1 Kroniklys 28:2 - An Bibel Kernewek 20234 (Kernewek Kemmyn)

² Davydh an myghtern a sevis yn-bann, hag a leveris: ‘Goslowewgh orthiv, ow breder ha'm pobel. Dhe'm parth evy, yth esa y'm brys dhe dhrehevel chi a bowes rag argh kevambos an Arloedh ha rag skavell-droes agan Duw, ha my re wrug darbarow dh'y dhrehevel.

1 Kroniklys 28:2 ပူးပေါင်းရင်းမြစ်များ

Jenesis 48:2

Ha nebonan a dherivas dhe Yakob ow leverel, ‘Otta, dha vab Yosep yw devedhys dhiso’, hag Ysrael a omgennerthas hag esedha yn-bann war an gweli.

1 Myghternedh 1:47

Kekeffrys gwesyon an myghtern a dheuth rag benniga agan arloedh myghtern Davydh, ow leverel, “Re wrello Duw hanow Solomon gwell ages dha hanow jy, ha'y dron brassa ages dha dron jy.” Ena an myghtern a omblegyas yn gordhyans war an gweli.

1 Myghternedh 5:3

‘Ty a woer na allas ow thas drehevel chi rag hanow an Arloedh y Dhuw drefenn an breselyow gans y eskerens a bub tu, bys pan y's gorras an Arloedh yn-dann wodhnow y dreys.

1 Kroniklys 17:4

Ke ha lavar dhe'm gwas Davydh: Yndellma y lever an Arloedh: Nyns yw ty neb a dhrehav ragov chi dhe driga ynni.

1 Kroniklys 22:14

Otta, der ow ober kales, my re brovias rag chi an Arloedh kans mil dalent a owr, milvil dalent a arghans, ha myns a vrons ha horn na yllir aga foesa; prenn ha men ynwedh my re brovias. Res vydh dhis keworra dhe'n re ma.

1 Kroniklys 22:6

Ena ev a elwis Solomon y vab hag erghi dhodho drehevel chi rag an Arloedh, Duw Ysrael.

1 Kroniklys 22:7

Davydh a leveris dhe Solomon, ‘Ow mab, yth esa y'm brys drehevel chi rag hanow an Arloedh, ow Duw.

1 Kroniklys 6:31

An re ma yw an dus settys gans myghtern Davydh yn charj a'n menestrouthi yn chi an Arloedh, wosa an argh dhe bowes ena.

2 Kroniklys 6:7

Y feu yn kolonn ow thas Davydh drehevel chi rag hanow an Arloedh, Duw Ysrael.

Salmow 110:1

An Arloedh a leveris dhe'm Arloedh, ‘Esedh orth ow leuv dhyghow, erna wrylliv dha eskerens dha skavell-droes.’

Salmow 132:14

‘Hemma a vydh ow fowesva bynitha; omma y trigav, rag my re yeunis war hy lergh.

Salmow 132:2

Fatell dos ev ti dhe'n Arloedh ha lia li dhe Dhuw galloesek Yakob;

Salmow 22:22

My a dheriv dha hanow dhe'm breder; yn mysk an kuntelles my a'th wormel.

Salmow 99:5

Ughelhewgh an Arloedh agan Duw, hag omblegyewgh a-dherag y skavell-droes, rag sans yw ev.

Ysay 60:13

Glori Lebanon a dheu dhis, an meryw, an elow, ha'n kypres war-barth, dhe dekhe tyller ow sentri; ha my a lorifi tyller ow threys.

Ysay 66:1

Yndellma y lever an Arloedh: Nev yw ow thron ha'n norvys yw ow skavell-droes; ple'ma'n chi a dhrehevowgh dhymm? ple fydh ow fowesva?

Kynvannow 2:1

Assa wrug an Arloedh yn y sorr dhe vyrgh Sion bos kudhys gans kommol! ev re dewlis yn-nans dhiworth nev bys yn nor an splannder a Ysrael; ny borthas ev kov a'y skavell-droes yn dydh y sorr.

Ezekiel 43:7

Yn-medh ev dhymm: Mab den, hemm yw tyller ow thron ha tyller godhnow ow threys may trigav ena yn mysk mebyon Ysrael bys vykken. Ny wra chi Ysrael defola ow hanow sans, naneyl i na'ga myghternedh, gans aga horyans, ha gans peulveyn aga myghternedh wosa i dhe verwel.

Matthew 25:16

Hag ev neb a dhegemmeras an pymp talent eth ha kenwertha gansa hag a wrug prow a bymp moy.

Oberow 7:49

“Nev yw ow se, ha'n norvys skavell-droes ow threys; py par chi a wrewgh hwi y dhrehevel ragov, yn-medh an Arloedh, po pyth yw tyller ow fowesva?

Dewteronomi 17:15

Gwayt settya warnas myghtern a wra an Arloedh dha Dhuw y dhewis. Sett warnas myghtern dhiworth dha vreder. Ny yllydh ri warnas gour estren nag yw dha broder.

Dewteronomi 17:20

rag na vo y golonn ughelhes a-ugh y vreder, ha rag na dreyllyo a-denewen dhiworth an gorhemmynn dyghow na kledh, ha rag may hirhaho y dhydhyow war y ruvaneth, ev ha'y vebyon, yn mysk Ysrael.