1 Kroniklys 25:6 - An Bibel Kernewek 20234 (Kernewek Kemmyn)

⁶ Yth esa oll an re ma yn-dann gevarwoedhyans aga thasow rag an menestrouthi yn chi an Arloedh, gans symbalys, sowtris ha telynnow, rag an servis yn chi Duw. Yth esa Asaf, Yeduthun, ha Heman yn-dann worvirans an myghtern.

1 Kroniklys 25:6 ပူးပေါင်းရင်းမြစ်များ

2 Samuel 6:5

Davydh hag oll chi Ysrael a lowenhas dherag an Arloedh gans oll aga nerth, gans kanow, ha sowtris, telynnow, tabourigow, sistrennow, ha gans symbalys.

1 Myghternedh 10:12

An myghtern a wrug devnydh a brenn almug dhe wul peulyow rag chi an Arloedh ha rag chi an myghtern, ynwedh sowtris ha telynnow rag an ganoryon; ny veu myns mar veur a brenn almug bythkweth ynperthys a-dhia'n jydh na.

1 Kroniklys 15:16

Davydh a erghis dhe ledyoryon an Levysi apoyntya aga breder avel kanoryon gans daffar menestrouthi, telynnow, sowtris ha symbalys, ow trehevel son lowena.

1 Kroniklys 15:19

An ganoryon, Heman, Asaf hag Ethan a vedha ow seni gans symbalys a vrons;

1 Kroniklys 15:22

Kenania, pennkenyas an Levysi, a veu yn charj a'n kana, rag ev dhe vos skentel.

1 Kroniklys 23:5

peswar mil a vydh porthoryon ha peswar mil a wormel an Arloedh gans an daffar menestrouthi re wrug rag gormel.’

2 Kroniklys 20:28

I a dheuth dhe Yerusalem, gans telynnow ha gans sowtris ha gans hirgern, dhe ji an Arloedh.

2 Kroniklys 23:13

Hi a viras, hag otta an myghtern ow sevel ryb y goloven y'n entrans, ha'n gaptenyon ha'n hirgernysi ryb an myghtern, hag oll pobel an tir ow lowenhe hag ow hwytha hirgern, ha'n ganoryon gans aga daffar menestrouthi ow ledya y'n solempnyans, Athalia a skwardyas hy dillas, hag a grias, ‘Trayson, trayson!’

2 Kroniklys 29:13

a vebyon Elisafan, Shimri ha Yeuel; hag a vebyon Asaf, Zekaria ha Mattania;

2 Kroniklys 29:25

Ev a dhesedhas an Levysi yn chi an Arloedh gans symbalys, telynnow ha sowtris, herwydh gorhemmynn Davydh ha Gad, gwelesydh an myghtern ha Nathan an profoes; rag y feu an gorhemmynn dhiworth an Arloedh der y brofoesi.

Nehemia 11:17

ha Mattania mab Mika mab Zabdi mab Asaf, an pennkenyas neb a vedha ow talleth pysadow an grasyans ha Bakbukia an nessa yn mysk y vreder; hag Abda mab Shammua, mab Galal, mab Yeduthun.

Nehemia 12:24

Ha hembrenkysi an Levysi: Hashabia, Sherebia, ha Yeshua mab Kadmiel ha'ga breder a sevi a-dal dhedha dhe gana gormel ha grasyans dhe Dhuw, an eyl amal ow korthybi dhe'n arall herwydh gorhemmynn Davydh, gour Duw.

Nehemia 12:46

Rag yn dydhyow Davydh hag Asaf nans yw pell, yth esa chyf an ganoryon, hag yth esa kanow gormola ha grasyans dhe Dhuw.

Salmow 68:25

An ganoryon eth a-rag, an menestrouthi gans daffar kerdyn eth a-dryv, yn aga mysk yth esa morenyon ow tonsya gans tabouryow.

Efesianys 5:19

ow kewsel an eyl orth y gila yn salmow ha hymnys ha kanow spyrysel, ow kana hag ow kul melodi yn agas kolonn dhe'n Arloedh;

Kolossianys 3:16

Triges ger Krist ynnowgh yn rych, ow tyski ha keski an eyl y gila yn pub furneth, ow kana salmow, hymnys ha kanow spyrysel gans gras yn agas kolonn dhe Dhuw.