1 Kroniklys 28:12 - An Bibel Kernewek 20234 (Kernewek Kemmyn)

¹² ha'n towl a bup-tra esa yn y vrys rag klosyow chi an Arloedh ha rag oll an chambouryow a-derdro, rag tresorvaow chi Duw, ha rag tresorvaow an rohow sakrys;

1 Kroniklys 28:12 ပူးပေါင်းရင်းမြစ်များ

1 Myghternedh 14:26

ev a gemmeras dhe-ves tresoryow chi an Arloedh ha chi an myghtern; ev a gemmeras pup-tra. Ev a gemmeras dhe-ves ynwedh oll an skoesow a owr re wrussa Solomon.

1 Myghternedh 15:15

Ev a dhug a-berth yn chi an Arloedh rohow sakrys y das ha'y rohow sakrys y honan, arghans, owr, ha lestri.

1 Myghternedh 15:18

Ena Asa a gemmeras oll an arghans ha'n owr hag o gesys yn tresorvaow chi an Arloedh ha tresorvaow chi an myghtern, ha'ga ri yn leuv y wesyon. Myghtern Asa a's dannvonas dhe vyghtern Ben-hadad mab Tabrimmon mab Hezyon, myghtern Aram, esa trigys yn Damaskus, ow leverel,

1 Myghternedh 7:51

Yndellma oll an ober a wrug myghtern Solomon rag chi an Arloedh o gorfennys. Solomon a dhros an taklow re bia sakrys gans y das Davydh, an arghans, an owr, ha'n lestri, ha'ga gwitha yn tresorvaow chi an Arloedh.

2 Myghternedh 16:8

Hag Ahaz a gemmeras an arghans ha'n owr a veu kevys yn chi an Arloedh hag yn tresorvaow chi an myghtern, ha'ga dannvon avel ro dhe vyghtern Assyria.

2 Myghternedh 18:15

Hezekia a ros dhodho oll an arghans a veu kevys yn chi an Arloedh, hag y'n tresorvaow chi an myghtern.

1 Kroniklys 26:20

A'n Levysi, Ahiya a'n jevo charj a dresorvaow chi Duw ha tresorvaow an rohow sakrys.

1 Kroniklys 28:11

Davydh a ros dhe Solomon y vab an towl rag portal an tempel ha'y dhrehevyansow, y dresorvaow, y jambouryow gwarthav, y jambouryow pervedhel ha chi an dregeredhva;

1 Kroniklys 28:19

‘Oll hemma,’ yn-medh Davydh, ‘my a'm beus yn skrif dhiworth leuv an Arloedh warnav, hag ev a ros dhymm konvedhes yn oll manylyon an towl.’

Eksodus 25:40

Ha gwayt aga gul war-lergh an patron ragdha, a veu diskwedhys dhis war an menydh.

Eksodus 31:2

Mir, my re elwis dre hanow Besalel mab Uri, mab Hur, a loeth Yuda:

Yeremia 35:2

Ke dhe ji an Rekabysi ha kewsel dhedha, ha'ga dri dhe ji an Arloedh, a-ji dhe onan a'n chambouryow, ha ri dhedha gwin dhe eva.

Ezekiel 40:2

Ev a'm dros, yn gwelesigethow a Dhuw, dhe bow Ysrael, ha'm settya war venydh pur ughel, may feu warnodho neppyth haval dhe sita a-dhyghowbarth.

Ezekiel 40:38

Yth esa hel gans hy daras ryb postow an yetow; ena i a wolghi an offrynn leskys.

Ebrowyon 8:5

I a serv yn ensampel ha skeus a'n sentri nevek; rag pan o Moyses parys dhe dhrehevel an tabernakel, gwarnys veu gans Duw, ow leverel, ‘Gwith may hwrylli pup-tra herwydh an patron a veu diskwedhys dhis war an menydh.’