1 Kroniklys 29:15 - An Bibel Kernewek 20234 (Kernewek Kemmyn)

¹⁵ Rag alyons on ni a-ragos, ha godrigoryon, kepar ha'gan tasow oll. Avel skeus yw agan dydhyow war an nor, heb govenek.

1 Kroniklys 29:15 ပူးပေါင်းရင်းမြစ်များ

Jenesis 21:34

Hag yth esa Abraham trigys avel alyon yn pow an Filistysi lies dydh.

Jenesis 23:4

‘My yw alyon ha godriger yn agas mysk; grontyewgh dhymm perghennogeth rag ynkleudhva genowgh, may hylliv ynkleudhyas an korf mes a'm golok.’

Jenesis 28:4

ha ri dhis bennath Abraham, dhiso jy ha dhe'th has genes jy, may hylli perghenna an pow mayth esos ow kodriga ynno avel alyon, a ros Duw dhe Abraham.’

Jenesis 36:7

Rag mar vras o aga fyth ma na yllens triga war-barth, ha na ylli an pow mayth esens ow kodriga ynno aga ferthi drefenn aga chatel.

Jenesis 47:9

Hag yn-medh Yakob dhe Faro, ‘Dydhyow blydhynyow ow godrigow yw deg ha hwegh-ugens. Boghes ha drog re beu dydhyow blydhynyow ow bewnans, ha ny wrussons dos nes dhe dhydhyow blydhynyow bewnans ow thasow yn dydhyow aga godrigow i.’

1 Kroniklys 29:14

‘Mes piw ov vy, ha piw yw ow fobel, ni dhe alloes profya yndella mar hel? Rag dhiworthis jy y teu pup-tra, hag a'th leuv dha honan yth eson ow ri dhis.

1 Kroniklys 29:16

A Arloedh agan Duw, oll an palster ma a wrussyn y dharbari dhe dhrehevel chi dhis, a-barth dha hanow sans, a dheu dhiworth dha leuv jy, ha dhiso jy yw an taklow oll.

Job 14:10

Mes gour a verow ha difygya; dhe wir, den a anell y dhiwettha anall ha ple'ma ev?

Job 14:2

Ev a dyv yn-bann kepar ha bleujenn hag a wedher, ev a fi kepar ha skeus, ha ny worta.

Job 8:9

rag dhiworth de on ni, ha ny wodhon travyth; skeus yw agan dydhyow war an norvys.

Salmow 102:11

Ow dydhyow a leha kepar ha skeus, ha kepar ha gwels y hwedhrav.

Salmow 119:19

Alyon ov vy war an nor; na gudh dha worhemmynnow ragov.

Salmow 144:4

Kepar hag anall yw den; y dhydhyow a dremen avel skeus.

Salmow 39:12

‘Klew ow fysadow, A Arloedh, ha ro skovarn dhe'm kri; na vydh tawesek orth ow dagrow. Rag alyon ov vy genes, godriger, avel ow thasow oll.

Salmow 39:13

Mir dhe-ves dhiworthiv, may fiv kennerthys, kyns my dhe dhiberth, heb bos namoy.’

Salmow 90:9

Rag oll agan dydhyow a dremen yn-dann dha sorr; ni a dhre agan blydhynyow dhe benn kepar ha hanas.

Ekklesiastes 6:12

Rag piw a woer pandr'yw 'vas rag den hedre vo bew, dres an nebes dydhyow a'y vewnans euver, rag i a dremen kepar ha skeus. Rag piw a yll disklerya dhe dhen an taklow a hwyrvydh a'y wosa yn-dann an howl?

Levitikus 25:23

Ny vydh an tir gwerthys bys vykken, rag my a bew an tir; rag hwi yw alyons ha godrigoryon genev.

Jamys 4:14

Mes ny wodhowgh fatell vydh agas bewnans a-vorow. Ethenn owgh hwi owth omdhiskwedhes rag berr dermyn hag ena ow mos mes a wel.

1 Peder 2:11

Karadowyon, my a'gas pys avel alyons ha divresow mayth omwithewgh rag hwansow an kig a wra gwerrya erbynn an enev.