1 Kroniklys 29:11 - An Bibel Kernewek 20234 (Kernewek Kemmyn)

¹¹ Dhiso jy, A Arloedh, yw an braster, ha'n nerth, ha'n glori ha'n splannder, rag dhiso jy yw pup-tra yn nev ha nor. Dhiso jy, A Arloedh, yw an myghternsys, hag ughelhes os avel penn dres pup-tra.

1 Kroniklys 29:11 ပူးပေါင်းရင်းမြစ်များ

Jenesis 1:1

Y'n dalleth Duw a formyas an nev ha'n nor.

Jenesis 14:19

Hag ev a'n bennigas ha leverel, ‘Benniges re bo Abram gans Duw Ughella, Gwrier nev ha nor.

Jenesis 14:22

Mes Abram a leveris dhe vyghtern Sodom, ‘My re dhrehevis ow leuv dhe'n Arloedh, Duw Ughella, Gwrier nev ha nor,

1 Kroniklys 29:10

Davydh a vennigas an Arloedh a-dherag an kuntelles oll. Ha Davydh a leveris, ‘Benniges os, A Arloedh, Duw Ysrael agan tas, bys vykken ha bynnari.

2 Kroniklys 20:6

hag a leveris, ‘A Arloedh, Duw agan tasow, a nyns osta Duw y'n nev? A ny rewlydh war oll gwlaskordhow an kenedhlow? Yma y'th leuv galloes ha nerth, bys ma na yll nebonan sevel orthis.

Nehemia 9:5

Yn eur na an Levysi, Yeshua ha Kadmiel, Bani, Hashabneya, Sherebia, Hodia, Shebania ha Pethahia, a leveris, ‘Sevewgh yn-bann ha bennigewgh an Arloedh agas Duw bys vykken ha bynnari; ha benniges re bo dha hanow gloryus, yw ughelhes dres pub bennath ha gormola.

Job 37:22

Dhiworth an gogledh y teu splannder owrek; war Dhuw yma meuredh euthyk.

Salmow 10:16

An Arloedh yw Myghtern bys vykken ha bynnari; an kenedhlow res eth dhe goll yn-mes a'y dir ev.

Salmow 103:19

An Arloedh re fastyas y se y'n nevow, ha'y wlaskor a wra maystri war bup-tra.

Salmow 104:1

Bennik an Arloedh, ow enev. A Arloedh ow Duw, pur veur osta. Gwiskys osta yn enor ha splannder,

Salmow 145:1

My a'th ughelha, A Dhuw an Myghtern, ha my a vennik dha hanow bys vykken ha bynnari.

Salmow 145:6

Ha tus a gews a nerth dha oberow euthyk; my a dheriv dha veuredh.

Salmow 21:13

Bydh ughelhes, A Arloedh, y'th nerth! Ni a gan hag a wormel dha alloes.

Salmow 29:4

Lev an Arloedh yw galloesek, lev an Arloedh yw leun a splannder.

Salmow 46:10

Bedhewgh kosel, ha godhvydhewgh my dhe vos Duw; my a vydh ughelhes yn mysk an kenedhlow, my a vydh ughelhes y'n nor.

Salmow 47:9

Pennsevigyon an poblow yw omguntellys war-barth, gans pobel Duw Abraham. Rag Duw a'n jeves skoesow an nor, ughelhes yn feur yw ev.

Salmow 57:11

Bydh ughelhes, A Dhuw, a-ugh an nevow; bedhes dha wolewder dres oll an nor.

Salmow 57:5

Bydh ughelhes, A Dhuw, a-ugh an nevow; bedhes dha wolewder dres oll an nor.

Salmow 57:6

I re bareusis roes rag ow hammow, ow enev yw plegys dhe'n dor. I re gleudhyas pytt a-dheragov, hag i aga honan re goedhas a-bervedh ynno. Sela.

Salmow 89:11

Yma an nevow dhiso jy, yma an nor ynwedh dhiso jy; an norvys ha pup-tra eus ynno, ty re's selyas.

Salmow 97:1

An Arloedh a reyn, lowenhes an nor; bedhes heudhik ynysow pals.

Salmow 97:9

Rag ty, A Arloedh, yw ughel dres oll an nor; ty yw ughelhes yn feur a-ugh an duwow oll.

Salmow 98:1

Kenewgh dhe'n Arloedh kan nowydh, rag ev re wrug marthusyon. Y leuv dhyghow ha'y vregh sans re wrug budhogoleth ragdho.

Salmow 99:1

An Arloedh yw Myghtern; krenes an poblow. Ev yw esedhys war an cherubim; krysyes an nor.

Ysay 12:4

Y'n jydh na hwi a lever: Gormelewgh an Arloedh, gelwewgh war y hanow; gwrewgh y wriansow godhvedhys yn mysk an poblow, deklaryewgh y hanow dhe vos ughelhes.

Ysay 42:5

Yndellma y lever Duw, an Arloedh, neb a wrug an nevow ha'ga ystynn, neb a lesas an norvys ha'n pyth a dheu anodho, neb a re anall dhe'n bobel usi warnodho, ha spyrys dhe'n re a gerdh ynno:

Ysay 66:1

Yndellma y lever an Arloedh: Nev yw ow thron ha'n norvys yw ow skavell-droes; ple'ma'n chi a dhrehevowgh dhymm? ple fydh ow fowesva?

Yeremia 27:5

My re wrug an nor, an den ha'n best usi war an nor, der ow galloes meur ha der ow bregh ystynnys, ha'y ri dhe biwpynag a blekkyo dhymm.

Daniel 2:20

Daniel a worthybis ow leverel: ‘Benniges re bo hanow Duw trank heb worfenn, rag dhodho ev yma furneth ha galloes.

Daniel 4:3

Ass yw bras y toknys, ass yw krev y anethow! Y vyghternsys yw myghternsys a dhur bys vykken, ha'y vestrynses a henedh dhe henedh.

Daniel 4:30

An myghtern a gewsis ow leverel, ‘A nyns yw homma Babylon veur, hag a dhrehevis vy avel chi ryel dre nerth ow galloes, ha rag enor ow meuredh?’

Daniel 4:32

hag i a'th fes pell dhiworth tus, ha'th annedh a vydh gans an bestes gwyls, hag i a'th wra dhe dhybri gwels avel oghen; warnas y tremen seyth seson bys pan wodhvydhydh bos an Ughella rewler yn gwlaskor mab-den, hag ev a's re dhe neb a vynno.’

Matthew 6:13

Ha na wra agan dri yn temptasyon, mes delirv ni dhiworth drog.

1 Timothi 1:17

Dhe Vyghtern an oesow, anvarwel, diwel, an unn Duw, re bo enor ha gordhyans trank heb worfenn. Amen.

Ebrowyon 1:3

neb yw dewynnyans golewder Duw ha gwir imaj y substans, ow mentena traow oll der an ger a'y nerth. Pan wrussa glanheans peghosow, ev a esedhas orth leuv dhyghow an Meuredh y'n tylleryow ughel,

Yoshua 3:11

Otta, yma argh kevambos Arloedh oll an nor ow treusi a-dheragowgh y'n Yordan.

Yoshua 3:13

Ha pan bowes godhnow treys an oferysi usi ow toen argh an Arloedh, Arloedh oll an nor, yn dowrow an Yordan, dowrow an Yordan a vydh treghys dhiworth an dowrow a dheu yn-nans a-wartha; hag i a sev yn graghell.’

Lyther Yud 1:25

dhe'n unn Duw agan Selwyas, dre Yesu Krist agan Arloedh, dhodho re bo gordhyans, meuredh, mestrynses, ha galloes kyns pub oes ha lemmyn ha bys vynnari. Amen.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Diskwedhyans 19:1

Wosa an taklow ma, my a glewas kepar ha pan ve lev bras lies den yn nev ow leverel, ‘Alleluya; selwyans, ha gordhyans, ha galloes dh'agan Duw:

1 Samuel 15:29

Hag ynwedh, ny wra Splannder Ysrael naneyl toella na treylya y vrys.’