1 Kroniklys 28:20 - An Bibel Kernewek 20234 (Kernewek Kemmyn)

²⁰ Y'n eur na Davydh a leveris dhe Solomon y vab, ‘Bydh krev ha bydh kolonnek ha gwra an ober. Na borth own, na vydh digennerthys, rag yma genes an Arloedh Duw, ow Duw. Ny wra dha asa na dha eskasa erna vo gorfennys oll an ober rag servis chi an Arloedh.

1 Kroniklys 28:20 ပူးပေါင်းရင်းမြစ်များ

1 Myghternedh 6:38

Y'n unnegves blydhen, y'n mis Bul, hag yw an ethves mis, an chi a veu gorfennys yn oll y rannow, ha herwydh oll y dhesinyow. Ytho ev a spenas seyth blydhen orth y dhrehevel.

1 Kroniklys 22:13

Ena ty a sewen mar kwaytydh gwitha an ordenansow ha'n breusow a erghis an Arloedh dhe Moyses rag Ysrael. Bydh krev, hag a golonn dha. Na borth own, na vydh digolonnek.

1 Kroniklys 28:10

Kemmer with lemmyn, rag an Arloedh re'th tewisas dhe dhrehevel chi rag an sentri; bydh krev, ha'n gwra.’

2 Kroniklys 19:11

Amaria an arghoferyas, yma ev warnowgh yn oll an traow a doch an Arloedh; ha Zebadia mab Yshmael, pennsevik chi Yuda, yn oll antraow a doch an myghtern; ha'n Levysi yw agas soedhogyon. Bedhewgh krev ha hardh, ha re bo an Arloedh gans an re 'vas!’

Ezra 10:4

Sa'bann; rag dha dhever jy yw hemma, ha ni a vydh genes. Bydh krev, ha'n gwra.’

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 41:13

Rag my, an Arloedh, yw dha Dhuw a syns dha dhorn dhyghow; neb a lever dhis, ‘Na borth own, my a'th weres.’

Haggay 1:13

Ena Haggay, kannas an Arloedh, a dherivas messaj an Arloedh dhe'n bobel, ow leverel: Yth esov genowgh yn-medh an Arloedh.

Haggay 2:4

Mes lemmyn bydh kolonnek, A Zerubbabel, yn-medh an Arloedh, ha bydh kolonnek, A arghoferyas Yoshua mab Yosedek, ha bedhewgh kolonnek, oll pobel an vro, yn-medh an Arloedh, hag oberewgh, drefenn ow bos genowgh, yn-medh Arloedh an luyow.

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

1 Korinthianys 16:13

Bedhewgh hewoel, sevewgh fast y'n fydh, bedhewgh hardh, bedhewgh krev.

Dewteronomi 31:6

Bedhewgh krev, ha bedhewgh kolonnek, na berthewgh own nag euth a-ragdha, drefenn an Arloedh dha Dhuw, ev yth yw neb a gerdh genes; ny wra dha asa na'th forsakya.’

Dewteronomi 4:31

(rag an Arloedh dha Dhuw yw Duw truedhek), ny wra ev kildenna dhiworthis na dha dhistrui, ha ny ankev kevambos dha dasow a dos dhedha.

Ebrowyon 13:5

Bedhes agas bewnans rydh a gerensa arghans, ha bedhewgh kontentys gans an pyth a'gas beus; rag ev re leveris, ‘Nevra ny wrav dha fyllel na dha forsakya.’