1 Kroniklys 25:5 - An Bibel Kernewek 20234 (Kernewek Kemmyn)

⁵ Oll an re ma o mebyon Heman, gwelesydh an myghtern, war-lergh ambos Dhuw dh'y ughelhe; rag Duw re rosa dhe Heman peswardhek mab ha teyr myrgh.

1 Kroniklys 25:5 ပူးပေါင်းရင်းမြစ်များ

Jenesis 33:5

Hag ev a dhrehevis y dhewlagas ha gweles an benynes ha'n fleghes ha leverel, ‘Pyth yw an re ma dhiso jy?’ Hag yn-medh ev, ‘An fleghes a ros an Arloedh dhe'th was a'y ras.’

2 Samuel 24:11

Ha pan sevis Davydh ternos, ger an Arloedh a dheuth dhe'n profoes Gad, gwelesydh Davydh, ow leverel,

1 Kroniklys 21:9

An Arloedh a gewsis orth Gad, gwelesydh Davydh, ow leverel,

1 Kroniklys 25:4

A vebyon Heman: Bukkia, Mattania, Uzziel, Shebuel, Yerimoth, Hanania, Hanani, Eliatha, Giddalti, Romamti-ezer, Yoshbekasha, Mallothi, Hothir, ha Mahazioth.

1 Kroniklys 28:5

A oll ow mebyon (rag Arloedh re ros dhymm lies mab) ev re dhewisas Solomon ow mab dhe esedha war dron myghterneth an Arloedh war Ysrael.

2 Kroniklys 35:15

Yth esa an ganoryon, mebyon Asaf, yn aga thyller, herwydh gorhemmynn Davydh, Asaf, Heman, ha Yeduthun gwelesydh an myghtern. Yth esa gwithysi an yetow orth pub yet; ny's tevo edhomm a woderri aga servis, rag aga breder, an Levysi a bareusis ragdha.

Salmow 127:3

Otta, ertach an Arloedh yw mebyon, frut an brys yw y wober ev.

Ysay 8:18

Awotta, my ha'n fleghes a wrug an Arloedh aga ri dhymm yw toknys ha marthusyon yn Ysrael dhiworth Arloedh an luyow usi trigys yn menydh Sion.

1 Samuel 9:9

(Seulabrys yn Ysrael, pan eth gour dhe wovynn orth Duw, ev a leveri, ‘Dewgh, ha deun dhe'n gwelesydh’; rag an gour neb yw gelwys profoes y'n dydhyow ma o seulabrys gelwys gwelesydh.)