1 Kroniklys 28:8 - An Bibel Kernewek 20234 (Kernewek Kemmyn)

⁸ Lemmyn ytho a-wel dhe oll Ysrael, ha kuntelles an Arloedh, hag yn klewans agan Duw, gwaytyewgh gwitha oll gorhemmynnow an Arloedh dha Dhuw may eritewgh an pow da ma ha'y gemmynna rag eretons dhe'th vebyon war dha lergh bys vykken.

1 Kroniklys 28:8 ပူးပေါင်းရင်းမြစ်များ

1 Kroniklys 28:7

My a fast y vyghterneth bys vykken mar pydh hardh ow kwitha ow gorhemmynnow ha'm breusow, dell wra y'n jydh ma.”

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

Ezra 9:12

Lemmyn ytho na rewgh agas myrghes dh'aga mebyon, ha na gemmerewgh aga myrghes dh'agas mebyon. Nevra na hwilewgh kevambos kres gansa, may fowgh krev, ha dybri dader an tir, ha'y asa dh'agas fleghes avel eretons bynitha.”

Salmow 119:27

Gwra dhymm konvedhes fordh dha arghadowyow, ha my a breder a'th varthusyon.

Salmow 119:4

Ty re worhemmynnis may synsyn dha arghadowyow gans rach.

Salmow 119:44

My a syns dha lagha pup-prys, bys vykken ha bynnari.

Eksodus 23:13

Koelewgh orth an pyth oll re leveris dhywgh; ha na elwewgh war henwyn duwow erell, na na esewgh i dhe vos klewys a'gas ganow.

Lavarow Koth 13:22

Den da a as eretons dhe vebyon y vebyon, mes pyth an peghador yw gwithys rag an den gwiryon.

Lavarow Koth 3:1

Ow mab, na ankov ow dyskans, gas dhe'th holonn gwitha ow gorhemmynnow;

Ysay 34:16

Hwithrewgh yn lyver an Arloedh ha lennewgh: ny fyll nagonan anedha, ny vydh nagonan heb hy hespar. Rag y anow re worhemmynnis, ha'y Spyrys a's kuntell war-barth.

Oberow 10:33

Rakhenna my a dhannvonas hware war dha lergh hag a'th kuvder devedhys osta. Lemmyn kuntellys on ni oll dherag Duw rag goslowes orth an taklow oll re beu erghys dhis gans an Arloedh.’

Oberow 17:11

ha'n dus ma o gwell yn aga gnas ages an re na yn Thessalonika, rag i a dhegemmeras an ger gans mall meur, ow hwithra an skryptors pub dydh, dhe weles mar pe gwir an taklow ma.

Dewteronomi 27:1

Moyses ha henavogyon Ysrael a worhemmynnis dhe'n bobel, ow leverel: Gwith oll an gorhemmynn esov orth y worhemmynna dhywgh hedhyw.

Dewteronomi 29:10

Yth esowgh hwi oll ow sevel hedhyw a-rag an Arloedh agas Duw: agas pennow, agas loethow, agas henavogyon, ha'gas soedhogyon, pub gour a Ysrael,

Dewteronomi 29:15

mes ganso ev neb usi ow sevel genen omma hedhyw a-rag an Arloedh agan Duw, hag ynwedh ganso ev nag usi omma genen hedhyw.

Dewteronomi 4:1

Lemmyn, Ysrael, goslow an ordenansow ha'n breusow esov ow tyski dhywgh dhe wul, rag may fewowgh ha dos hag erita an tir usi an Arloedh Duw agas tasow ow ri dhywgh.

Dewteronomi 4:26

my a elow nev ha nor hedhyw dhe dhoen dustuni er agas pynn, hwi dhe vos dhe goll dhiworth an tir mayth esowgh ow treusi an Yordan di dh'y erita. Ny hirhowgh agas dydhyow warnodho, mes y fydhowgh distruys sur.

Dewteronomi 4:6

Gwaytyewgh dh'aga gul, rag hemm yw agas furneth ha'gas konvedhes a-wel dhe'n bobel neb a glew oll an ordenansow ma, ha neb a lever, ‘Yn hwir an genedhel vras ma yw pobel fur ha dhedhi konvedhes.’

Dewteronomi 5:32

Gwaytyewgh gul ytho kepar dell worhemmynnis dhywgh an Arloedh agas Duw; na dreylyewgh dhe'n dyghow na dhe'n kledh.

Dewteronomi 5:33

Kerdhewgh yn pub fordh a worhemmynnis an Arloedh agas Duw dhywgh, rag may fewowgh ha may fo yn ta dhywgh ha may fo agas dydhyow hir y'n tir a eritowgh.

Yoshua 24:20

Mar forsakyowgh an Arloedh ha servya duwow estren, ev a dreyl ha gul drog dhywgh, ha'gas distrui, wosa ev dhe wul da dhywgh.’