Kernewek Kemmyn)

¹⁷ My a woer, ow Duw, ty dhe brevi an golonn, ha dhe lowenhe yn ewnhynseth. Yn gwiryonsys ow holonn y res vy a'm bodh oll an taklow ma. Ha lemmyn my re welas dha bobel usi omma ow ri dhis a'ga bodh yn lowen.

1 Kroniklys 29:17 ပူးပေါင်းရင်းမြစ်များ

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

1 Kroniklys 29:16

A Arloedh agan Duw, oll an palster ma a wrussyn y dharbari dhe dhrehevel chi dhis, a-barth dha hanow sans, a dheu dhiworth dha leuv jy, ha dhiso jy yw an taklow oll.

1 Kroniklys 29:18

A Arloedh Duw Abraham, Ysak hag Ysrael agan tasow, gwith hemma bys vykken yn brys ha prederow kolonn dha bobel, ha kevarwoedh aga holonn troha dhis.

1 Kroniklys 29:9

An dus a lowenhas, rag an rohow dhe vos res dhe'n Arloedh a'ga bodh hag a leun golonn. Myghtern Davydh ynwedh o pur lowen.

2 Kroniklys 6:30

klew dhiworth nev, tyller dha drigva, gav, hag attal dhe beub herwydh aga fara, rag ty unnsel a woer kolonn tus.

Salmow 15:2

Neb a gerdh heb namm, ha gul ewnder, ha kewsel gwirder yn y golonn;

Salmow 17:3

Ty re brovas ow holonn; ty re wrug vri ahanav y'n nos; ty re'm assayas ha ny gevsys sherewneth ynnov; ny vydh ow ganow ow pegha.

Salmow 51:6

Otta, hwansek osta dhe wirder y'n rannow a-bervedh, hag yn-dann gel ty a dhysk dhymm furneth.

Salmow 51:8

Gwra dhymm klewes lowena ha heudhder, may lowenhaho an eskern a vrewsys.

Salmow 7:9

Bedhes diwedh dhe dhrogober an debeles, mes ty gwra fastya an den gwiryon, ty neb a brev an kolonnow ha'n lonethi, an Duw gwiryon.

Lavarow Koth 11:20

Tus a golonn dreus yw tra gasadow dhe'n Arloedh, mes an re a fordhow divlam yw y dhelit.

Lavarow Koth 16:2

Oll fordhow gour yw pur yn y dhewlagas y honan, mes an Arloedh a vantol an spyrysyon.

Lavarow Koth 17:3

An teudhlester yw rag arghans, ha'n forn yw rag owr, mes an Arloedh a brev kolonnow.

Lavarow Koth 21:2

Pub fordh gour yw ewn yn y dhewlagas y honan, mes an Arloedh a vantol an golonn.

Yeremia 17:10

My an Arloedh a hwither an golonn, ha previ an dhiwloneth, dhe ri dhe beub herwydh y fordhow, ha herwydh frut y oberow.

Yowann 1:47

Yesu a welas Nathanael ow tos dhodho hag yn-medh ev anodho, ‘Awotta Ysraelyas yn hwir, ma nag eus ynno gil!’

Oberow 24:16

Rakhenna my ow honan a striv prest dhe synsi kowses divlam a-rag Duw ha tus oll.

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

2 Korinthianys 9:7

Res yw dhe bub huni ri an pyth a erviras yn y golonn, heb anvodh po heb bos ynniys: rag Duw a gar riyas lowenek.

Dewteronomi 8:2

Ha ty a berth kov a oll an fordh a wrug an Arloedh dha Dhuw dhis kerdhes ynni an dew-ugens blydhen ma y'n gwylvos, rag ma'th uvelhaho ha'th previ, dhe wodhvos an pyth esa y'th kolonn, mar kwitthes y worhemmynnow po na witthes.

1 Thessalonianys 2:10

Hwi yw testow, ha Duw ynwedh, fatell en ni sans ha gwiryon ha divlam dhywgh hwi neb a grys.

Filemon 1:20

Ya, ow broder, re biv tylys genes y'n Arloedh. Hebaskha ow holodhyon yn Krist!

Filemon 1:7

Rag my a gavas meur a lowena ha konfort y'th kerensa, drefenn kolodhyon an syns dhe vos kennerthys dredhos, a vroder.

Ebrowyon 4:12

Rag ger Duw yw effeythus ha lymma ages pub kledha dewvinyek, ow kwana erna ranno enev ha spyrys, mellow ha mer, hag a yll breusi tybyansow ha mynnas an golonn.

Diskwedhyans 2:23

Ha my a ladh hy fleghes yn farow; ha'n eglosyow oll a wra godhvos ow bos neb a hwila an lonethi ha'n kolonnow: hag y rov dhywgh hwi pubonan war-lergh agas gwriansow.

1 Samuel 16:7

Mes yn-medh an Arloedh dhe Samuel, ‘Na vir war naneyl y semlans na hirder y gorf, drefenn my dh'y skonya; rag ny wra an Arloedh gweles kepar dell wel mab-den; rag mab-den a vir war an semlans, mes an Arloedh a vir war an golonn.’